தலையிடுகிறாராம் ஹீரோ

ரபீக் · ரபீக் Tue May 11, 2010 6:03 pm

ஆதவன் பட 100 நாள் விழாவில் கமல் இருக்கிற மேடையில் அவருக்கே சவால் விட்டவர் ஏ.ஆர்.முருகதாஸ். பார்க்கலாம். யாரு படம் கலெக்ஷன்ல முன்னாடி நிக்குதுன்னு என்று மார்தட்டாத குறையாக அவர் பேசினாலும், இந்த போட்டி ஆரோக்கியமான போட்டி என்று உச்சிமுகர பாராட்டினார்கள் பலரும். உதயநிதி ஸ்டாலின் தயாரிக்கும் படங்களில் கமல்-கே.எஸ்.ரவிகுமார் ஒரு டீம்மாகவும், ஏ.ஆர்.முருகதாஸ்-சூர்யா இன்னொரு டீமாகவும் போட்டிபோட தயாராகிக் கொண்டிருக்கிறார்கள்.

முருகதாசின் தன்னம்பிக்கை தந்த பரிசாக கூட இருக்கலாம். கமலே முருகதாசை அழைத்து கதை கேட்டதாக செய்தி. இந்த நிலையில் விறுவிறுப்பாக பட வேலைகளை ஆரம்பித்த முருகதாஸ் சற்றே சுணக்கம் காட்டுகிறாராம். ஏன்? கதையில் ஹீரோ தலையிடுவதால்தான். தனக்கு கிடைத்து வரும் அடுக்கடுக்கான வெற்றியை தக்க வைத்துக் கொள்ள வேண்டும் என்ற பதற்றத்தில் இதை மாற்றலாம், அதை மாற்றலாம் என்கிறாராம் சூர்யா.

கஜினி படத்தின் கதையை சொல்லப் போகும்போது இதே கொடுமையைதான் மற்ற ஹீரோக்களிடம் அனுபவித்தார் முருகதாஸ். ஆனால் அப்போது சொன்னதை கேட்டு நடித்த சூர்யா, இப்போது கதையில் தலையை நுழைப்பது சரிதானா? ஒட்டகச்சிவிங்கி ஒசரம்தான். அதுக்காக மூஞ்சுக்கு நேரா வந்து பேசுன்னா முடியுற காரியமா?