பா.ஜ., தனித்து போட்டியிட வேண்டும்: சுப்பிரமணியன் சுவாமி

**T.N.Balasubramanian** · **T.N.Balasubramanian** Wed Mar 10, 2021 8:19 pm

திருப்பதி: தமிழகத்தில் தேசிய கட்சியான பா.ஜ., வெற்றியோ, தோல்வியோ அனைத்து இடங்களிலும் தனித்து போட்டியிட வேண்டும் என அக்கட்சியின் மூத்த தலைவர் சுப்பிரமணியன் சுவாமி தெரிவித்துள்ளார்.

தமிழக சட்டசபைத் தேர்தலில் அதிமுக கூட்டணியில், பா.ஜ.,வுக்கு 20 தொகுதிகள் ஒதுக்கப்பட்டுள்ளது. அதேபோல் இடைத்தேர்தல் நடைபெறும் கன்னியாகுமரி லோக்சபா தொகுதியும் பா.ஜ.,வுக்கு ஒதுக்கப்பட்டுள்ளது. இந்நிலையில், தொகுதிகளை இறுதி செய்வதற்காக அதிமுக - பா.ஜ., ஆலோசனையில் ஈடுபட்டு முடிவு எடுத்துள்ளது. விரைவில் வேட்பாளர் பட்டியல் வெளியாகவுள்ளது.

இந்நிலையில், திருப்பதியில் சாமி தரிசனம் செய்யவந்த பா.ஜ., மூத்த தலைவரும் எம்.பி.,யுமான சுப்பிரமணியன் சுவாமியிடம் தமிழகத்தில் பா.ஜ., வெற்றிபெறுமா என செய்தியாளர்கள் கேள்வியெழுப்பினர்.

இது குறித்து அவர் கூறுகையில், 'தமிழகத்தில் பா.ஜ., 2 அல்லது 3 இடங்களில் வெல்லும். இல்லையெனில் ஒரு தொகுதியில் கூட வெற்றி பெறாது. தேசிய கட்சியான பா.ஜ., வெற்றியோ, தோல்வியோ அனைத்து இடங்களிலும் தனித்து போட்டியிட வேண்டும்,' என்றார்.

நன்றி தினமலர்

Guest · Guest Wed Mar 10, 2021 11:09 pm

சு.சுவாமி சொல்வதை யார் கேட்டார்கள்?அவர் சொல்வது சரியெனப் படுகிறது.

காங்கிரசும் பிச்சை கேட்டார்கள்.ஆனால் அவர்கள் பிச்சை எடுப்பதில் ஒரு லாஜிக் இருக்கிறது.(தனியாக நிற்க பயம்?இன்று அவர்கள் குற்றுயிராய் கிடக்கிறார்கள்.)

**T.N.Balasubramanian** · **T.N.Balasubramanian** Thu Mar 11, 2021 12:02 am

மத்தியில் ஆட்சியில் இருந்தாலும் இல்லாவிட்டாலும் நீண்ட காலமாக காங்கிரஸ் திராவிட கட்சிகளின் உதவி இல்லாமல் தமிழகத்தில் போட்டி இடுவது இல்லை.
பாஜக வும் அப்பிடியே.
ஜெயலலிதா -மோடி நட்பு சிறந்த வகையில் இருந்தாலும் அவர் உயிருடன் இருக்கும்போதே அரசியலில் அது இடையூறாக இல்லை. ஜே யின் ஆளுமை. அவரது திறமை. இப்போது அது இல்லை.
Management இல் keep the number two at a distance என்ற சொல்லா மொழி ஒன்றுண்டு.
அது இங்கே கட்சிகளுக்கு பொருந்தும். குழைந்து குழைந்து போவதும் ஒரு விதத்தில்
அவர்களுக்கு நஷ்டமே.

**T.N.Balasubramanian** · **T.N.Balasubramanian** Fri Mar 12, 2021 1:53 pm

ஜெயிக்கிறதோ இல்லையோ தற்போது தனியாக நின்று போட்டி போடும் தகுதி DMK /AIADMK மட்டுமே உண்டு. சென்ற காலத்தில் 234 சீட்டுகளிலும் நாங்கள் ஆட்சியை கைப்பற்றுவோம் என்று சொன்னவர்கள் கூட ஒன்றும் ஜெயிக்கமுடியாமல் பெரிய கட்சிகளுடன் இணைந்துள்ளது நாம் பார்க்கும் காட்சிகள் தானே.

**krishnaamma** · **krishnaamma** Fri Mar 12, 2021 11:43 pm

//தேசிய கட்சியான பா.ஜ., வெற்றியோ, தோல்வியோ அனைத்து இடங்களிலும் தனித்து போட்டியிட வேண்டும்,' என்றார்.//

@T.N.Balasubramanian

எனக்கும் அது தான் சரி என்று படுகிறது...ஏனென்றால், அதிமுகவுக்கு ஓட்டுப் போட விரும்பும் மக்கள் ஆனால் அதே சமையத்தில் பிஜேபி யுடன் கூட்டு என்பதால் அவர்களுக்குப் போடாமல், திமுகவுக்கு போடப்போவார்கள்...அது மிகுந்த ஆபத்தானது.... அதற்கு பதில், பிஜேபி தனியாக நின்றால், அதிமுகவுக்கு கிடைக்கவேண்டிய ஓட்டுகள் கண்டிப்பாக கிடைத்துவிடும்.... பிஜேபியும் தனக்கு என்ன தகுதி என்று பார்த்தது போல இருக்கும்... ஓட்டுகள் பிரிந்துவிடும்...திமுக.... ஊத்திக்கிச்சு