கடுமையான கட்டுப்பாடுகள்; 1,000 பேருக்கு மட்டும் அனுமதி! - தொடங்கப்படும் ஹஜ் புனிதப் பயணம்

**ayyasamy ram** · **ayyasamy ram** Tue Jul 21, 2020 6:26 pm

-
சவுதி அரேபியாவில் உள்ள மெக்காவுக்குப் பயணம் மேற்கொள்ள
உள்நாட்டைச் சேர்ந்தவர்களுக்குக் கடுமையான கட்டுப்பாடுகளை
விதித்துள்ளது அந்நாட்டு அரசு.

இஸ்லாமியர்கள், தங்கள் வாழ்நாளில் நிறைவேற்ற வேண்டிய
கடமைகளில் ஹஜ் புனிதப் பயணமும் ஒன்றாகக் கூறப்படுகிறது.

அதன்படி இஸ்லாமிய நாள்காட்டியின் கடைசி மாதமாக துல்ஹஜ்
மாதத்தில் இந்தப் பயணம் மேற்கொள்ளப்படும். இந்த மாதத்தில்
ஒவ்வொரு ஆண்டும் உலகம் முழுவதும் இருந்தும் சுமார் 20 லட்சம்
பேர் சவுதியின் மெக்கா நகரில் இணைந்திருப்பார்கள்.

இந்த ஆண்டு ஜூலை 29 முதல் ஆகஸ்ட் 2-ம் தேதி வரை இந்தப்
பயணம் மேற்கொள்ளப்படவுள்ளது. தற்போது உலகம் முழுவதும்
கொரோனா பரவல் அதிகரித்துள்ளதால் இந்த வருடம் வெளிநாட்டுப்
பயணிகள் ஹஜ் வருவதற்குத் தடை விதித்துள்ளது சவுதி அரேபிய
அரசு.

மேலும் சவுதியில் உள்ளவர்கள் மற்றும் அங்கிருந்தும்
வெளிநாட்டினருக்கு மட்டுமே அனுமதி வழங்கப்பட்டுள்ளது.
அதிலும் இந்த வருடம் 1,000 பேர் மட்டுமே ஹஜ் செல்ல வேண்டும்
அப்போதுதான் தனிமனித இடைவெளியைக் கடைப்பிடிப்பது
சுலபமாக இருக்கும் என்பதால் இந்த முடிவெடுக்கப்பட்டுள்ளதாக
ஹஜ் அமைச்சகம் தெரிவித்துள்ளது.

ஹஜ் பயணம் தொடர்பாக இன்னும் பல கடுமையான விதிமுறைகளும்
அறிவிக்கப்பட்டுள்ளன. அதில், 65 வயதுக்கு மேற்பட்டவர்களுக்கு
அனுமதி இல்லை. பயணம் மேற்கொள்ள உள்ள அனைவருக்கும்
கொரோனா சோதனை செய்யப்பட்டு முடிவுகள் நெகட்டிவ் என வந்தால்
மட்டுமே அனுமதிக்கப்படுவர்.
-
--------------

**Muthumohamed** · **Muthumohamed** Thu Jul 23, 2020 12:47 am

கொரோனாவின் விளைவு இந்த வருட ஹஜ் பயணமும் தடை பட்டு விட்டதே

கடுமையான கட்டுப்பாடுகள்; 1,000 பேருக்கு மட்டும் அனுமதி! - தொடங்கப்படும் ஹஜ் புனிதப் பயணம்

கடுமையான கட்டுப்பாடுகள்; 1,000 பேருக்கு மட்டும் அனுமதி! - தொடங்கப்படும் ஹஜ் புனிதப் பயணம்

Re: கடுமையான கட்டுப்பாடுகள்; 1,000 பேருக்கு மட்டும் அனுமதி! - தொடங்கப்படும் ஹஜ் புனிதப் பயணம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக