எதிர் கட்சிகள் ஒன்று சேருமா ?

**T.N.Balasubramanian** · **T.N.Balasubramanian** Tue Jun 14, 2022 8:40 am

[ltr][size=13]புதுடில்லி : ஜனாதிபதி தேர்தலில் பொது வேட்பாளரை நிறுத்துவது குறித்து விவாதிக்க, புதுடில்லியில் நாளை எதிர்க்கட்சிகள் கூடி ஆலோசிக்க உள்ளன. இதில் வேட்பாளர் தேர்வை விட, எதிர்க்கட்சிகள் ஒன்று சேருமா என்ற கேள்வி எழுந்துள்ளது.ஜனாதிபதி பதவிக்கான தேர்தல், அடுத்த மாதம், 18ல் நடக்க உள்ளது.[/ltr][/size]

எதிர் கட்சிகள் ஒன்று சேருமா ? Tamil_News_large_3052564

எதிர் கட்சிகள் ஒன்று சேருமா ? Tamil_News_large_3052564

மத்தியில் ஆளும் பா.ஜ., நிறுத்தும் வேட்பாளருக்கு எதிராக பொது வேட்பாளரை நிறுத்தும் முயற்சியில் எதிர்க்கட்சிகள் ஈடுபட்டுள்ளன.இது தொடர்பாக விவாதிக்க புதுடில்லியில் நாளை எதிர்க்கட்சிகளின் கூட்டத்துக்கு, மேற்கு வங்க முதல்வரும், திரிணமுல் காங்., தலைவருமான மம்தா பானர்ஜி அழைப்பு விடுத்துள்ளார். தமிழகம் உட்பட பல மாநில முதல்வர்கள், கட்சிகளின் தலைவர்கள் என, 22 பேருக்கு அவர் அழைப்பு விடுத்துள்ளார்.

எதிர் கட்சிகள் ஒன்று சேருமா ? Gallerye_014234343_3052564

அதிருப்திஅனைத்து எதிர்க்கட்சிகளும் கொள்கை ரீதியில் முரண்பட்டும், மாநில அளவில் எதிர்த்தும் அரசியல் செய்யும் நிலையில், இக்கூட்டத்தில் அவை தேசிய அளவில் ஒன்றிணையுமா என்ற கேள்வி எழுந்துள்ளது.வரும், 2024ல் நடக்க உள்ள லோக்சபா தேர்தலில், மிகவும் வலுவான பா.ஜ.,வுக்கு எதிராக எதிர்க்கட்சிகள் ஒன்றிணைந்து போட்டியிடுவது குறித்து விவாதிக்கப்பட்டு வருகிறது. அதற்கு முன்னோட்டமாக, ஜனாதிபதி தேர்தல் இருக்கும் என எதிர்பார்க்கப்படுகிறது.
இதற்கிடையே, கூட்டணிக்கு யார் தலைமை ஏற்பது என்பதிலும் பிரச்னை உள்ளது. தேசியக் கட்சியாக உள்ளதால், கூட்டணியை வழிநடத்த காங்கிரஸ் விரும்புகிறது. ஆனால், அதை முந்திக் கொண்டு, மம்தா எதிர்க்கட்சிகளுக்கு அழைப்பு விடுத்துள்ளார். இது, காங்., தலைமைக்கு அதிருப்தியை ஏற்படுத்தியுள்ளது.

தேசியவாத காங்கிரஸ் தலைவர் சரத் பவாரை, பொது வேட்பாளராக நிறுத்துவது குறித்து பேசப்படுகிறது. அவரை ஆதரிக்க காங்கிரசும், திரிணமுல் காங்கிரசும் தயாராக உள்ளன. ஆனால், எதிர்க்கட்சி கூட்டணியை யார் தலைமையேற்று நடத்துவது என்பதில் தான் சிக்கலே உள்ளது.

முக்கிய பிரச்னை

காங்கிரசுடன் இணைந்து செயலாற்ற ஆம் ஆத்மி தயாராக இருக்குமா; காங்., தலைமையை ஏற்க தெலுங்கானா ராஷ்ட்ரீய சமிதி ஒப்புக் கொள்ளுமா; மம்தாவின் திரிணமுல் காங்.,குடன் தோள் சேர கம்யூனிஸ்ட் கட்சிகளின் கொள்கை ஒத்து வருமா என பல கேள்விகள், புதுடில்லி கூட்டத்துக்கு முன்பாக எழுந்துள்ளன.ஒருவேளை அனைத்துக் கட்சிகளும் ஒன்றாக சேர்ந்து, ஒருமித்த கருத்துடன் வேட்பாளரை தேர்வு செய்தாலும், காங்கிரசுக்கு முன்னுரிமை கிடைப்பதை மம்தா பானர்ஜி ஏற்பாரா என்பதே முக்கிய பிரச்னையாக பார்க்கப்படுகிறது.

நன்றி தினமலர்.

**T.N.Balasubramanian** · **T.N.Balasubramanian** Tue Jun 14, 2022 8:54 am

எல்லாமே செய்தியாக உலா வருவதுதான்.
தெலுங்கானா முதல்வர், ஏற்கனவே பிரதமர் ஆக ஆசை படுகிறார்.
மகனை முதல்வராக ஆக்க ஆசை படுகிறார்.
ஏற்கனவே மகளும் அரசியலில் MLC ஆக இருக்கிறார்.
இவர்களில் யாராவது ஒருவரை ஜனாதிபதியாக ஆக்கி விட்டால்
குடும்பமே நா(வீ)ட்டிற்கு உழைக்கும் குடும்பமாகும்.

இந்திய அரசியலில் இவை எல்லாம் நடைமுறையில் இல்லை என கூறமுடியுமா?

எதிர் கட்சிகள் ஒன்று சேருமா ?

எதிர் கட்சிகள் ஒன்று சேருமா ?

Re: எதிர் கட்சிகள் ஒன்று சேருமா ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக