விமானத்தில் 21 முறை இலவசமாக பறந்த பொருளாதார நிபுணர் அமர்த்தியா சென்

'பாரத ரத்னா' விருது பெற்ற பிரபல பொருளாதார நிபுணரும், நோபல் பரிசு பெற்றவருமான அமர்த்தியா சென், 2015 முதல், 2019 வரை, ஏர் இந்தியா விமானங்களில், 21 முறை இலவசமாக பயணித்துள்ளார்.

நம் நாட்டின் மிக உயரிய விருதான பாரத ரத்னா விருது, இதுவரை, 48 பேருக்கு வழங்கப்பட்டு உள்ளது. இதில், மறைவுக்குப் பின், 14 பேருக்கு விருது அறிவிக்கப்பட்டது.

நான்கு பேர்
மீதமுள்ள 34 பேரில், பொருளாதார நிபுணர் அமர்த்தியா சென், பழம்பெரும் பாடகி லதா மங்கேஷ்கர், முன்னாள் கிரிக்கெட் வீரர் சச்சின் டெண்டுல்கர், வேதியியலாளர் சி.என்.ஆர். ராவ் என்ற நான்கு பேர் மட்டுமே, தற்போது உள்ளனர். பாரத ரத்னா விருது பெறுவோர், தங்கள் வாழ்நாள் முழுதும், 'இந்தியன் ஏர்லைன்ஸ் மற்றும் ஏர் இந்தியா' விமானங்களில், உயர் தர வகுப்பில் இலவசமாக பயணிக்கலாம்.

இந்நிலையில், 'பாரத ரத்னா விருது பெற்றோருக்கு, விமானங்களில் இலவசமாக பயணிக்க சலுகை வழங்கப்பட்டது எப்போது, விருது பெற்றோர் எத்தனை முறை இலவசமாக பயணித்துள்ளனர்' என்ற கேள்விகளை, தகவல் அறியும் உரிமை சட்டத்தின்கீழ், தனியார் தொலைக்காட்சி நிறுவனம் ஒன்று, ஏர் இந்தியா விமான நிறுவனத்திடம் கேட்டிருந்தது.

முதல் வகுப்பு
அதில் குறிப்பாக, நோபல் பரிசு பெற்ற அமர்த்தியா சென்னின் பயண தகவல்கள் கோரப்பட்டு இருந்தன.இந்நிலையில், அந்த தகவல்கள் வெளியிடப்பட்டன. 2015 முதல், 2019 வரை, ஏர் இந்தியா விமானங்களில், அமர்த்தியா சென், 21 முறை, முதல் வகுப்பில் இலவசமாக பயணித்துள்ளது தெரியவந்துள்ளது.

காங்., தலைமையிலான ஐக்கிய முற்போக்கு கூட்டணி ஆட்சியின்போது, டில்லி உட்பட, நாட்டின் பல்வேறு பகுதிகளுக்கு, இவர் பயணித்துள்ளார். அப்போது குஜராத் முதல்வராக இருந்த நரேந்திர மோடியையும், ஆர்.எஸ்.எஸ்., மற்றும் பா.ஜ., தலைவர்களை விமர்சிக்கவும், இவர் பயணித்துள்ளதாக கூறப்படுகிறது.

- நன்றி புதுடில்லி நிருபர் -/தினமலர்

அமர்த்தியா சென் 1998இல் பொருளாதாரத்தில் நோபல் பரிசு
பெற்றார். அதன் மூலம் இந்தியா விடுதலை பெற்ற பிறகு
நோபல் பரிசை வென்ற முதல் இந்தியரான அவர்.

வறுமையில் வாழும் மக்களின் நிலை குறித்த ஆய்வை மேற்
கொள்ள மேற்குவங்கத்தின் பல கிராமங்களுக்கு கருப்பு நிற
அட்லஸ் சைக்கிளில் தான் அமர்த்தியா சென் பயணம்
மேற்கொள்வது வழக்கமாம்.

இப்போது அந்த சைக்கிள் நோபல் அருங்காட்சியகத்தில்
காட்சிப்படுத்தப்பட்டுட்டள்ளது.

இளம் வயதிலேயே கேன்சருடன் போராடி வென்ற
சென் மக்களின் வறுமையை மையமாக வைத்து பல ஆய்வு
கட்டுரைகளை எழுதியுள்ளார்.
-

மேலதிக தகவல்களுக்கு நன்றி ராம்.

@ayyasamy ram

அமர்த்தியா சென் விமானத்தில் பறந்த செய்தியைப் போடுவது அருவருப்பானது! ஒரு நோபல் பரிசு பெற்ற இந்தியரை நாம் பார்க்கும் பார்வை இதுதானா?

நாட்டு ஏழைகளை நெஞ்சில் வைத்து ஆய்பவர் சென்!
அவர் அண்மையில் கொரோனா தொடர்பாக உண்மை நிலையை .......