நந்திதா அவர்களுக்கு.....

மீனு · மீனு Sat 10 Oct 2009 - 23:19

புறந்தள்ளினாய் எனை நானூறு தடவை
அதனால் நீயொரு புறநானூறு.
மனம் மாறினாய் நானூறு தடவை
அதனால் நீயொரு அகநானூறு
என் மனமெனும் சிலம்புடைத்தாய்
அதனால் நீயொரு சிலப்பதிகாரம்.
எனை ஏழரைச் சனியாக ஆட்டினாய்
அதனால் நீயொரு கலித்தொகை.
என் காதல் கவி கேட்டு குதிரை போல் குதித்தாய்
அதனால் நீயொரு பரிபாடல்.
என் வாழ்வில் தொலைந்த காப்பியம் நீ
அதனால் நீயொரு தொல்காப்பியம்.
மனதில் மணியாகப் உனைப் பதித்தேன்
அதனால் நீயொரு மனோன்மணியம்.
உனை எட்ட நினைத்தேன் பல முறை
அதனால் நீ ஒரு எட்டுத்தொகை
எதற்கும் வளையாமல் நின்றாய் நீ
அதனால் நீ ஒரு வளையாபதி
மனதில் பதித்து உன் மேல் பக்திவைத்தேன்
அதனால் நீ ஒரு பதிற்றுப்பத்து
மலையாகப் பாடல்கள் படித்தேன் உன்பால்
அதனால் நீ ஒரு குறிஞ்சிப்பாட்டு
எனை விரும்பாதது போல் கணக்குவிட்டாய்
அதனால் நீயும் பதினெண் கீழ்க்கணக்கு
மொத்தத்தில் நீயொரு தமிழிலக்கியம்.

nandhtiha · nandhtiha Sun 11 Oct 2009 - 0:32

வணக்கம்
அன்புச் சகோதரி மீனுவுக்கு
பாடலுக்கு நன்றி, திட்டினாய் பொறுத்துக் கொண்டேன். புகழ்ந்தாய் ஏற்றுக் கொண்டேன்,ஆனால் நந்திதா அக்கா என்று எழுதுவதை விட்டு நந்திதாவுக்கு என்று எழுதியதை ஏற்க முடியவில்லை. போற்றுதலையும் தூற்றுதலையும் ஏற்பது தானே உறவு,(குற்றம் பார்க்கில் சுற்றம் இல்லை என்பது ஆன்றோர் வழக்கு). அந்த உறவைத் தொலைத்த காரணம் என்?
என்ன இருந்தாலும் நின்னை மறக்க அல்லது துறக்க மனமில்லாத
உங்கள் அன்பு சகோதரி நந்திதா

மீனு · மீனு Sun 11 Oct 2009 - 0:39

ஐயோ அக்கா..பதிவுகளின் தலைப்பை ஒரே மாதிரி போடாம இருக்கவே ..நந்திதா அவர்களுக்கு என்று போட்டேன்..இப்படி நீங்க சொல்லும் போது மனசு வலிக்குதே அக்கா..மன்னித்து கொள்ளுங்கள்.. அக்கா.. எனக்கு வாய் நிறைய அக்கா அக்கா என்று சொல்லத்தான் ஆசை..ப்ளீஸ் அக்கா ..மனித்து விடுங்கள்..நீங்கள் என்றும் மீனுவின் ஆசை அன்பு அக்கா..தான்..எனக்கு தமிழ் ஆக்கங்கள் படித்தால் அவை உங்களுக்கே தரனும் என்ற ஆசை ..அதனால் தான் உங்கள் பெயரை பதிப்பின் தலைப்பாய் போடுவதே..தவறு இருப்பின் மன்னியுங்க..

nandhtiha · nandhtiha Sun 11 Oct 2009 - 0:45

வணக்கம்
தமிழில் என்னைத் திட்டினாலும் எனக்கு இன்பமே, இன்று இருந்து நாளை மறையும் இயற்கைக்கு உட்பட்டவள். அதனால் தமிழ் வளர்கின்றது என்றால் அதை விட ஆனந்தம் வேறு என்ன இருக்க முடியும். மற்ற படி நான் சொன்ன இதர விஷ்யத்தை மறந்து விடுங்கள், என் சகோதரியின் உள்ளம் எனக்குத் தெரியாததல்ல.
மன்னிக்கத் தேவையில்லை, என் சகோதரி தமிழில் எழுத ஆரம்பித்ததே எனக்கு மிக்க மகிழ்ச்சி
அன்புடன்
நந்திதா

மீனு · மீனு Sun 11 Oct 2009 - 0:48

நன்றிகள் அக்கா.. நந்திதா அவர்களுக்கு..... 942

mdkhan · mdkhan Sun 11 Oct 2009 - 0:49

:suspect: மீனுவுக்கு வாழ்த்துக்கள்........ நல்ல கவிதைகளை சுட்டுத்தருவதற்க்கு.....

மீனு · மீனு Sun 11 Oct 2009 - 0:52

nandhtiha · nandhtiha Sun 11 Oct 2009 - 0:52

திரு கான் ( நான் அவ்வாறு அழைக்கலாமா?)
வணக்கம்
சுட்டதோ அல்லது தானே இட்டதோ, நல்ல கவிதை, தேடிக் கொணர்ந்ததற்காகவாவது நன்றி சொல்ல வேண்டும், நீங்கள் சொல்லி விட்டீர்கள், உங்களுக்கு நன்றி
அன்புடன்
நந்திதா

mdkhan · mdkhan Sun 11 Oct 2009 - 0:54

நல்லது நந்திதா அக்கா........... இனி அப்படி எழுதமாட்டேன்.......நன்றி.

nandhtiha · nandhtiha Sun 11 Oct 2009 - 0:57

திரு கான் அவர்களே
வணக்கம் தாங்கள் என்ன தவறாக எழுதி விட்டீர்கள்?,. நான் சொல்ல வேண்டிய நன்றியைத்தாங்கள் தான் கூறிவிட்டீர்கள். அதற்கு நான் நன்றி சொன்னேன்,
அன்புடன்
நந்திதா

Sponsored content · Sponsored content

நந்திதா அவர்களுக்கு.....

நந்திதா அவர்களுக்கு.....

Re: நந்திதா அவர்களுக்கு.....

Re: நந்திதா அவர்களுக்கு.....

Re: நந்திதா அவர்களுக்கு.....

Re: நந்திதா அவர்களுக்கு.....

Re: நந்திதா அவர்களுக்கு.....

Re: நந்திதா அவர்களுக்கு.....

Re: நந்திதா அவர்களுக்கு.....

Re: நந்திதா அவர்களுக்கு.....

Re: நந்திதா அவர்களுக்கு.....

Re: நந்திதா அவர்களுக்கு.....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக