தேவகோட்டையில் கல்லூரி மாணவர்கள் மோதல்; 14 பேர் கைது

சிவகங்கை மாவட்டம் தேவகோட்டையில் தனியார் கல்லூரி உள்ளது. இந்த கல்லூரியில் பி.காம். முதலாமாண்டு படிக்கும் முகமது உசேனுக்கும், பி.ஏ. 2-ம் ஆண்டு படிக்கும் மகேஷ்குமாருக்கும் முன் விரோதம் இருந்துள்ளது. இவர்கள் தனி தனியாக கோஷ்டியாக அடிக்கடி வாக்கு வாதத்தில் ஈடுபட்டு உள்ளனர்.

நேற்று மாலை இரு தரப்பினர் இடையே கல்லூரி முடிந்ததும் வாக்குவாதம் ஏற்பட்டது. சிறிது நேரத்தில் மோதலாக வெடித்தது. இரு தரப்பினரும் பயங்கரமாக மோதிக்கொண்டனர். கல்லூரி முன்பு மோதியதால் பெரும் பரபரப்பு ஏற்பட்டது.

இது குறித்து தேவகோட்டை டவுன் போலீசில் புகார் செய்யப்பட்டது. போலீசார் மகேஷ்குமார் தரப்பில் 8 பேர் மீதும், முகமது உசேன் தரப்பை சேர்ந்த 6 பேர் மீதும் வழக்குப்பதிவு செய்து கைது செய்தனர்.

தேவகோட்டையில் கிராம கட்டுப்பாட்டை மீறி கண்மாய் மரங்கள் ஏலம் கிராமத்தினர் எதிர்ப்பு

தேவகோட்டையில் கிராம கட்டுப்பாட்டை மீறி கண்மாய் மரங்கள் ஏலம் கிராமத்தினர் எதிர்ப்பு தேவகோட்டை ஆர்.டி.ஓ. அலுவலகத்தில் தேவ கோட்டை தாலுகாவில் உள்ள 21 கண்மாய் மரங்கள் ஏலம் விடப்போவதாக அறிவிக்கப்பட்டு இருந்தது.

ஏலத்தொகை கடந்த காலங் களை விட கூடுதலாக இருப்பதாக குற்றம் சாட்டி அந்த கிராமங்களை சேர்ந்த விவசாயிகளும், மரம் வியாபாரிகளும் ஆயிரக் கணக்கில் ஏல நாள் அன்று குவிந்தனர். ஆனால் யாரும் ஏலம் எடுக்கக்கூடாது என முடிவு செய்துவிட்டதால் அறிவிப்பு செய்தும் யாரும் கேட்க முன்வராததால் ஏலம் நடைபெறவில்லை. இரண்டு முறை இதேபோல் நடந்தது.

நேற்றும் இரவியமங்கலம் கண்மாய்க்கு மட்டும் ஏலம் நடைபெறும் என அறி விக்கப்பட்டு இருந்தது. நேற்று காலை 10 மணிக்கு ஏலம் கேட்க வருபவர்களை அழைத்தனர். 180 டன் எடையுள்ள மரம் 3 லட்சத்து 74 ஆயிரம் அரசு மதிப்பு ஆகும். அப்போது ஒருவர் 5 லட்சத்து 20 ஆயிரம் ரூபாய்க்கு ஏலம் எடுத்தார்.

இது கிராம மக்களிடையே அதிர்ச்சியை ஏற்படுத்தியது. பின்னர் வேறு ஒருவர் ரூ.5 லட்சத்து 98 ஆயிரத்தக்கும் மற்றொருவர் 6 லட்சத்து 20 ஆயிரத்துக்கும் ஏலம் கேட்டு பணத்தை கட்டினர். மேலும் அதிகமாக ஏலம் கேட்கலாம் என்பதால் இன்னும் முடிவு செய்யாமல் அரசு தரப்பு எதிர்பார்ப்பில் உள்ளது. ஏற்கனவே அந்த கண்மாய் மரங்களை கிராம ஏலத்தில் 7 லட்சத்து 21 ஆயிரத்திற்கு ஏலம் எடுத்ததாக அரசு தரப்பிற்கு முக்கிய ஆவணங் கள் கிடைத்துள்ளது என தெரியவருகிறது.

இதை தொடர்ந்து தான் கிராமமக்களின் கட்டுப் பாடுகள் உடைந்து அதில் இருந்து இந்த ஏலம் நடந்ததாக கூறப்படுகிறது. இது கிராம மக்களிடையே அதிர்ச்சியை ஏற்படுத்தியுள்ளது.

இந்த ஏலத்தை தொடர்ந்து மேலும் கண்மாய் மரங்கள் ஒவ்வொரு ஊராக தனித் தனியாக விடப்படும் என வருவாய்த்துறை வட்டாரத் தில் இருந்து தெரிய வருகிறது.