சமையல் - நோ அடுப்பு நோ எண்ணெய்

NO OIL, NO BOIL: எண்ணெயின்றி, அடுப்பின்றி 2000 ரெசிப்பிகளுக்கு மேல் இயற்கை உணவுகளை வழங்கும் படையல் சிவா.



கோவையைச் சேர்ந்தவர் சிவக்குமார். இவரை அப்பகுதியினர் படையல் சிவா என்றே அடைமொழியுடன் அழைக்கின்றனர். பிகாம் வரை படித்துள்ள இவருக்கு, சிறுவயது முதலே சமையல் கலையில் மிகுந்த ஆர்வம். கூடவே ஆன்மிக நாட்டமும் அதிகம் என்பதால் குடும்பத்தினர் அசைவ உணவு சாப்பிட்டாலும், தான் மட்டும் சைவ உணவை சமைத்து சாப்பிட்டு வந்துள்ளார். இந்நிலையில், சைவ உணவுப் பிரியராக இருந்த இவர், நம்மாழ்வாரின் சீடராக மாறிய பின் அவரது கருத்துக்களை பின்பற்றி இயற்கை உணவுகளை உண்பதற்கு பழகியுள்ளார்.

இயற்கையோடு இணைந்து வாழ வேண்டும், இயற்கை உணவுப் பொருள்களை அப்படியே உண்ண வேண்டும் அதுவே ஆரோக்கியம். ஆனால் பெரும்பாலான இயற்கை உணவுப் பொருள்களை அப்படியே உண்ண முடியாது என்பதால், அடுப்பில் வேக வைக்காமல், எண்ணெய் சேர்க்காமல் பச்சைக் காய்கனிகள், பழங்கள், தானியங்கள், உலர் பழங்கள் உள்ளிட்ட ஆர்கானிக் முறையில் பயிரிடப்பட்ட அனைத்து உணவுப் பொருள்களையும் சமைக்காமலேயே அவற்றின் சத்து குறையாமல் சுவையாக உருவாக்கி, ஓர் விருந்தே வைக்க முடியும் என்கிறார் படையல் சிவா.



நோ ஆயில் நோ பாயில் என்ற கொள்கையுடன் இயங்கி வரும் இந்த உணவகத்தில் அடுப்பு கிடையாது, எண்ணெய் கிடையாது, முழுக்க முழுக்க மனித சக்தியால் காய்கனிகள், பருப்பு வகைகள், அரிசி வகைகளைக் கொண்டு இயற்கை உணவுகள் தயாரித்து வாடிக்கையாளர்களுக்கு வழங்கப்படுகிறது என்பதே இதன் சிறப்பம்சம்..

இங்கே சோறு என்பது இயற்கையான முறையில் விளைவிக்கப்பட்ட பாரம்பரியமிக்க அரிசி வகைகளான கிச்சிலி சம்பா, தூயமல்லி, சீரக சம்பா, இலுப்பைபூ சம்பா அரிசியின் அவல்தான். இதனை தேங்காய் பாலில் ஊற வைத்தால் பூப்போன்ற சாதம் தயார்.

சாம்பாருக்கான பருப்பை அரைத்து, அதனுடன் முந்திரி, பாதாம்பருப்பு பொடிகளைச் சேர்த்து, புளிப்புக்காக எலும்பிச்சை சாறு சேர்த்து தயார் செய்தால் மணமணக்கும் சாம்பார் ரெடி. இதேபோல, புளி மிளகாய் சேர்க்காத காரக் குழம்பு, பசுமஞ்சள் ஊறுகாய், 12 மணி நேரம் ஊறவைத்த தேங்காய்ப்பால் தயிர் என பல சிறப்பு மெனுக்கள் உண்டு.
(யு.எஸ்./இணையம்)

எங்களுக்கு தெரிந்த ஒரு யோகா கலைஞர்
குளிக்க, துணி துவைக்க காலையும் மாலையும் நான்கு
பக்கெட் நீர் இருந்தால் போதுமென்றார்.
சமைக்க /அதை சுத்தம் செய்ய நீர் வேண்டாமா என கேட்க
அடுப்பே கிடையாது ,சாப்பிடுவது ஊறவைத்த முளை கட்டிய
பருப்புகள்,பச்சை காய்கறிகள், பழங்கள்,பேரீச்சை பாதாம் போன்ற
உலர் பழங்கள் என்றார்.