செலவு குறைந்த நகரம் சென்னை... சிங்கப்பூர் செலவு மிகுந்த நகரம்

-
உலகில் செலவு குறைந்த நகரங்கள் பட்டியலில் சென்னை
இடம் பிடித்துள்ளது. செலவு பிடிக்கும் நகரங்களில்
முதலிடத்தைச் சிங்கப்பூர் பெற்றுள்ளது.

சென்னை

Economist Intelligence Unit 2019- உலகின் செலவு
மிகுந்த மற்றும் குறைந்த நகரங்களின் பட்டியல்
வெளியிடப்பட்டுள்ளது.

உலகில் அதிக செலவு மிகுந்த நகரங்கள் பட்டியலில் பாரீஸ்,
சிங்கப்பூர் மற்றும் ஹாங்காங் நகரங்கள் கூட்டாக
முதலிடத்தைப் பிடித்துள்ளன.

ஸ்விட்சர்லாந்து தலைநகர் ஜூரிச் 4-வது இடத்தைப்
பிடித்துள்ளது. ஜப்பானின் ஒசாகா நகரம் ஸ்விட்சர்லாந்தின்
ஜெனிவா நகருடன் 5-வது இடத்தைப் பகிர்ந்து கொண்டுள்ளது.

சியோல் நகருக்கு 6-வது இடம். டென்மார்க் தலைநகரம்
கோபன்ஹெகன் மற்றும் நியூயார்க் நகரங்களுக்கு 7-வது
இடம். இஸ்ரேலின் டெல்அவிவ், அமெரிக்காவின்
லாஸ் ஏஞ்சல்ஸ் நகரங்கள் 10-வது இடத்தைப் பிடித்துள்ளன.

செலவு குறைந்த நகரங்கள் பட்டியலில் உலகளவில் சென்னை
நகரம் அர்ஜென்டினா தலைநகர் பியூன்ஸ் அயர்சுடன் சேர்ந்து
8-வது இடத்தைப் பகிர்ந்துகொண்டுள்ளது.

முதலிடத்தை வெனிசூலாவின் தலைநகர் கரகாஸ் பிடித்துள்ளது.
சிரியாவின் டமாஸ்கஸ் உஸ்பெஸ்கிஸ்தானின் தாஷ்கன்ட்,
கஜகஸ்தானின் அல்மாதி அடுத்தடுத்த இடங்களைப் பிடித்துள்ளன.

பெங்களூரு நகருக்கு 5-வது இடம். கராச்சிக்கு 6-வது இடம்.
நைஜீரிவாயின் லாகோஸ் நருக்கு 7-வது இடம்.
டெல்லிக்கு 10-வது இடம்.

செலவு குறைந்த நகரங்கள் பட்டியலில் இந்தியாவின்
3 நகரங்கள் இடம்பிடித்துள்ளது குறிப்பிடத்தக்கது. உணவு செலவு,
வீட்டு வாடகை, போக்குவரத்துச் செலவு உள்ளிட்ட
150 காரணிகளைக் கொண்டு 133 நகரங்களில் இந்த ஆய்வு
நடத்தப்பட்டது.
-
----------------------------------
எம்.குமரேசன்
நன்றி-விகடன்