அகண்டா - தெலுங்கு திரைப்படம்

-
திரையரங்கில் வெற்றிகரமாக ஓடிக்கொண்டிருக்கும்
தெலுங்குப்படம், ‘அகண்டா’. இப்போது ‘ஹாட் ஸ்டாரி’ல்
காணக்கிடைக்கிறது. ஒரு வசதியான குடும்பத்தைச் சேர்ந்த
பெண், இரட்டை ஆண் குழந்தைகளைப் பெற்றெடுக்கிறாள்.

அதில் ஒரு குழந்தை மூச்சு பேச்சில்லாமல் கிடக்கிறது. தாயும்
மயக்க நிலையில் இருக்கிறாள். என்ன செய்வதென்று
தெரியாமல் திணறும் அப்பெண்ணின் கணவன் மூச்சு
பேச்சில்லாத குழந்தையை ஒரு அகோரியிடம் கொடுத்து
விடுகிறார்.

ஒரு குழந்தைதான் பிறந்தது என்று மனைவியிடமும் மறைத்து
விடுகிறார். ஊருக்கே நல்லது செய்யும், ஊரே கொண்டாடும்
முரளிகிருஷ்ணாவாக அவர்களின் குழந்தை வளர்ந்து நிற்கிறது.

கலெக்டர் சரண்யாவைக் காதலித்துத் திருமணம் செய்கிறார்
முரளி. இந்நிலையில் ஒரு கூட்டம் மலையை அழித்து
நிலத்துக்கடியிலிருந்து யுரேனியத்தை சுரண்டுகிறது. அதனால் ம
லையைச் சுற்றியிருக்கும் மக்கள் பெரிதும் பாதிக்கப்பட்டு
முரளியின் மருத்துவமனையில் சிகிச்சைக்காக
அனுமதிக்கப்படுகிறார்கள்.

மருத்துவமனைக்கு அமைச்சர் வரும்போது குண்டு வெடித்து
அமைச்சரும், மருத்துவமனையில் சிகிச்சை பெற்று வந்தவர்களும்
இறந்துபோகின்றனர். அதனால் மருத்துவமனையின் உரிமை
யாளரான முரளி கைது செய்யப்படுகிறார். யுரேனியம் சுரண்டும்
கும்பலால் முரளியின் குடும்பத்துக்குப் பிரச்னை வரும்போது
அகண்டா வருகிறார்.

அகண்டா யார்... அகண்டா எப்படி தீயவர்களைத் துவம்சம்
செய்கிறார் என்பதே திரைக்கதை. இரண்டு வேடங்களில்
பட்டையைக் கிளப்பியிருக்கிறார் பாலகிருஷ்ணா.
-
குங்குமம்