ஒரு லட்சம் ரூபாய் பேரம் பேசி பெற்ற மகனையே கொலை செய்த தாய்.. அதிர்ச்சி சம்பவம்

**ayyasamy ram** · **ayyasamy ram** Mon 4 Jan 2021 - 10:14

தெலங்கானாவில் ஒரு லட்சம் ரூபாய் பேரம் பேசி பெற்ற மகனை தாயே கொலை செய்த சம்பவம் அதிர்ச்சியை ஏற்படுத்தியுள்ளது.

விகாராபாத் மாவட்டம் புலமத்தி கிராமத்தைச் சேர்ந்த மச்சேந்தர் - லஷ்மம்மா தம்பதிக்கு நான்கு மகன்கள் உள்ளனர். இதில் மூன்றாவது மகனான சிவபிரசாத், வீட்டில் இருக்கும் பணத்தை திருடுவதுடன், தனக்கு திருமணம் செய்து வைக்க வேண்டும் என குடும்பத்தினரிடம் அடிக்கடி தகராறில் ஈடுபட்டு வந்துள்ளார்.

மகனின் செயலால் ஆத்திரமடைந்த தாய் லஷ்மம்மா, ஒரு கட்டத்தில் அவரை கொலை செய்ய துணிந்துள்ளார். இதற்காக தனது தாயார் புஷ்மம்மா, சகோதரர் பூபால் ஆகியோருடன் சதி திட்டம் தீட்டிய லஷ்மம்மா, தனது மகன் சிவபிரசாத்தை கொலை செய்ய அனந்தராமன் என்பவரிடம் ஒரு லட்ச ரூபாய் பேரம் பேசி, முன்பணமாக 20 ஆயிரம் ரூபாய் கொடுத்துள்ளார். சம்பவத்தன்று தாய் லஷ்மம்மா, அனந்தராமன், பூபால் உள்ளிட்டோர் சிவபிரசாத்தை அழைத்து மது கொடுத்துள்ளனர்.

போதை தலைக்கெறியதும் சிவபிரசாத்தை காட்டுப்பகுதிக்கு அழைத்து சென்றவர்கள் கழுத்தை நெரித்து கொலை செய்து புதைத்துள்ளனர். இந்த நிலையில், தனது மகனை காணவில்லை என காவல்நிலையத்தில் லஷ்மம்மா புகார் அளித்து நாடகமாடியுள்ளார்.

வழக்குப்பதிவு செய்த போலீசார், லஷ்மம்மா நடவடிக்கையில் சந்தேகமடைந்து அவரிடம் விசாரித்தனர். அப்போது சிவபிரசாத் கொலை செய்யப்பட்டது தெரியவந்த நிலையில், அவரின் உடலை தோண்டி எடுத்த போலீசார், ஆறு பேரை கைது செய்தனர்.

நியூஸ் 18

**ayyasamy ram** · **ayyasamy ram** Mon 4 Jan 2021 - 10:15

இறந்த பின்னும் தொல்லை தரும் மகன்..!!
-
கைதானவர்களுக்கு கோர்ட் வாசல்படி ஏறவே
இனி நேரம் போதாது!!

அதிர்ச்சி

**ayyasamy ram** · **ayyasamy ram** Mon 4 Jan 2021 - 10:34

2 மகன்களை கொன்று தந்தையும் தற்கொலை

கேரளா மாநிலம் எல்லையான நாவாயிக்குளம் பகுதியைச்
சேர்ந்த ஆட்டோ ஓட்டுநர் சபீர், தனது மனைவி ரெஜினாவை
பிரிந்து தனியாக வாழ்ந்து வந்தார்.

இதனிடையே ரெஜினா அவரது சகோதரரின் வீட்டில், 12 வயது
மகன் அல்தாஃப் மற்றும் 9 வயது மகன் அன்ஷாத்துடன் வசித்து
வந்தார். மனைவியை பிரிந்தாலும், மகன்களோடு அவ்வப்போது
வெளியே சென்றுவரும் சபீர், கடந்த வெள்ளி அன்று இரண்டு
மகன்களையும் புத்தாண்டு கொண்டாட்டத்திற்கு என்று கூறி
வெளியே அழைத்துச் சென்றுள்ளார்.

இதனைதொடர்ந்து அன்றிரவு, தனது மூத்த மகனை கட்டிப்
போட்டு கழுத்தை அறுத்து கொலை செய்த தந்தை சபீர்,
அதன்பின்னர் தனது இளைய மகனுடன் சேர்ந்து ஆழமான
குளத்தில் குதித்துள்ளார். இதில் இருவரும் நீரில் மூழ்கி
உயிரிழந்தனர்.
-
நியூஸ் 18

Sponsored content · Sponsored content

ஒரு லட்சம் ரூபாய் பேரம் பேசி பெற்ற மகனையே கொலை செய்த தாய்.. அதிர்ச்சி சம்பவம்

ஒரு லட்சம் ரூபாய் பேரம் பேசி பெற்ற மகனையே கொலை செய்த தாய்.. அதிர்ச்சி சம்பவம்

Re: ஒரு லட்சம் ரூபாய் பேரம் பேசி பெற்ற மகனையே கொலை செய்த தாய்.. அதிர்ச்சி சம்பவம்

Re: ஒரு லட்சம் ரூபாய் பேரம் பேசி பெற்ற மகனையே கொலை செய்த தாய்.. அதிர்ச்சி சம்பவம்

Re: ஒரு லட்சம் ரூபாய் பேரம் பேசி பெற்ற மகனையே கொலை செய்த தாய்.. அதிர்ச்சி சம்பவம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக