உனைத்தேடு

**ரிபாஸ்** · **ரிபாஸ்** Sun Mar 07, 2010 5:03 pm

உனைத்தேடு

விழிதிறந்து
பார்
இக்காலையில் உன்
தூக்கம் கலைத்த குற்றம்
எனதாகட்டும்

இருந்தும்
விழி திற
நீ நேசிக்கும் முகம் மற
அதைமறந்தாலே
இவ்வுலகம் உனதாகும்

நீ வீடுவிட்டு
கதவடைக்க ஓருயிர் விழிக்கும்
அதே நீ
தெருவிலானால்
எதிர்
கட்டிடத்தின் யன்னல்கள்
விழிக்கோலம்கொண்டாலும்
அதற்குள் ஏதோவோர்விழி
நீ
விழிக்குமுன்பே உனக்காய்
காத்திருக்கும்

அதையும் நீ
தொலைத்து
நீ தினமும்பயணிக்கும்
அந்த பஸ்சிலோ அன்றி
ராமிலோ
ஏதோவோர்விழி
உனக்காய் காத்திருக்கும்

அதையும் நீ
தொலைத்தாலும்
நீ
பணிபுரியுமிடத்திலும்
ஓரிரு விழிகள்
உனக்காய்
உன் வருகைக்காய்
காத்திருக்கும்

இதையும் நீ
புரியவில்லையாயின் உனது
நேசிப்புத்தான் மிஞ்சும்
அந்தநேசிப்பில்
நீ
உனையழிப்பாய்

ஆதலால்

உன் எதிர் வீட்டுக்கதவுபார்
இல்லையேல்
எதிர்க்கட்டிடத்தின்
ஜன்னல்பார்
அதுகும் தோற்றால்
நீ பயனிக்கும்
வாகனத்தின்
விழிகளுக்குள் உனைத்தேடு

இப்படி உனது நேசிப்பை நீ
மறந்தாலே
நீ
உனைநேசிப்பதாய்
நான் உணர்வேன்.