எதிர்கட்சிகள் அதிகளவில் வெற்றி; தமிழகத்தில் இதுவே முதல்முறை

**ayyasamy ram** · **ayyasamy ram** Sat Jan 04, 2020 8:54 am

சென்னை: உள்ளாட்சி தேர்தலில், எதிர்க்கட்சிகள் அதிகளவில் வெற்றி பெற்றுள்ளது, இதுவே முதல் முறை என, தேர்தல் ஆணைய வட்டாரத்தில் கூறப்படுகிறது.

மாநில தேர்தல் ஆணையத்தால், 1996ல், முதல் முறையாக, உள்ளாட்சி தேர்தல் நடத்தப்பட்டது. அதற்கு முன், தமிழக அரசால் இத்தேர்தல் நடத்தப்பட்டது. இதைத்தொடர்ந்து, 2001, 2006, 2011ம் ஆண்டுகளில், உள்ளாட்சி தேர்தல்கள், ஆணையத்தால் நடத்தப்பட்டன. மாநிலம் முழுவதும் மொத்தம், 1.32 லட்சம் நேரடி பதவிகளும், 14 ஆயிரத்து, 20 மறைமுக பதவிகளும் உள்ளன.

வழக்கமாக, உள்ளாட்சி தேர்தலில், எந்த கட்சி ஆட்சியில் இருக்கிறதோ, அந்த கட்சி அதிக அளவில் வெற்றி பெறும். அந்த வகையில், தி.மு.க., - அ.தி.மு.க., ஆட்சியில், அந்த கட்சிகள் வெற்றி பெற்று உள்ளன. கடந்த, 2011ல் தனித்து போட்டியிட்டு, 70 சதவீதத்திற்கும் அதிகமான பதவிகளை அ.தி.மு.க., கைப்பற்றியது. முந்தைய தேர்தல்களிலும், இதேபோன்று, அ.தி.மு.க., - தி.மு.க., வெற்றி பெற்றுள்ளன.

தற்போதைய தேர்தலை, பா.ஜ., - பா.ம.க., - தே.மு.தி.க., உள்ளிட்ட கட்சிகளின் கூட்டணியுடன், அ.தி.மு.க., எதிர்கொண்டது. எதிர்க்கட்சியான தி.மு.க.,வும், லோக்சபா தேர்தலில் அமைத்த அதே கூட்டணியுடன், தேர்தலை சந்தித்தது. தேர்தல் முடிவில், அ.தி.மு.க., - தி.மு.க., கூட்டணிகள் சம பலத்துடன் வெற்றி பெற்று உள்ளன. தமிழக உள்ளாட்சி தேர்தல் வரலாற்றில், எதிர்க்கட்சிகள், இந்த அளவிற்கு வெற்றி பெறுவது, இதுவே முதல் முறை என, தேர்தல் ஆணைய வட்டாரத்தில் கூறப்படுகிறது.

தினமலர்

எதிர்கட்சிகள் அதிகளவில் வெற்றி; தமிழகத்தில் இதுவே முதல்முறை

எதிர்கட்சிகள் அதிகளவில் வெற்றி; தமிழகத்தில் இதுவே முதல்முறை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக