எலியா? ஆணா? - சத்குரு

சங்கரன்பிள்ளை ஒருமுறை குடித்துவிட்டு '
பாரை' விட்டுப் புறப்பட வெகு நேரமாகிவிட்டது. 'எட்டு
மணிக்குள் வீட்டில் இருந்தாக வேண்டும் என்ற உன்
மனைவியின் நிபந்தனை என்னவாயிற்று?' என்று
நண்பர்கள் கிண்டலடித்தார்கள்.

சங்கரன்பிள்ளை ஜம்பமாக 'நோ, நோ! என் வீட்டில்
எனக்கு முழு சுதந்திரம் இருக்கிறது' என்று தலை
நிமிர்த்திச் சொல்லிவிட்டு, கம்பீரமாக வீட்டிற்கு நடை
போட்டார்.

வாசலிலேயே அவர் மனைவி காத்துக் கொண்டிருந்ததை
பார்த்தவுடன், தனக்கு நிகழவிருக்கும் ஆபத்தை அவர்
புரிந்து கொண்டார். மனைவியின் பலவீனம் அவருக்குத்
தெரியும்.

சரேலென அவரைக் கடந்து உள்ளே ஓடினார். பருமனாக
இருந்த மனைவியால் அவருடைய வேகத்துக்கு ஈடு
கொடுத்துத் துரத்த முடியவில்லை. என்றாலும் மனைவி
அவரை விட்டபாடில்லை.

வீட்டின் மூலை முடுக்கெல்லாம் மனைவியின் கையில்
சிக்காமல் ஓடி, கடைசியாக கட்டிலுக்கு அடியில் போய்ப்
படுத்துக் கொண்டார் சங்கரன்பிள்ளை.

மனைவியால் கட்டிலுக்குக் கீழே இருந்த இடைவெளிக்குள்
நுழைய முடியவில்லை. "நீ என்ன எலியா? ஆண்மகனா?
வெளியே வா!" என்று அவள் கத்தினாள்.

சங்கரன்பிள்ளை ஹாயாக பதில் சொன்னார்..
"நான்தான் இந்த வீட்டின் ராஜா. எங்கே படுத்துக் கொள்ள
வேண்டும் என்று முடிவு செய்யும் முழு சுதந்திரம் எனக்கு
இருக்கிறது" என்று.

கட்டிலுக்கு அடியில் இருக்கும் வரை தான் அவருக்கு
நல்லநேரம். வேறெங்கும் அவருக்குப் பாதுகாப்பு கிடையாது.
ஆனால் இதையே அவர் தன் சுதந்திரம் என்று அறிவித்துக்
கொள்கிறார்.

சங்கரன் பிள்ளையைப் போல்தானே உங்களில் பலரும்
சுதந்திரத்துடன் வாழ்வதாக நினைத்துக் கொண்டு,
உங்களையே ஏமாற்றிக் கொள்கிறீர்கள்?
-
-------------------------------

எப்போதாவது வெளியே வந்துதானே ஆகவேண்டும்????