கன்னியாகுமரி பார்லி., இடைத்தேர்தலில் போட்டியிடுவேன்: நயினார் நாகேந்திரன்

**ayyasamy ram** · **ayyasamy ram** Fri Sep 04, 2020 7:26 am

திருநெல்வேலி :
கன்னியாகுமரி பாராளுமன்ற இடைத்தேர்தலில் வாய்ப்பளித்தால்
போட்டியிடுவேன் என பா.ஜ.,மாநில துணைத்தலைவர்
நயினார் நாகேந்திரன் தெரிவித்தார்.

வரும் சட்டசபை தேர்தலில் பா.ஜ., போட்டியிடுவது குறித்து
திருநெல்வேலி, துாத்துக்குடி, கன்னியாகுமரி, தென்காசி, விருதுநகர்,
சிவகங்கை, ராமநாதபுரம், புதுக்கோட்டை, தேனி ஆகிய
தென்மண்டல நிர்வாகிகளின் ஆலோசனை கூட்டம் திருநெல்வேலியில்
நடந்தது.

இந்நிலையில், மாநில துணைத்தலைவர் நயினார் நாகேந்திரன்
கூறியதாவது:

2021 சட்டசபை தேர்தலில் அ.தி.மு.க., உடன் கூட்டணி ஏற்பட்டால்
கிடைக்கும் தொகுதிகளில் போட்டியிடுவது குறித்தும், தனித்து
போட்டியிடுவதாக இருந்தால் அதற்கான தயாரிப்புகள் குறித்த
அதற்கான ஆலோசனை மேற்கொள்ளப்படுகிறது.

தென்மாவட்டங்களில் பா.ஜ., வளர்ந்துள்ளது. ஓட்டுவங்கியை
நிரூபிக்கும் வகையில் தமிழகத்தில் பாரதிய ஜனதா கட்சி தனியாக
போட்டியிடுமா என்பதை கட்சியின் அகில இந்திய தலைமைதான்
முடிவு செய்யும்.

கட்சியில் புதிதாக சேர்ந்த முன்னாள் ஐ.பி.எஸ்., அதிகாரி
அண்ணாமலைக்கு கட்சி துணைத்தலைவர் பதவி, அமைப்பு
விதிமுறைகளை மீறி வழங்கப்பட்டதாக கூறப்படுவது சரியல்ல.
அவருக்கு வழங்கப்பட்டது சரிதான்.

நான் கன்னியாகுமரியில் பிறந்து வளர்ந்தவன். அங்கு நடக்க உள்ள
பாராளுமன்ற இடைத்தேர்தலில் பாரதிய ஜனதா கட்சி உறுதியாக
போட்டியிடும். என்னை விட மூத்த தலைவர்கள் உள்ளனர்.
கட்சி எனக்கு வாய்ப்பளித்தால் அங்கு போட்டியிடுவேன் என்றார்.
-
தினமலர்

**Muthumohamed** · **Muthumohamed** Fri Sep 04, 2020 11:57 pm

போட்டி மட்டும் தான் போட முடியும் ஜெயிக்க முடியாது ஜீ

கன்னியாகுமரி பார்லி., இடைத்தேர்தலில் போட்டியிடுவேன்: நயினார் நாகேந்திரன்

கன்னியாகுமரி பார்லி., இடைத்தேர்தலில் போட்டியிடுவேன்: நயினார் நாகேந்திரன்

Re: கன்னியாகுமரி பார்லி., இடைத்தேர்தலில் போட்டியிடுவேன்: நயினார் நாகேந்திரன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக