உலக மக்கள் தொகையில் 12% பேருக்கே தடுப்பூசி கிடைத்துள்ளது: உலக சுகாதார அமைப்பு வேதனை

**ayyasamy ram** · **ayyasamy ram** Tue Jun 15, 2021 11:57 am

ஜெனிவா:
உலக மக்கள் தொகையில் இதுவரை வெறும் 12 சதவீதம்
பேருக்குத்தான் கோவிட் தடுப்பூசி செலுத்தப்பட்டு உள்ளதாக
புள்ளி விவரங்கள் தெரிவிக்கின்றன.

உலக நாடுகளில் ஜூன் 10ம் தேதி நிலவரப்படி கோவிட்
தடுப்பூசி செலுத்தியிருப்பவர்களின் புள்ளி விவரம் வெளியாகி
உள்ளன. அதில், ஒட்டுமொத்த உலக மக்கள் தொகையில்
இதுவரை 12 சதவீதம் பேருக்கு மட்டுமே கோவிட் தடுப்பூசியின்
முதல் தவணை செலுத்தப்பட்டு உள்ளது தெரியவந்து உள்ளது.

அதாவது, ஒட்டுமொத்த உலக மக்கள் தொகையில் 93.20 கோடி
பேர் தடுப்பூசி செலுத்திக் கொண்டுள்ளனர்.

அதிகபட்சமாக இஸ்ரேலில் 63.1 சதவீதம் பேருக்கு தடுப்பூசி
போடப்பட்டு உள்ளது. இதையடுத்து கனடாவில் 62.7 சதவீதம்
பேருக்கு தடுப்பூசி செலுத்தப்பட்டு உள்ளது. பிரிட்டனில்
62.7 சதவீதமாகவும் அமெரிக்காவில் இது 51.4 சதவீதமாகவும்
உள்ளது. இந்தியாவில் 13.7 சதவீதம் பேருக்கு தடுப்பூசி
போடப்பட்டுள்ளது.

'உலகம் முழுவதும் கோவிட் தடுப்பூசி போடும் பணி தீவிரமாக
நடைபெற்று வருகிறது. ஆனால், ஒரு நாளில் தடுப்பூசி போடும்
எண்ணிக்கையை விட, மிக அதிக வேகத்தில் தொற்று பரவி
வருகிறது. ஏழை நாடுகளில் தடுப்பூசி தட்டுப்பாடு நீடிக்கிறது.

அனைத்து மக்களுக்கு தடுப்பூசி கிடைத்தால் மட்டுமே கோவிட்
பெருந்தொற்றில் இருந்து மீள முடியும்' என, உலக சுகாதார
அமைப்பு தெரிவித்து உள்ளது.

தினமலர்

**T.N.Balasubramanian** · **T.N.Balasubramanian** Tue Jun 15, 2021 6:14 pm

அந்த 12% இல் நானும் ஒரு அங்கமென் நினைக்கையில் மகிழ்ச்சியே.

உலக மக்கள் தொகையில் 12% பேருக்கே தடுப்பூசி கிடைத்துள்ளது: உலக சுகாதார அமைப்பு வேதனை

உலக மக்கள் தொகையில் 12% பேருக்கே தடுப்பூசி கிடைத்துள்ளது: உலக சுகாதார அமைப்பு வேதனை

Re: உலக மக்கள் தொகையில் 12% பேருக்கே தடுப்பூசி கிடைத்துள்ளது: உலக சுகாதார அமைப்பு வேதனை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக