கலப்படம் - எங்கும் கலப்படம், எதிலும் கலப்படம்.

**சிவா** · **சிவா** Tue Apr 27, 2010 9:04 am

* அரிசியில் சலவை கற்கள், கற்கள் கலப்படம் செய்கிறார்கள். அரிசியில் பூச்சி வராமல் இருக்க போரிக் பவுடர் கலக்கிறார்கள். சிறிது அரிசி எடுத்து, அதனுடன் சிறிதளவு தண்ணீரும், சில துளிகள் ஹைட்ரோ குளோரிக் அமிலமும் சேர்த்து, ஒரு மஞ்சள் காகிதத்தை அதனுள் அமிழ்த்தினால் அது சிகப்பாக மாறும். அப்படி மாறுவது கலப்படத்தை உறுதி செய்கிறது.

* மைதாவில் விலை மலிவான மரவள்ளிக்கிழங்கு மாவு சேர்க்கப்படுகிறது. மாவை பிசையும்போது அதிக நீர் சேர்க்க வேண்டி இருந்தாலும், மாவு அதிகமாக விரிந்து கொடுக்காமல் இருந்தாலும் அதில் கலப்படம் செய்யப்பட்டுள்ளதை உறுதி செய்து கொள்ளலாம்.

* ரவையில் இரும்பு துகள்கள் சேர்க்கப்படுகின்றன. காந்தத்தை ரவையினுள் செலுத்தினால் அவற்றை பிரித்தெடுக்கலாம்.

* தேயிலையில் ஏற்கனவே உபயோகப்படுத்தப்பட்ட தேயிலை, சாயம் கலந்த உளுந்து தோல் அல்லது கடலைப் பருப்பின் வெளிப்புறத் தோல் சேர்க்கப்படுகிறது. சிறிது தேயிலைத் தூளை நனைக்கப்பட்ட வடிகளில் தூவினால் நிறம் பிரியாமல் இருந்தால் மாத்திரமே அது ஒரிஜினல். நிறம் பிரிந்தால் அது கலப்படத் தேயிலை.

* காபியில் சிக்கிரித் தூள், புளியங்கொட்டை தூள், பேரீச்சம்பழக்கொட்டைத் தூள் ஆகியவை கலப்படம் செய்யப்படுகிறது. இதனால் வயிற்றுவலி, அல்சர் ஏற்படும்.

* மிளகாய்த் தூளில் அதிக எடைக்காக செங்கல் தூளும், சிவப்பு நிறத்திற்காக கலர் பவுடரும் சேர்க்கப்படுகிறது. மிளகாய்த் தூளுடன் சிறிது தண்ணீர் சேர்த்து குலுக்கினால் செங்கல் தூள் அடியில் படிந்துவிடும்.

* பெருங்காயத்தில் பல்வேறு பிசின்கள் கலப்படம் செய்யப்படுகிறது. ஒரிஜினல் பெருங்காயத்தை எரிய விட்டால் கற்பூரம் போன்று எரியும். பிசின் தவிர சலவைக்கல், மணல், மாவுப் பொருட்களும் பெருங்காயத்துடன் சேர்க்கப்படுகிறது. பெருங்காயத்தை தண்ணீரில் கரைத்து வடிகட்டினால் உண்மை புரியும்.

* குங்குமப்பூவில் நிறமூட்டிய இளம் சோளக் கதிர்களை சேர்த்து விடுகிறார்கள்.

* கோதுமையில் ஊமத்தை விதைகளையும் சேர்க்கிறார்கள். மிளகாய் விதைகளைப் போன்று கருப்பு கலந்த காபி நிறத்தில் ஊமத்தை விதை காணப்படும்.

* பாலில் தண்ணீர் கலப்படம் செய்யப்பட்டுள்ளதா என்பதை அறிய, செங்குத்தான பாலிஷ் செய்யப்பட்ட தரை மேற்பரப்பில் சிறிது பாலை ஓடவிட வேண்டும். பாலில் தண்ணீரின் அளவு அதிகமாக இருந்தால் அது ஓடிய இடத்தில் தடம் எதுவும் இருக்காது. சுத்தமான பால் வெள்ளையான தடம் விட்டுச் செல்லும்.

* சர்க்கரையில் (சீனி) சாக் பவுடர் சேர்க்கப்படுகிறது. சர்க்கரையை ஒரு டம்ளர் தண்ணீரில் கரைத்தால் சர்க்கரை கரையும், சாக் பவுடர் கரையாது.

அப்புகுட்டி · அப்புகுட்டி Thu Apr 29, 2010 3:24 am

என்ன கொடுமை இது எதையும் விட்டு வைக்க மாட்டார்களா இக்கயவர்கள் மனித உயிருடன் இப்படியுமா விளையாடுவது.
சோகம் சோகம். பகிர்வுக்கு நன்றி அண்ணா.

kalaimoon70 · kalaimoon70 Thu Apr 29, 2010 3:41 am

ஈகை இல்லாத உள்ளம் செய்கின்ற செயல் இது .
ஈனச் செயல் ...தீவிரவாதியை விட கொடுமையானவன் இவன் .
தண்டிக்கப்படவேண்டியவன்..தனிமைப்படுத்தவேண்டியவன்..

பகிர்வுக்கு நன்றி தல .

Latharani · Latharani Thu Apr 29, 2010 3:55 am

\\\ரவையில் இரும்பு துகள்கள் சேர்க்கப்படுகின்றன.
அரிசியில் சலவை கற்கள், கற்கள் கலப்படம் செய்கிறார்கள்.
* சர்க்கரையில் (சீனி) சாக் பவுடர் சேர்க்கப்படுகிறது.
மிளகாய்த் தூளில் அதிக எடைக்காக செங்கல் தூளும்,
* கோதுமையில் ஊமத்தை விதைகளையும் சேர்க்கிறார்கள். /// - OH GOD!!!!