உறவுகளின் வலைப்பூக்கள்

புதிய இடுகைகள்
» கலெக்டர் வைத்த 'டெஸ்ட்'; தாசில்தார்கள் 'பெயில்'
by சிவனாசான் Yesterday at 9:53 pm

» பணி இடமாற்றம்: ஆசிரியரை கட்டியணைத்து மாணவ-மாணவிகள் பாச போராட்டம்
by சிவனாசான் Yesterday at 9:44 pm

» அறிவுடையார் செய்வதறிவார் ! story by Krishnaamma :)
by krishnaamma Yesterday at 9:04 pm

» மிகவும் அழகான, வினோதமான விதவிதமான பூக்கள் :)
by krishnaamma Yesterday at 8:33 pm

» நிலமெல்லாம் ரத்தம் - பா.ராகவன் -
by lakshmi palani Yesterday at 5:24 pm

» சர்க்கரை நோயாளிகளுக்கான பழங்கள்
by பழ.முத்துராமலிங்கம் Yesterday at 5:09 pm

» ஏன்?
by ஆதிரன் Yesterday at 4:54 pm

» நண்பா
by ஆதிரன் Yesterday at 4:30 pm

» என் கணவருக்கு பக்க பலமா இருந்து நான் எடையைக் குறைச்சது இப்படித்தான்!” - VJ ஐஸ்வர்யா
by பழ.முத்துராமலிங்கம் Yesterday at 4:22 pm

» நீச்சல் உடையில் வருபவர்களுக்கு இலவச பெட்ரோல்
by பழ.முத்துராமலிங்கம் Yesterday at 4:17 pm

» மொக்கை ஜோக்ஸ் !
by பழ.முத்துராமலிங்கம் Yesterday at 4:15 pm

» நம்பிக்கை துரோகம்!
by பழ.முத்துராமலிங்கம் Yesterday at 4:15 pm

» எந்த ஒரு கஷ்டமான வேலையையும் ஒரு புன்னகை எளிதாக்கிவிடும்
by பழ.முத்துராமலிங்கம் Yesterday at 3:58 pm

» அறிமுகம்
by ஆதிரன் Yesterday at 3:54 pm

» ஸ்மாா்ட் செல்லிடப்பேசியால் அச்சுறுத்தல்: 'சிம் ஸ்வப்' மோசடி மூலம் பல கோடிகள் கபளீகரம்
by பழ.முத்துராமலிங்கம் Yesterday at 3:53 pm

» புத்தகம் வேண்டும்
by ஆதிரன் Yesterday at 2:59 pm

» வேலன்:-விதவிதமான ஒலிகளில் அலாரம் செட் செய்திட-weesy free alarm clock
by velang Yesterday at 12:22 pm

» சென்னையில் கனமழை !
by krishnaamma Yesterday at 11:24 am

» முதல்-அமைச்சர் ஆவோம் என்று எடப்பாடி பழனிசாமி கனவில் கூட நினைத்திருக்க மாட்டார் ரஜினிகாந்த் பரபரப்பு பேச்சு
by krishnaamma Yesterday at 11:18 am

» திரு அய்யாசாமி ராம் 50000 பதிவுகள் வாழ்த்தலாம்.
by ayyasamy ram Wed Nov 20, 2019 9:52 pm

» ராத்திரி அது வந்துச்சா.. லபக்கென பிடிச்சுட்டேன்..
by ராஜா Wed Nov 20, 2019 9:16 pm

» கின்னஸ் கில்லாடிகள்!
by T.N.Balasubramanian Wed Nov 20, 2019 9:13 pm

» அனுமதி கிடைக்குமா
by krishnaamma Wed Nov 20, 2019 8:53 pm

» தீராத கஷ்டத்தை தீர்க்கும் சக்திமிகு எளிமையான பரிகாரம் !
by krishnaamma Wed Nov 20, 2019 8:51 pm

» முக்கீரை துவையல் & முளைக்கீரை மசியல்- மணத்தக்காளி குழம்பு
by krishnaamma Wed Nov 20, 2019 8:16 pm

» இன்றைய கோபுர தரிசனம்
by krishnaamma Wed Nov 20, 2019 8:01 pm

» கறிவேப்பிலை தொக்கு
by krishnaamma Wed Nov 20, 2019 7:53 pm

» கேட்டு ரசித்த திரைப்பட பாடல் - தொடர் பதிவு
by ayyasamy ram Wed Nov 20, 2019 5:03 pm

» நாவல்கள் வேண்டும்
by saravanapriyaprakash Wed Nov 20, 2019 3:33 pm

» குட் நியூஸ் படத்தின் விளம்பரதார நிகழ்வு
by ayyasamy ram Wed Nov 20, 2019 2:32 pm

» அடுத்த தேர்தல்ல ‘மிக்ஸிங்’ கிடையாது. ‘ராவா’த்தான் நிற்போம்…!!
by ayyasamy ram Wed Nov 20, 2019 2:02 pm

» தலைவருக்கு, நெஞ்சு வலி வந்த மாதிரி நடிக்க ‘டைம்’ கொடுங்க…!!
by ayyasamy ram Wed Nov 20, 2019 2:01 pm

» செல்போனை ஒட்டுக் கேட்கிறாங்கன்னு எப்படி சொல்றீங்க?
by ayyasamy ram Wed Nov 20, 2019 2:00 pm

» புல்லாங்குழல் கொடுத்த மூங்கில்களே!
by ayyasamy ram Wed Nov 20, 2019 1:30 pm

» நிதானமாக செய்யும் செயல்களில் பொறுமையாக வெற்றி கிடைக்கும் ..!
by ayyasamy ram Wed Nov 20, 2019 12:09 pm

» தெரிந்து கொள்வோம் - பொது அறிவு தகவல்
by ayyasamy ram Wed Nov 20, 2019 11:30 am

» அமெரிக்காவுடன் பேச்சுவார்த்தைக்கு வாய்ப்பில்லை - வடகொரியா திட்டவட்டம்
by ayyasamy ram Wed Nov 20, 2019 7:46 am

» டேவிட் ஆட்டன்பரோவுக்கு ‘இந்திரா காந்தி அமைதி விருது’
by ayyasamy ram Wed Nov 20, 2019 7:41 am

» வேலன்:-சிஸ்டம் கிளினர்.-System Cleaner
by velang Wed Nov 20, 2019 7:41 am

» விமானத்தில் டெல்லி செல்லும் பயணிகளுக்கு முகக்கவசம் - ‘ஏர் ஏசியா’ நிறுவனம் அறிவிப்பு
by ayyasamy ram Wed Nov 20, 2019 7:38 am

» இந்த வாரம் வெளியாகவுள்ள ஐந்து தமிழ்ப் படங்கள்
by ayyasamy ram Wed Nov 20, 2019 2:56 am

» மூத்த நடிகரும், கதாசிரியருமான ஸ்ரீனிவாசன் மருத்துவமனையில் அனுமதி
by ayyasamy ram Wed Nov 20, 2019 2:22 am

» இருட்டு, ஆயிரம் ஜென்மங்கள்திரைக்கு வரும் 2 பேய் படங்கள்
by ayyasamy ram Wed Nov 20, 2019 2:20 am

» அன்ன தானத்தையும் எவ்வித தம்பட்டம் இல்லாமல் அமைதியாக செய்ய வேண்டும்.
by ayyasamy ram Wed Nov 20, 2019 2:15 am

» இந்தியர்களை குறி வைக்கும் நோய்: இன்று உலக சி.ஓ.பி.டி., தினம்
by ayyasamy ram Wed Nov 20, 2019 2:13 am

» மேயர்: நேரடி தேர்தல் இல்லை; அமைச்சரவை கூட்டத்தில் முடிவு?
by ayyasamy ram Wed Nov 20, 2019 2:02 am

» பர்சை ‛பதம் பார்க்கப்போகுது' மொபைல் கட்டணம்
by ayyasamy ram Wed Nov 20, 2019 2:00 am

» '' லஞ்சம் வாங்காதவன்'': அதிகாரி வைத்த அறிவிப்பு பலகை
by ayyasamy ram Wed Nov 20, 2019 1:56 am

» போலி விமான பைலட் கைது
by ayyasamy ram Wed Nov 20, 2019 1:54 am

» ஸ்ரீ பத்ரி நாராயணனின் லீலை !
by krishnaamma Tue Nov 19, 2019 9:39 pm

Admins Online

சினிமா வசனங்கள் - படித்து, பார்த்து ரசிக்க

best சினிமா வசனங்கள் - படித்து, பார்த்து ரசிக்க

Post by heezulia on Tue Dec 19, 2017 12:54 am

First topic message reminder :

18 .12 .2017

இது ஒரு புதிய முயற்சி.

ஒரு படத்திலுள்ள வசனங்களை அப்படியே தர்றேன். என்ன படம், இந்த வசனங்கள்ல நடிச்சிருப்பவங்க யார் யார்னு உங்களுக்குத் தெரியும்னு எனக்குத் தெரியும். சொல்லுங்களேன். கண்டிப்பா கண்டு புடிச்சிருவீங்க. ஏன்னா ஈஸியானதாதானே குடுத்திருக்கேன்.

ஒரு அரண்மனை. அரசி சபைக்குள் நுழைகிறார்.


காவல்காரன் : நாட்டின் பேரரசி, செல்வபுரத்தின் பெண்ணரசி, மங்கையர் உலகுக்கு மாபெரும் தலைவியாய் விளங்க வந்த மங்கையர்க்கரசி, தக்க சமயத்தில் மக்களைக் காக்க வந்த மாதரசி, திருவின் கடாட்சத்தால், தெய்வத்தின் கருணையால் நம் நாட்டிற்குக் கிடைத்த பொன்னரசி, மாட்சிமை பொருந்திய செல்வபுரத்தின் மஹாராணி, ராஜமஹோன்னத, ராஜகோலாஹல, ராஜகம்பீர, ஸ்ரீ விஜயஜெய செல்வாம்பிகை நாச்சியார், வாழ்க.

அரசி வந்து, எல்லோரையும் அமரச் சொல்லி, அவரும் அமர்கிறார். சபையில் இருந்தவர்கள் அமர்கின்றனர்.

அரசி [சபையைப் பார்த்து] : ப்ரதம தளபதி பட்டமளிப்பு விழாவிற்கு விஜயம் செய்துள்ள ராஜ ப்ரமுகர்கள் அனைவரையும், அன்போடு வரவேற்கிறேன். என் அழைப்பிற்கிணங்கி, அனைவரும் வருகை தந்தமைக்கு, நான் பெருமகிழ்ச்சி அடைகிறேன். தன்னைச் துச்சமென மதித்து என்னைக் காப்பாற்றிய வீரமல்லரின் வீரத்தைப் பற்றி, நான் விளக்கம் சொல்லத் தேவையில்லை. நடந்த சம்பவம் நாடறிந்தது. அப்படிப்பட்ட பலசாலியின், அரசியின் உயிரையே காத்த மாபெரும் வீரரே, இந்தச் செல்வபுரத்தின் ப்ரதம தளபதியாக நியமிக்க முடிவு கட்டி, உங்கள் முன் பதவிப் ப்ரமாணம் செய்து வைக்கிறேன்.

அரசி [தளபதியைப் பார்த்து]: வீரமல்லரே, நாட்டுக்கும், சட்டத்துக்கும் கட்டுப்பட்டு, பெற்ற தாய்போல் பிறந்த நாட்டைப் பாதுகாக்க வேண்டியது உங்கள் கடமை என்று கட்டளை இடுகிறேன். [தளபதியை நோக்கிக் கையை நீட்டி] இன்று முதல், உம்மை இந்த நாட்டிற்குப் ப்ரதம தளபதியாக நியமிக்கிறேன்.

அரசி ஒரு காவலாளியை நோக்க, அந்தக் காவலாளி வாள் இருந்த ஒரு தட்டை அரசியின் அருகில் கொண்டு வந்து நீட்டுகிறான். அரசி சிம்மாசனத்திலிருந்து இறங்கி வந்து, தட்டிலிருந்த அந்த வாளை எடுத்து, பிரதம தளபதியின் கையில் கொடுக்கிறார். தளபதியும் அந்த வாளைக் கையில் வாங்கிப் பணிவுடன் அரசியை வணங்குகிறார். அரசி சிம்மாசனத்தில் அமர்கிறார்.

ப்ரதம தளபதி [உறையிலிருந்து வாளை உருவி] : பேரரசியே, பிறந்த நாட்டின் ஒரு பிடி மண்ணைக் கூட மாற்றான் கொண்டு செல்ல முடியாத அளவுக்கு, நம் நாட்டைக் காப்பேன். எல்லைகளைக் காப்பேன். பகைவரால் தொல்லை ஏதேனும் வந்தால், அதை வேரோடு முறியடித்து விடுகிறேன். நமது செல்வபுரத்தை எனது உடலில் கடை.... சி சொட்டு ரத்தம் உள்ளவரை பாதுகாக்கிறேன் என்று உறுதி கூறி, இந்தப் ப்ரதம தளபதி பதவியை ஏற்றுக் கொள்கிறேன். இது என் தாய்மீதாணை. தாய்நாட்டின் மீதாணை.

என்று கூறி, வாளை உரையிலிருந்து உருவி மேலுயர்த்தி

"என் வீரத்தின் மீதாணை"

இவ்வாறு சொல்லி, வாளை முத்தமிட்டு விட்டு, உறையில் வைக்கிறார் ப்ரதம தளபதி.

தளபதி : பேரரசியே, ப்ரதம தளபதிக்குப் பக்கத் துணையாக இருந்து, படை நடத்தி, நாங்களும் நாட்டைப் பாதுகாப்போம் என்று உறுதி கூறுகிறோம்.

ப்ரதம தளபதியும், தளபதியும் தத்தம் இருக்கையில் அமர்கின்றனர்.

அரசி : வாழ்க வீரம். வளர்க உங்களது ஆற்றல். பெருகட்டும் படைபலம்.

அந்தச் சமயத்தில் ஒரு காவலாளி அரசிமுன் வந்து வணங்குகிறான்.

காவலாளி : அரசியே, தங்கள் உத்தரவுப்படி, புலவரை அழைத்து வந்திருக்கிறோம்.

அரசி : வரச்சொல் சபைக்கு.

காவலாளி : உத்தரவு.

ப்ரதம தளபதி [சிறிது யோசித்து விட்டு அரசியைப் பார்த்து] : யாரந்தப் புலவன்?

அரசி [அலட்சியமாக] : வருவார் பாரும்.

சபைக்கு அந்தப் புலவர் கர்வத்துடன் வீரனடை நடந்து வருகிறார். சபையிலுள்ளவர்கள் எல்லோரும் அவரையே பார்க்கின்றனர். புலவர் அரசி முன் வந்து.

புலவர் : வாழ்க நாடு. உயர்க அரசு, ஓங்குக புலமை.

அரசி [புன்னகையுடன்] : வருக புலவரே. வருக [என்று வரவேற்று] திடீரென்று நான் அழைத்தது, உமக்கு வியப்பைத் தந்ததோ?

புலவர் [இல்லையென்று தலையாட்டி] : வேண்டா வெறுப்பாக இருந்தது.

அரசி : ஏனப்படி?

புலவர் : காரணம் புரியவில்லை

அரசி : புரியச் சொல்கிறேன். உமது புலமையின் திறமையைப் பரிசோதிக்கவே உம்மை இங்கே அழைத்தேன்.
புலவர் [சிரித்து] : ஹா ஹா .... எனது புலமையை சோதிக்கும் அளவுக்குப் புலமையில் தேர்ச்சி பெற்ற பாவலன் இங்கு யாரோ?

புலவர் சுற்றுமுற்றும் பார்க்கிறார் கர்வமாக.

அரசி : சகலரும் இங்கு சகல கலைகளும் பயின்றவர்கள்.

புலவர் : [கிண்டலாக] ஆ... மகிழ்ச்சி. வினாக்களைக் கேட்டால் விடை சொல்லக் காத்திருக்கிறேன்.

அரசி : தளபதியாரே [ என்று ப்ரதம தளபதியைப் பார்க்கிறார்]

ப்ரதம தளபதி : [புலவரைப் பார்த்து] உமது ஊர்?

புலவர் : இதே ஊர்.

ப்ரதம தளபதி : பெயர்?

புலவர் : [நடந்துகொண்டே பதிலளிக்கிறார்] வித்யாபதி.

ப்ரதம தளபதி : தாய் தந்தையர்?

புலவர் : தாய் இல்லை, தந்தை உண்டு

ப்ரதம தளபதி : உற்றார் உறவினர்?

புலவர் : இல்லை

ப்ரதம தளபதி : சகோதரர்?

புலவர் : அனாதை

ப்ரதம தளபதி : உமக்குத் தொழில்?

புலவர் : எமக்குத் தொழில் கவிதை.

ப்ரதம தளபதி : அடுத்து?

புலவர் : ஆண்டவன் தொண்டு

ப்ரதம தளபதி : இதற்கு முன்?

புலவர் : பிறப்பால் ஊமை.

ப்ரதம தளபதி : பேச்சு வந்தது?

புலவர் : கலைவாணியின் அருளால்.

ப்ரதம தளபதி : [அலட்சியமாக] ஹே ஹே [அரசியைப் பார்த்து] நம்பத் தகாதது.

புலவர் : [அவரும் அலட்சியமாக] ஹே ஹே ... கோழை வீரனாகி, தளபதியாக வீற்றிக்கும்போது. ஊமை புலவனாகிப் பேசுவது நம்ப முடியவில்லையோ?

ப்ரதம தளபதி : ம்ம்ம்ம்ம்ம், அடக்கமாகப் பேசும்.

புலவர் : [கையை அமர்த்தி] அமைதியாகக் கேளும்.

அரசி : வித்தையிலே மெத்தப் படித்து, வினாக்களுக்கு அடுக்கடுக்காக விடை பகரும் புலவர் வித்யாபதி,

அரசி இதைக் கூறிக் கொண்டிருக்கும்போதே புலவர் அரசியின் அருகில் சென்று நிற்கிறார்.

புலவர் : அரசி

அரசி : ஆட்சிக்கிலக்கணம்?

புலவர் : ஆணவமற்ற அரசு.

அரசி : புலவனின் உரிமை?

புலவர் : சுதந்திரப் பறவை.

அரசி : இதயத்தை மகிழ்விப்பது?

புலவர் : குழந்தையின் மழலை

அரசி : வேதனை தருவது?

புலவர் : நண்பனின் பிரிவு.

அரசி : நட்புக்குயர்வு?

புலவர் : இடுக்கண் களைவது.

அரசி : எண்ணக்கூடாதது ?

புலவர் : செல்வத்தின் செருக்கு [அரசியைச் சுட்டிக்காட்டுகிறார்]

அரசி : பொருளில்லாதவர்க்கு?

புலவர் : இவ்வுலகமட்டும் இல்லை.

அரசி : அருளில்லாதவர்க்கு?

புலவர் : எவ்வுலகமுமில்லை.

அரசி : எங்கும் வேண்டுவது?

புலவர் : ஒழுக்கத்தின் உயர்வு.

அரசி : உயர்வுக்கு வழி?

புலவர் : உண்மையும், சத்தியமும்.

ப்ரதம தளபதி : அழியாது நிற்பது?

புலவர் : கவிஞனின் காவியம்

அரசி : அழிந்து விடுவது?

புலவர் : நிலையற்ற செல்வம்

ப்ரதம தளபதி : வீரருக்கு அழகு?

புலவர் : பேச்சைக் குறைப்பது.

ப்ரதம தளபதி : புலவனுக்கு முடிவு?

புலவர் : பொன்னேட்டில் இருப்பது.

அரசி : புவியாள்பவர் முடிவு?

புலவர் : முடிசார்ந்த மன்னரும் முடிவில் பிடி சாம்பலாவர்.

ப்ரதம தளபதி : சகிக்க முடியாதது?

புலவர் : பச்சைக் குழந்தையின் அழுகை
தளபதி : தாள முடியாதது?

புலவர் : பத்தினிப் பெண்ணின் சாபம்

தளபதி : கேட்கத் தகாதது ?

புலவர் : [தளபதியின் முகத்தின் நேரே கையை நீட்டி] தகுதியற்ற கேள்வியும், அர்த்தமற்ற பதிலும்.

ப்ரதம தளபதி : பார்க்க முடியாதது?

புலவர் : அடக்கமில்லாமை

அரசி : அதற்குதாரணம் ?

புலவர் : [அரசியைச் சுட்டிக்காட்டி] உங்களது ஆட்சி.

ப்ரதம தளபதி : [கோபமா எந்திரிச்சு] வித்யாபதி

பிரதம தளபதியும், தளபதியும் கோபமாக எழுகிறார்.

அரசி இருவரையும் உட்காருமாறு சைகை காட்டுகிறார். இருவரும் அமர்கின்றனர்.

அரசி : வித்யாபதி, உமது புலமையின் திறமையைப பாராட்டுகிறேன். இன்றுமுதல், உம்மை எமது ஆஸ்தான புலவனாக நியமிக்க முடிவு கட்டியிருக்கிறேன்.

புலவர் : நீங்கள் முடிவு கட்டியிருக்கலாம். ஆனால் முழு மனதுடன் நான் ஏற்றுக்கொள்ள வேண்டாமா?

அரசி : ஏற்றுக்கொள்ள என்ன தயக்கம்?


புலவர் :   ஆண்டவன் சன்னிதானத்திற்கே எங்களை அர்ப்பணித்துக்கொண்ட பரம்பரை நாங்கள். தெய்வத்தொண்டே திருத்தொண்டாக நினைத்து, இறைவனுக்கடியவனாக இருக்கும் நான், இந்த அரசுக்கு அடிமையாக மாட்டேன்.

ப்ரதம தளபதி : [கோபமா கத்துகிறார்] ஆணவம் படைத்த புலவன் நீ. எப்போது எமது அரசியின் கட்டளையை மதிக்கத் தவறினாயோ, அப்போதே உனக்கு இங்கு ஆஸ்தான புலவனாக அமரும் யோக்யதை இல்லையென்று முடிவு கட்டிவிட்டோம். போகட்டும். அழைத்த மரியாதைக்காக, நாங்கள் அனைவரும் கேட்க, அரசியைப் பாராட்டி ஒரேயொரு கவி பாடிவிட்டு போ.

புலவர் : நரஸ்துதி......... பாடுவதில்லை.

அரசி : எப்படி?

புலவர் : இறைவனைப் பாடும் வாயால், இடையே தோன்றி மறையும் இந்த மனித ஜென்மங்களைப் பாடுவதில்லை.

ப்ரதம தளபதி : பாடாமல் உன்னை விடப்போவதில்லை.

புலவர் : இந்த பலாத்காரத்தைக் கண்டு நான் பயப்படப்போவதில்லை.

தளபதி : உன்னைப் பணிய வைக்கிறோமா இல்லையா பார்.

புலவர் : உங்களுக்குச் சரியான பாடம் கற்பிக்கிறேனா இல்லையா பாருங்கள்.

Heezulia மீண்டும் சந்திப்போம்
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down


best என்ன படம், யார் யார் நடிச்சது

Post by heezulia on Sun Jan 14, 2018 6:06 pm

14.01.2018 

மூர்த்தி, 

நான் இதுவரை எதையுமே................ copy & paste செஞ்சதே இல்ல. அது எனக்கு கொஞ்சமும் பிடிக்காது. நன்றி சொல்வது தப்பில்லை. நல்லதுதான். 

Heezulia 
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down

best என்ன படம், யார் யார் நடிச்சது

Post by heezulia on Sun Jan 28, 2018 1:36 pm

28.01.2018

இதுல வர்றவங்க யார் யாருன்னு சொல்லிர்றேன்.

புதுப்பொண்ணு மரகதம், 
பொண்ணோட அப்பா ஒரு பண்ணையாரு, 
பொண்ணோட அம்மா சிவகாமி 
புது மாப்ளே முத்தையன், 
முத்தையனின் அம்மா 
முத்தையனின் சித்தப்பா
பஞ்சாயத்தார் 
அம்புட்டுதான். 

சீன் 1

ஒரு பஞ்சாயத்து கூட்டம். ஜனங்க எல்லாரும் உக்காந்திருக்காங்க. புதுசா கல்யாணமான பொண்ணு மரகதமும், மாப்பிள்ளை முத்தையனும் நிக்கிறாங்க. பொண்ணோட அம்மா சிவகாமியும், அப்பா பண்ணையாரும் இருக்காங்க. 

முத்தையனின் சித்தப்பா : இங்க இருக்கிற ஊர் ஜனங்களுக்கு என் வணக்கம். வீரனூர் பஞ்சாயத்தார்க்கு முதல்ல என்னோட விண்ணப்பத்த தெரிவிச்சுக்றேன். 

இப்படி சொல்லிட்டு திண்ணையில உக்கார்றார். 

சித்தப்பா : அதாவது நம்ம ஊரு பண்ணையாரு,[கோபமா] இந்த முத்தையன் பய மேல ப்ராது குடுத்துருக்காரு. முத்தையன் என்னுடைய அண்ணன் மகன் என்பதற்காகவோ, அல்லது நான் அவன் சித்தப்பன் என்பதுக்காகவோ, அவனுக்கு எந்தவிதமான் ஒரு எரக்கத்தையும் காட்டப்படாதுன்னு நான் ஒங்கள கேட்டுக்குறேன். ரெண்டு வீட்டுக்காரரும் சம்மதப்பட்டு நடத்த இருந்த கல்யாணத்த தடுத்து, பொண்ண கடத்திகிட்டு போயி திருட்டுத்தனமா தாலிய கட்டினான். அதுக்கு நீங்க என்ன தண்டன குடுக்கபோறீங்களோ, தயவு தாட்சண்யம் இல்லாம போட்டு தாக்கிறணும், ஆமா. 

பஞ்சாயத்தார் : முத்தையா, நீ என்ன சொல்றே? 

முத்தையா : ஐய்யா, அண்ணன் மகனுக்கூன்னு பொண்ணு பேச போயி, தாம்மகனுக்கு பேசி இங்க வந்து உக்காந்துருக்காரே ஒரு பெரிய மனுஷர், அவருக்கும் நீங்க நல்ல மொறைல தீர்ப்பு வழங்கணும்னு நானும் கேட்டுக்குறேன். 

சித்தப்பா : டேய், ஞாயத்த பத்தி பேச ஒனக்கென்ன யோக்யத இருக்கு? 

முத்தையா : பஞ்சாயத்து கூடி இருக்கும்போது தனிப்பட்ட முறைல என்ன பேசுறதுக்கு உங்களுக்கு என் ... ன அருகத இருக்கு? 

அங்க உக்காந்துட்டு இருந்த பண்ணையார் [பொண்ணோட அப்பா] எந்திருக்கிறாரு. கூடவே அவரோட பொண்டாட்டி சிவகாமியும் எந்திருக்கிறாங்க. 

காரசாரமான, கோபமான, sentiment ஆன வாக்குவாதங்கள் நடக்குது. 

பண்ணையார் கோபமா : ஐய்யா, கள்ளத்தனமா வந்து திருடிட்டு போனதுக்கு மொதல்ல காரணத்த கேளுங்க.

முத்தையா கோபமா : திருடனா, என்ன திருடினேன்? ஒங்க வீட்டுக்கு வந்து நெல்லு மூட்டய திருடினேனா, இல்ல உங்க இரும்பு பொட்டிய கள்ளசாவி போட்டேனா, இல்ல உங்க சொத்துக்கு ஆசப்பட்டேனா? எதைய்யா திருடினேன்? 

பண்ணையார் : பின்ன எதுக்காக ஏவ்வீட்டுக்குள்ள புகுந்து, நான் கண்ண போல வளத்த எம்பொண்ண கூட்டிட்டு போன? 

முத்தையா : நான் அவர் வீட்டுக்குள்ள நொழையவும் இல்ல, அந்த வாசப்படிய மிதிக்கவும் இல்ல. 

பண்ணையார் : அப்போ ............ பலாத்காரமா கொண்டுபோய் எம்பொண்ணு கழுத்துல தாலி கட்டீர்க்க, அப்படித்தானே? 

முத்தையா : இந்த கேள்விக்கு நான் பதில் சொல்ல வேண்டியதில்ல. உங்க பொண்ணையே கேளுங்க. 

மரகதம் : ஐய்யா, இவங்க ஒண்ணும் என்ன பலாத்காரமா கூட்டிகிட்டு போகல. பலவந்தமா எங்கழுத்தில தாலியும் கட்டல. நானா இஷ்டப்பட்டு சம்மதிச்சுதான் இவங்களையே கட்டிகிட்டேன். இது குத்தமுன்னா, அந்த தண்டனய எனக்கு குடுத்துருங்க. 

பண்ணையாரும், முத்தையனோட சித்தப்பாவும் திகைச்சுபோனாங்க. 

பண்ணையார் : மரகதம்

மரகதம் அழுதுகிட்டே : அப்பா, அவசரப்பட்டு ஏஞ்சம்மதத்த கேக்காம, நீங்களா ஒரு கல்யாண ஏற்பாட்ட செஞ்சீங்க. ஆனவரைக்கும் தடுத்து பாத்தேன். நீங்க கேக்கல. பிறகு, நானா ஒரு முடிவுக்கு வந்து, ஏம்மனசில நெனச்சவர கல்யாணம் செய்துகிட்டேன். இது தப்பா? சொல்லுங்கப்பா. [கெஞ்சுறார்] 

பண்ணையார் என்ன பேசுறதுன்னு தெரியாம பொண்ணையே பாத்துட்டு நிக்கிறார். 

மரகதம் : என்னப்பா பேசாம நிக்கிறீங்க ? 

பண்ணையார் வெறுப்பா : அப் .......... பா, போதும். இனிமே ஓவ்வாயால என்ன அப்பான்னு கூப்டாத. 

பொண்ணோட அம்மா சிவகாமி என்ன செய்றதூன்னு தெரியாம கணவனை பார்க்கிறார்.

மரகதம் அழுதபடியே : அப்படீல்லாம் சொல்லாதீங்க. நடந்தது நடந்துருச்சு. எல்லாத்தயும் மறந்துட்டு, எங்களுக்கு நல்ல வார்த்த சொல்லுங்கப்பா. 

பண்ணையார் கோபமா : ஏன் சொல்லணும், எதுக்காக நல்ல வார்த்த சொல்லணும்? எங்களயும் மீறி ஒன் இஷடப்படி நடந்துகிட்டேல்ல? எப்படியாவது போ. 

மனைவி சிவகாமி கணவன்கிட்ட வருத்தமாவும், திகைப்பாகவும் : என்னங்க, 

பண்ணையார் : பேசாம இரு சிவகாமி. பெத்து வளத்து ஆளாக்குனவங்களுக்கு, இத்தன பெரிய த்ரோகம் செஞ்சதுக்கப்புறம், அந்த பொண்ண பத்தி நமக்கென்ன கவல? 

மரகதம் கோபத்தோடவும், உறுதியுடனும் : அப்பா, அப்படியெல்லாம் சொல்லாதீங்க. நீங்க பாத்து வச்சிருந்த மாப்ளய கட்டியிருந்தா, இந்நேரம் செத்து தொலஞ்சிருப்பேன். ஏம்மனசுக்கு புடிச்ச மாப்ளய கட்னதுக்கப்புறம், நான் நல்லாதாம்ப்பா இருப்பேன், நல்லாதான் இருப்பேன்.

பண்ணையார் கோபமா : எங்கள நோகவச்சதுக்கப்புறம், நீ எப்படி நல்லா இருக்க முடியும்? மரகதம், இன்னேலேயிருந்து நீ எனக்கு மகளுமில்ல, நான் ஒனக்கு அப்பனுமில்ல.இந்த நிமிஷத்திலயிருந்து பந்தபாசமெல்லாம் அறுந்து போச்சு. 

சிவகாமி அழுறார்.

பண்ணையார் பஞ்சாயத்தாருக்கு ஒரு கும்பிடு போட்டு :  வர்றேனுங்க. [சிவகாமிய பார்த்து] சிவகாமி, புறப்படு. 

சிவகாமி பண்ணையாரை சோகத்துடன் பார்த்து, திகைத்து நிக்கிறார். 

பண்ணையார் சிவகாமியை பார்த்து கத்துறார் : ஏநிக்கிற புறப்படு. 

இப்படி சொல்லிட்டே வேகமா நடக்கிறார். மனைவி சிவகாமியும் பின்னாலேயே போறார். 

இதுக்கிடையில மரகதம் அவ போட்டிருந்த நகைய எல்லாம் கழத்தி, கையில வச்சுட்டிருக்கா. 

மரகதம் அவளோட அம்மாவும் அப்பாவும் அவளை கடந்து போகும்போது :  நில்லுங்கப்பா. எங்களுக்கும் மான ரோஷமெல்லாம் நெறை .............. ய இருக்கு. பெத்தவங்க நீங்களே இந்த முடிவுக்கு வந்ததுக்கப்புறம், உங்க சொத்து, ஆஸ்த்தி எதுவுமே எங்களுக்கு தேவயில்ல. 

மரகதம் நகைகளை அம்மாவிடம் நீட்டி : இந்தாங்கம்மா, நீங்க எங்கலயாணத்துக்காக போட்ட நகநட்டு. நீங்களே திருப்பி எடுத்துக்கோங்க. 

சிவகாமி அழுதுகிட்டே : மரகதம் 

பண்ணையார் கோபமா : வாங்கிக்க சிவகாமி. ஏன் யோசிக்கிற வாங்கிக்க. நல்லதா ஒரு பொண்ண வளத்தா.... இன்னைலேயிருந்து அந்தப் பொண்ணு செத்து போயிட்டான்னு நெனச்சுக்கிறேன். [கத்துறார்] புறப்படு, புறப்படு. 

பண்ணையார் வேகமா போயிர்ரார். மனைவியும் அழுதுகிட்டே அவர் பின்னாலேயே போயிர்றாங்க. 

சித்தப்பா கோபமாக : ஊருக்கே............. பெரிய மனுஷன். அவர் மனசையே கலங்க வச்சுட்டான் இந்த முத்தையன் பய. இவனுக்கு சரியான பாடத்த கற்பிக்கல .................. மேலும் மேலும் இந்த மாதிரியான காரியத்த செஞ்சுட்டு இருப்பானுக. 

பஞ்சாயத்தார் : முத்தையா, பொண்ணே.......... சம்மதப்பட்ருந்தாலும், இன்னொர்த்தர்க்கு நிச்சயம் பண்னதுக்கப்புறம், திருட்டுத்தனமா தாலி கட்டிர்றது குத்தம்தான். அந்த குத்தத்துக்காக, ஊர் பெரியவங்ககிட்ட மன்னிப்பு கேட்டுட்டு, நூறு ரூபா அபராதத்த உடனடியா கட்டணும். இது பஞ்சாயத்தார் உத்தரவு. 

சித்தப்பா : ம்ம் ......................... ஊர்க்காரங்க கால்ல உழுந்தா மட்டும் போதாது. இவன் செஞ்ச குத்தத்துக்காக, மொதல் ............. ல எங்கால்ல விழணும். அப்புறம் எம்பையன் கால்ல விழணும் ஆமா. [பஞ்சாயத்தார் முன்னால இருக்கிற மேஜையில கோபத்தோடு தட்டுறார்.] 

முத்தையனுக்கு கோபம் வராம இருக்குமா? 

முத்தையன் தெனாவட்டா : கால்ல உழ்றதா? நானா? கெழக்கே உதிக்கிற சூரியன் மேற்கே உதிச்சாலும், நான் யாரு கால்லேயும் விழவும் மாட்டேன், மன்னிப்பும் கேக்க மாட்டேன், அபராதமும் கட்டமாட்டேன். நீங்க செய்யிறத செஞ்சுகங்க. பாத்துக்கலாம். 

இப்படி சொல்லிட்டு அந்த இடத்தை விட்டு போக நினைக்கிறான். 

சித்தப்பா கோபமா : டேய், பஞ்சாயத்தார் பேச்சுக்கு நீ கட்டுப்படல, ஒன்ன ஊர விட்டே வெலக்கி வச்சுருவோம், ஆமா. 

முத்தையா : அ ..... டே, வெலக்கி வக்கட்டுமே, குடி முழுகி போய்டுமா? இல்ல நாங்க செத்து போயிடுவோமா? 

முத்தையனின் அம்மா திகைப்புடனும், வருத்தத்துடனும் : முத்தையா 

முத்தையா : சும்மா இரும்மா, இந்த ஊர்ல அடிக்கிற காத்து நம்மமேல அடிக்காம போயிடுமா, இல்ல இவங்க இருக் ............. கிற எடத்தில பேயர மழ, நாம இருக் ................. கிற எடத்துல பேயாம போயிடுமா? இந்தாங்கய்யா பஞ்சாயம், தப்பு செய்யறவங்களே சபைக்கு மத்தியில இருக்கும்போது, தர்மஞாயத்த நான் எதிர்பாக்க முடியுமா? ஏண்ட்ட காசுபணம் இல்லய்யா? ஆனா மனசுல சத்தியம் இருக்கு, நல்ல மனசிருக்கு. நீங்க என்னமோ இந்த ஊரே உங்க கைல இருக்கிறதா நெனச்சுகிட்டீங்க. ஆனா இந்த ஊருக்கு மேல, ஒலகத்துக்கு மேல, ஒருத்தன் இருக்கான்யா. அவன் எல்லாத்தையும் பாத்துட்ருக்கான். நான் அவனத்தான் நம்பிட்ருக்கேன். நடக்கிறபடி நடக்கட்டும். என்ன ஒண்ணும் அசச்சுக்க முடியாது. [மனைவிய பார்த்து] வா மரகதம். [அம்மாவ பார்த்து] வாம்மா. [நண்பர்களை பார்த்து] வாங்கடா 

அந்த இடத்த விட்டு மரகதத்தையும், அம்மாவையும் கூப்டுட்டு போறான். 

சித்தப்பா : என்னயா நீ, கூத்து நடுக்குற மாதிரி எல்லாரும் அவன் வாய பாத்துகிட்ருக்கீங்க. பஞ்சாயத்தார் முடிவ சொல்லுங்கய்யா. 

பஞ்சாயத்தார் : ஊரார் முன் நிபந்தனை. வீரனூர் ராமலிங்கம் மகன் முத்தையா, ஊர் ஞாயத்துக்கு கட்டுப்படாததினால, அவனையும் அவன் குடும்பத்தாரையும். ஊரை விட்டே ....... வெலக்கி வச்சிருக்கோம். 

சித்தப்பா மனசுக்கு ஆறுதலாக : அப்பா ................ டி 

பஞ்சாயத்தார் : போட்ட அபராத தொகைய செலுத்தி, மன்னிப்பு கேட்கிற வரையிலும், ஊருக்குள்ள யாரும், அவங்க்ளுக்கு அடுப்பும், நெருப்பும், குடிக்க தண்ணீரும், வாழ்வுக்கோ சாவுக்கோ எதிலும் யாரும் கலந்துக்க கூடாது, இது பஞ்சாயத்தார் உத்தரவு. 

சித்தப்பா : ஹ ஹ ஹா , இதல்லவா தீர்ப்பு. 

- அடுத்த ஸீன் தொடரும் 

Heezulia 
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down

best என்ன படம், யார் யார் நடிச்சது

Post by heezulia on Sun Jan 28, 2018 1:46 pm

28.01.2018 

ஸீன் 2

முத்தையனின் சித்தி, சித்தப்பா, மகன் 

ஒரு கல்யாண வீடு. மரகதத்துக்கு மொதல்ல நிச்சயிக்கப்பட்ட மாப்பிள்ளையும், அந்த கல்யாணத்துல வேல செஞ்சவங்களும் வீட்டு முற்றத்தில நிக்கிறாங்க. அவங்களுக்குள்ள ஒரு சலசலப்பு. இந்த மாப்பிள்ளைக்கு பாத்த பொண்ணுதான் முத்தையனை கட்டிக்கிறா. அதனால கல்யாணம் நின்னு போச்சு. 

மாப்பிள்ளை : ஏன் கத்துறீங்க, ஏன் கத்துறீங்க? இருங்க அப்பா வரட்டும் எல்லாத்தையும் தீத்துர்றேன். 

சித்தப்பா வேகமா வர்றார். 

மாப்பிள்ளை : என்னப்பா நீங்க, இங்க கல்யாணத்துக்கு வேல வெட்டி செஞ்சவங்கல்லாம் காசு காசுன்னு உயிரை வாங்குறாங்க. நீங்க பாட்டுக்கு பஞ்சாயத்துல உக்காந்துட்டு சாவகாசமா வர்றீங்க. இவனுங்க கேக்குற கேள்வி நாக்க புடுங்கிகிட்டு சாகலாமான்னு இருக்கு. சாவிய குடுங்கப்பா, பணத்த எடுத்துட்டு வரேன். 

சித்தப்பா : டேய், இரணியனுக்கு ப்ரகலாதனா பிறக்க வேண்டிய பய, எனக்கு மகனா வந்து பொறந்து, ஏம்ப்ராணன வாங்குறே. 

மாப்பிள்ளை : சாவிய எடுங்கப்பா, 

சித்தப்பா : ம் ம் [சாவிய சட்டப்பையில இருந்து எடுத்து] இந்தா, போயி ....... ஒரு அம்பது ரூபாய எடுத்து ........... , தலைய சுத்தி, விட்டெறி. 

சாவிய மகன் கையில கொடுக்கிறார். மகன் சாவிய வாங்கிட்டு வீட்டுக்குள்ள வேகமா போறான். 

கல்யாணத்துல வேல வெட்டி செஞ்சவங்க : என்னய்யா அப்படி சலிச்சுட்டு குடுக்குறீங்க? நாங்க பாடுபட்டு வேல செய்யல, சும்மாவா குடுக்குறீங்க. 

சித்தப்பா : ஆங், செஞ்சீங்க செஞ்சீங்க. நல் ....... லா செஞ்சீங்க. அப்பா கைராசிகார புண்ணியவான்களா, எங்க்யாவது கல்யாணம் நடக்கும்போது, எல்லாரும் ஒண் .............. ணா போய் நில்லுங்க. உருப்படி ஆன மாதிரிதான். விடியாமூஞ்சிகார பசங்க. 

சித்தப்பாவின் மனைவி அவசரமா வீட்டுக்குள்ள இருந்து ஓடி வந்து : என்னாங்க, பையன் சாவிகொத்த ஏங்கிட்ட குடுத்துட்டு, ஊருக்கு போறேன்னு பின்புறம் வழியா ஓட்றாங்க. 

சித்தப்பா : பாரு, வெளையாடாதே. 

சித்தப்பா பயந்து சாவிகொத்த மனைவிகிட்ட இருந்து வாங்கிட்டு, வீட்டுக்குள்ள ஓட்றார் : வெலகு, வெலகு. 

சித்தி, சித்தப்பா ரெண்டு பேருமே வீட்டுக்குள்ள ஓடி வர்றாங்க. பீரோ தெறந்திருக்கு. சித்தப்பா வைத்துல அடிச்சுக்குறார். 

சித்தப்பா : அய்யய்யோ, அய்யய்யோ, அய்யய்யோ. அய்யய்யோ .......... நான் என்ன செய்ய போறேன். எனக்கொண்ணும் பொலப்படலியே. ஊரான்வீட்டு வரிப்பணம், வட்டிப்பணம் எல்லாத்தையும் ஒண்ணா வச்சு பூட்டியிருந்தேனே. அந்தப்பய தூக்கிட்டு ஓடிட்டானே. நான் என்ன செய்ய போறேன். அய்யய்யோ. 

சித்தப்பா தலையில துண்டு போட்டு, தலையில கைய வச்சுட்டு அப்படியே பீரோ பக்கத்திலேயே கீழ உக்காந்துர்ராரு. 

மனைவி : என்ன செய்யுறது? ஒலகத்தில அவங்கவங்க செய்த புண்ணியத்துக்கு நல்லதே நடக்குது. நீங்க செய்ற பாவத்துக்கு உங்களுக்கு இப்படியெல்லாம் நடக்குது. 

சித்தப்பா : போடி, ச்சீ ச்சீ.

எந்திரிக்கிறாரு. மனைவி பயந்து ஓடி போயிர்றாங்க.

ஸீன் 3 தொடரும் 

Heezulia
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down

best என்ன படம், யார் யார் நடிச்சது

Post by heezulia on Sun Jan 28, 2018 2:10 pm

28.01.2018 

சீன் 3

பண்ணையார் 
பண்ணையாரின் மனைவி சிவகாமி 
மாட்டுக்காரன் கந்தன் 

பண்ணையார் வேகமா நடந்து வர்றார், வீட்டுக்குள்ள. புறகடைக்கு போறார். அங்க மாட்டுக்காரன் கந்தன் மாட்டுக்கு தீவனம் வச்சுட்டு இருக்கான். 

பண்ணையார் : கந்தா

கந்தன் : ஐய்யா 

பண்ணையார் : ண்டா இப்டீ கத்திகிட்டு கெடக்குது ? 

கந்தன் : மரகதம்மா போனதுக்கப்புறம், ஒண்ணுமே திங்கமாட்டேங்குது. சதா .............. கத்திகிட்டேதான் இருக்குது. 

பண்ணையார் கோபமா கத்துறார் : எங்கயாவது அடிச்சு தொரத்து. எங்கண்ணு முன்னாலேயே காட்டாதே. இத பந்தயத்தில விடப்போய்தான், இவ்வளவு வெனயும் வந்துச்சு. 

கந்தன் கவலையுடன் : எங்கங்க தொரத்றது? 

பண்ணையார் அதே கோவத்துடன் : வெரட்ரியா, இல்ல நீயும் இந்த வீட்ட விட்டு வெளிய போறியா? 

மனைவி சிவகாமி : என்னங்க 

பண்ணையார் அவகிட்டயும் கத்துறார் : சும்மா இரு சிவகாமி.[கந்தன பார்த்து] கந்தா இழுத்துட்டு போடா. 

கந்தனும் மாட்டை இழுத்துட்டு போறான். 

சிவகாமி : பொண்ணு மேல இருக்கிற கோவத்த, இதுகிட்டதான் காட்டணுமா? 

பண்ணையார் கத்துறார் : சிவகாமி, இனிமே இந்த வீட்ல அந்த பொண்ணு இருந்த அடயாளம் கூட எந்த எடத்லேயும் இருக்கக்கூடாது. 

சிவகாமி : நல்லா இருக்குங்க, நீங்களும் நானும் இருக்கிற வரையிலும், அடயாளம் இல்லாம போயிடுமா? குத்தங்கொற ஒலகத்துல யார் செய்யல? அதுக்காக பெத்த பொண்ண இப்படி திண்டாட விடலாமா

பண்ணையார் : அவ எதுக்குடி திண்டாடுறா? திண்டாட்றாளாம். ஆயிரம் வேலி குடித்தனம்ல நடத்றா. அம்மா இனிமே தரையில நடக்கமாட்டாங்ளே. ஏன்னா, கோடீஸ்வரன் வீட்டு மாப்ளயயில தேர்ந்தெடுத்ருக்கா. 

சிவகாமி : ஏங்க, ஆண்டியா இருந்தாலும் இனிமே அவரு நம்ம மருமகபுள்ள. மகளுக்கு மாப்ளே. 

பண்ணையார் : என்ன பேசுற நீ? அவ எனக்கு மக இல்லேன்னு ஊர் கூட்டத்துல சொல்லிட்டு வந்த்ருக்கேன். அத ஞாபகத்துல வச்சுக்க. 

சிவகாமி அழுதுகிட்டே : இந்தா பாருங்க, நடந்ததெல்லாம் மறந்த்ருங்க. அவங்க ரெண்டு பேரையும் கூட்டி வந்து உங்க கால்ல விழுந்து மன்னிப்பு கேக்க சொல்றேன்

பண்ணையார் : ஓ, நீயும் ஏங்கால்ல விழுந்து கும்டுட்டு இப்பவே போயிரு.

சிவகாமி தெகச்சு நிக்கிறா. 

பண்ணையார் :
 இனிமே இந்த வீட்டுக்குள்ள யாரும் வரவேண்டாம். போயிடுங்க. 

சிவகாமி கையெடுத்து கும்பிட்டு : மன்னிச்ருங்க. தெரியாத்தனமா சொல்லிட்டேன். அதுக்காக இவ்வளவு பெரிய வார்த்தைய சொல்லாதீங்க.

சிவகாமி அழுதுட்டே போயிர்றா. பண்ணையாரும் மனசிலுள்ள சோகம் தாங்காம, தோள்ல உள்ள துண்டால வாயை பொத்தி அழுறார். 

இப்ப சொல்லுங்க. என்ன படம், யார் யார் நடிச்சிருக்காங்க? 

Heezulia 
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down

best என்ன படம், யார் யார் நடிச்சது

Post by heezulia on Mon Jan 29, 2018 6:17 pm

29.01.2018 


படம் : விளையாட்டுப்பிள்ளை 1970

மரகதம் - பத்மினி 
முத்தையன் – சிவாஜி
முத்தையன் அம்மா – SN லட்சுமி 
பண்ணையார் - VS ராகவன் [மரகதத்தின் அப்பா]
பண்ணையாரின் மனைவி - ருக்மணி 
நிச்சயம் பண்ணின மாப்பிள்ள - சோ [பாலையாவின் மகன்] 
சித்தப்பா - பாலையா 

Heezulia 
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down

best என்ன படம், யார் யார் நடிச்சது

Post by heezulia on Fri Feb 23, 2018 12:44 am

19.02.2018

சோஃபால ஒரு இளம்பெண் உக்காந்திருக்கா. அவள் கையில ஒரு பார்ஸல். அதை அவள்  திறக்கிறா. 


"பிரிக்காத,  பிரிக்காத, சொன்னா கேளு"

சொல்ல சொல்ல கேக்காம, அவர் அந்த பார்சலை பிரிச்சு, திறக்கிரா.  அதுக்குள்ள ஒரு சேலை.  


"அடே, ரொம்ப அழகா இருக்கே.எனக்குத்தானே?"

பக்கத்தில அவள் அண்ணன்  நிக்கிறான்.

"இது............ உன் வருங்கால அண்ணிக்கி."

அவள் முகம் வாடுது. சோஃபால இருந்து என்திரிக்கிறா. 

"அதனாலதான் பிரிக்காதேன்னு சொன்னீங்களா? இந்த மக்கு புள்ள புத்தில, அது எட்டல. இந்தாங்கண்ணா."


அண்ணன் பக்கத்தில வந்து அந்த சேலைய  நீட்றா.

"பாத்தியா பாத்தியா, அதுக்குள்ள வந்துருச்சா. வாடி"

அவளை சோஃபால உக்கார வச்சு, அவனும் பக்கத்தில உக்கார்றான். 


"நாளக்கி உனக்கு பிறந்த நாள்ல, அதனால, உங்க அண்ணன் வாங்கிட்டு வந்த பரிசு."

"போங்.......கண்ணா, இப்டிதான் விளையாட்றதா? கொஞ்ச நேரத்துக்குள்ள என்ன பயமுறுத்திட்டீங்களே." 


சந்தோ...........ஷமா சொல்றா.

"அதுக்கு காரணம், அல்லி பூத்த மாதிரி இருந்த ஓம்முகம், அண்ணீன்னு சொன்ன ஒடனே மாறிபோச்சே. ஏன் ராதா, நான் கல்யாணம் பண்ணிக்கிறது ஒனக்கு புடிக்கலியா?"


ராதா சோஃபாலே இருந்து எந்திரிக்கிறா.

"அண்ணா....... [தயங்கி] ஏம்மனசுல உள்ளத சொல்லட்டுமா?" 


"சொல்லுமா"

"அண்ணா, நீங்க கல்யாணம் பண்ணிகிறதில, எனக்கு துளிகூட இஷடமில்லேண்ணா."


"ஏம்மா அப்டி?"

"அண்ணீங்கற பேர்ல, இந்த வீட்டுக்குள்ள யாராவது அடி எடுத்து வச்சா, அவங்க என் அண்ணனோடு பங்கு போட்டுக்கிட்டு, அவர் இதயத்தில பதிஞ்சிருக்கிற என்ன எடுத்தெறிஞ்சிருவா. அப்புறம் இந்த நொண்டி பொண்ணுக்கு வேற யாருண்ணா நாதி இருக்காங்க?" 

ராதா  அழுறா. அண்ணன் சோஃபால இருந்து எந்திரிச்சு, ராதா பக்கத்தில வர்றான். 

"அண்ணா, கையெடுத்து கும்புட்றேன். நீங்க கல்யாணமே பண்ணிக்காதீங்கண்ணா, கல்யாணமே பண்ணிக்காதீங்க." 


அப்ப ஒரு வயசான அம்மா வர்றாங்க.

"ஏண்டி, உனக்கென்ன பைத்தியமா புடிச்சு போச்சு. எனக்கிருக்குது ஒரே ஒரு புள்ள, எவ்வுயிர் இருக்கும்போதே  அவன் கல்யாணத்த  பண்ணி பாக்கணும்னு நான் துடியா............. துடிச்சிட்ருக்கேன். நீ என்னடான்னா அவன்  காலமெல்லாம்  கல்யாணமே.... பண்ணிக்காம, நமக்காகவே ஒழச்சு போடணும்னு சொல்றியே. ஏண்டி, அவன் நல்லா இருக்கக்கூடாதுன்னு முடிவு பண்ணிட்டியா?"

"பாத்தீங்களாண்ணா, நீ நல்லாயிருக்கக்கூடாதுங்றதுக்காகவா  நான் இப்டி சொன்னேன். நான் சொன்னத புரிஞ்சிக்காம அம்மா என்ன திட்டுது பாருங்க." 

அண்ணன் தன் தங்கச்சிய அணச்சு, ஆறுதல் சொல்றான்.

"தங்கச்சிய திட்டாதம்மா. ராதா, நான் உன்ன புரிஞ்சுக்கிட்டேன். அழாதம்மா. உன் அன்பவிட உயர்ந்தது, சிறந்தது, இந்த உலகத்தில எனக்கு வேற எதுவுமே..... கெடையாதும்மா. நீ எந்த அளவுக்கு என்ன நம்பியிருக்கியோ, அந்த அளவுக்கு நான் உன்ன பத்.........ரமா பாதுகாப்பேன். ஓஅண்ணே 
ஓஇஷ்டப்படிதாம்மா  நடப்பான்."


"அண்ணா"

அடுத்த ஸீன்

தங்கச்சி கண்ணாடி முன்னால நின்னு அலங்காரம் பண்றா. கதவை தட்ற சத்தம் கேக்குது. 


"அண்ணன் வந்தாச்சி."

நொண்டி நொண்டி நடந்து, சந்தோ........ஷமா கதவை திறக்க போறா. கதவோரமா ஒழிஞ்சு நின்னுட்டு, கதவை திறக்கிறா. அண்ணன்னு நெனச்சு, "பூ....ம்" னு பயம் காட்றா. ஆனா, அங்க அண்ணன் இல்ல, ஒரு பொண்ணு. இவள் "பூம்"னு சொன்னதை கேட்டு, சிரிச்சுட்டே உள்ள நொழைறா. தங்கச்சியும் சிரிக்கிறா. வந்தவ கைல ஒரு பார்சல் இருக்கு.  அதுக்குள்ள  சேலை இருக்கும்போல. 


"அண்ணேன்னு நெனச்சுட்டேன்."

"ஏம்மா, டாக்டர் வீடு இதானே?"

"ஆமாங்க, அண்ணே இன்னும் வர்லயே."

"நான் உன்ன பாக்கத்தாமா வேந்தன்"

"என்னேயா?"

"ஆமா ராதா"

"நீங்க யாரு?"

வீட்டுக்குள்ள நொழைஞ்சுட்டே....

"நானா? நான் ரெங்கநாதனோட மக. மகாலக்ஷ்மி. நான் நேத்து உங்கண்ணன ஜௌளி கடேல பாத்தேன். ஒனக்கு பொறந்த நாள்னு சொன்னாரு. எனக்கு ஒண்ணா பாக்கணும்னு ஆசையா இருந்துது. அததாம்மா வந்தேன்."

வீட்டுக்குள்ளாற வந்து, ஒரு டீபாய்ல, கொண்டு வந்த பார்சலை வைக்கிறா. வாசலிலேயே நிக்கிற ராதாவை பார்த்து, 

"ஏம்மா அங்கேயே நின்னுட்டே. வா "

ராதா யோசிச்சிட்டே அங்கே நிக்கிறா.


"ஏம்மா தயங்குறே? வாம்மா. வந்து உக்காரு".


ராதாவுக்கு ஒரு கால் சரியில்லாததால், நொண்டி நொண்டி நடந்து வந்து, மகாலக்ஷ்மி  பக்கத்தில, விழுற நிலையில வர்றா. மகா  ராதாவ தாங்கி பிடிக்கிறா. 


"அயய்யோ, ஏம்மா, கால்ல அடிபட்ருச்சா? எங்கே, எங்க பாக்கலாம்."

குனிஞ்சி ராதாவின் சேலையை கணுக்கால் வரை உயர்த்தி பார்க்கிறா. அவள் கால் சரியா இல்ல. மகா அதை பார்த்து வருத்தப்பட்றா. 


"இவ்வளவு அழகான பொண்ணுக்கு",


"காலு நொண்டி" 

இப்படி சொல்லி ராதா அழுறா.

"ஆஹாங், இல்ல இல்ல, அப்படீல்லாம் சொல்லக்கூடாது. உக்கார் ராதா"

ராதாவை புடிச்சு உக்கார வைக்கிறா, மகா. அவ கொண்டு வந்திருந்த பார்சலை ராதாட்ட குடுத்து, 

"உன்னோட பொறந்த நாளக்கி, என்னுடைய அன்பளிப்பு"


பார்சலை ராதாட்ட கொடுக்கிறா.

"வேணாங்க, இதெல்லாம் எங்க அண்ணனுக்கு புடிக்காது."


பார்சலை வாங்க மறுக்கிறா ராதா.

"பயப்படாதம்மா. உங்க அண்ணன் ஒண்....ணும் சொல்லமாட்டாரு. வாங்கிக்க ராதா."

பார்சலை ராதாட்ட கொடுக்கிறா. இப்பவும் வாங்க தயங்குறா.

"ப்ளீ.....ஸ்" 


"உங்க முகத்த பாத்தா, மறுக்றதுக்கு மனசு வரமாட்டேங்குது."

"அப்ப வாங்கிக்க"


பார்சலை ராதா வாங்கிக்கிறா.

"ரொம்ப நன்றி." 

கண்ணீரை தொடச்சுக்கிறா.

"எங்க வீட்டுக்கு யாராவது விருந்தாளிங்க வந்தா, நான் உள்ள ஓடிர்வேன். அவங்களோட பேசவே உனக்கு பிடிக்காது. ஆனா, உங்க கிட்டே, மணிக்கணக்கா பேசிட்டு இருக்கணும்போல இருக்கு." 


ரெண்டு பேரும் சிரிச்சு பேசிட்டு இருக்காங்க. அப்போ அந்த வயசான அம்மா வர்றாங்க. 

"ராதா, யாரும்மா இது?" 


"இவங்கதான் மகாலக்ஷ்மி."

மகா அந்த அம்மாவை வணங்குறா. 


"ஓஹோ, மகாலட்சுமியா? ஒமுகத்துக்கு பேர் பொருத்...தமா இருக்குமா?"


மகா வெக்கப்ப்றா. அந்த அம்மா மகாவின் கழுத்தை பாக்குறா.

"இன்னும் கலியாணம் ஆகல போல இருக்கு."


"அம்மா, எம்பொறந்த நாளக்கி, இவங்க இத பரிசா கொடுத்திருக்காங்க".


"இதெல்லாம் எதுக்குமா?"


"பரவாயில்லங்க. நான் போய்ட்டு வர்றேங்க."


"இருங்களேன். அண்ண வந்த்ருவாறு. அவரையும் பாத்துட்டு போலாம்ல."
  

"இல்லங்க. எங்க அப்பா என்ன தேடுவார். நான் போய்ட்டு வர்றேன்"

"ராதா, பிரசாதத்த குடும்மா."

ராதா மகாவின் நெத்தியில திருநீர் வச்சு விட்றா. மகாவின்  நெத்தியை  தொட்டவுடன் ஏதோ ஒரு உணர்வு ராதாவுக்கு. மகா அந்தம்மாவின் காலை தொட்டு கும்பிட்றா. 
  

"மகராசியா இருமா".


"போய்ட்டு வர்றேன்."

மகா ராதாவின் கன்னத்தை தட்டிவிட்டு போறா. 

"அடிக்கடி வாங்க"

"வராமயா போபோறேன்?"

வெக்கப்பட்டுட்டே ராதா போறா. 

சொல்லுங்க சொல்லுங்க. இது எந்தப் படத்தில வருது. எதிர்நீச்சல் படத்துக்கு "படவா ராஸ்க்கல்" மாத்ரி இதுல ஒரு வார்த்தை இருக்கு. அதனால கண்டுபுடிக்கிறதுக்கு ஈஸின்னுதான் நினைக்கிறேன். பார்க்கலாம்.


Heezulia  மீண்டும் சந்திப்போம்  
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down

best Re: சினிமா வசனங்கள் - படித்து, பார்த்து ரசிக்க

Post by SK on Fri Feb 23, 2018 12:41 pm

இது ஒரு நல்ல படம்
ஒரு அன்னான் ஒரு அம்மா ஒரு தங்கச்சி அப்பறம்
பிறந்தநாள் பரிசு கொடுக்க வந்த ஒரு பெண்
இவங்க நடிச்சிருக்காங்க

பதிவோட ஓனர் வரதுக்குள்ள

ஓடிருடா செந்தில்

அய்யோ, நான் இல்லை அய்யோ, நான் இல்லை அய்யோ, நான் இல்லை


SK
SK
நிர்வாகக் குழுவினர்


பதிவுகள் : 8068
இணைந்தது : 10/12/2010
மதிப்பீடுகள் : 1548

Back to top Go down

best Re: சினிமா வசனங்கள் - படித்து, பார்த்து ரசிக்க

Post by heezulia on Sat Feb 24, 2018 12:23 am

24.02.2018

சினிமா வசனங்கள் - படித்து, பார்த்து ரசிக்க - Page 4 ?ui=2&ik=25ecfa0c99&view=fimg&th=161c3f11fdca67ed&attid=0 சினிமா வசனங்கள் - படித்து, பார்த்து ரசிக்க - Page 4 ?ui=2&ik=25ecfa0c99&view=fimg&th=161c3f2270af612d&attid=0


அட செந்தில் குமரா, எங்.....................க ஓட்றீங்க?  சினிமா வசனங்கள் - படித்து, பார்த்து ரசிக்க - Page 4 ?ui=2&ik=25ecfa0c99&view=fimg&th=161c3f3ac9d07400&attid=0ஒலிம்பிக் பந்தயத்துக்கா போறீங்க? இதையும் சொல்லிட்டு ஓடுங்க. அந்தப் படத்தில அண்ணன், தங்கச்சி பத்தி சொன்னீங்க. நல்.......................ல பதில். அப்படியே.......... டைரக்டர், ம்யூசிக், தயாரிப்பாளர், ஒளிப்பதிவு, நடன இயக்குனர், அப்புறம் மத்த டெக்னீஷியன்கள், எந்த தியேட்டர்லலாம் இந்தப் படம் ஓடுச்சு, எத்தனை நாள் ஓடுச்சு, படத்த எத்தனை பேர் பாத்தாங்க, எந்தெந்த தியேட்டர்ல, எந்தெந்த ஊர்லல்லாம் ஓடுச்சு, படம் பாத்தவங்கள்ல, எத்தனை பேர் ஓசி டிக்கெட் ............., அப்பாடா, இத்தனை கேள்வி போதுமா? இவ்ளோ..............துக்கும் உங்களுக்கு பதில் நல்லாவே தெரிஞ்சும், நீங்க சொல்லல........................... அவ்ளோதான் சொல்லிப்புட்டேன். 

Heezulia  மீண்டும் சந்திப்போம்
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down

best Re: சினிமா வசனங்கள் - படித்து, பார்த்து ரசிக்க

Post by மூர்த்தி on Sat Feb 24, 2018 12:41 am

நானும் பார்த்தேன் சில வருடங்களுக்கு முன். ஆனா பெயர் மட்டும் நினைவுக்கு வரலை. சொல்லிடாதீங்க.அடிச்சுக் கேட்டாலும் சொல்லிடாதீங்க.உங்க தியரிப்படி.............
படத்தைப் பார்த்தோமா,பொழுதை போக்கினோமா . அவ்வளவுதான்.படம் பெயர் நடிகர்கள்......அதை எல்லாம் நினைவில் வைத்திருப்பதில்லை.
மூர்த்தி
மூர்த்தி
சிறப்புப் பதிவாளர்


பதிவுகள் : 1046
இணைந்தது : 07/06/2016
மதிப்பீடுகள் : 506

Back to top Go down

best Re: சினிமா வசனங்கள் - படித்து, பார்த்து ரசிக்க

Post by heezulia on Sat Feb 24, 2018 12:07 pm

24.02.2018
@மூர்த்தி wrote:சொல்லிடாதீங்க.அடிச்சுக் கேட்டாலும்  சொல்லிடாதீங்க.
மேற்கோள் செய்த பதிவு: ௧௨௬௦௪௧௭

இப்படி சொன்னதும், என்னவோ "நீங்க சொல்லிறாதீங்க, நானே.......... யோசிச்சு சொல்றேன்"னு  சொல்ல வாறீங்ளாக்கும்னு  நான் உங்கள பத்தி தப்...........பால  நெனச்சுட்டேன். விடை தெரியாதுன்னு செந்தில் ஒரு மாதிரி சொன்னா, நீங்க வேற மாதிரில்ல சொல்றீங்கல்ல. இது ஒரு தனீ .............. கலைதான். 

ஏன் இப்படி தமிழ் நம்பராக ஆட்டோமேட்டிக்கா மாறுது. நம்பர் மட்டுமில்ல, இங்கிலிஷ் வார்த்தை எழுதினாலும் கூட, தமிழ்ல்ல மாறிருது.
@மூர்த்தி wrote:உங்க தியரிப்படி............. படத்தைப் பார்த்தோமா,பொழுதை போக்கினோமா. அவ்வளவுதான்.படம் பெயர் நடிகர்கள்......அதை எல்லாம் நினைவில் வைத்திருப்பதில்லை.
மேற்கோள் செய்த பதிவு: 1260417 

என்ன கிண்டலா..........?  நினைவில் எதையும் வச்சுக்கவே....... வேணாம். நல்.........ல  படத்தை பார்த்தோம்னா, அந்த படம் தானாவே............ மனசில பதிஞ்சிரும். 

நடிப்பை பற்றி, வசனத்தை பற்றி, மியூசிக்கை பற்றி பேச விஷயம் நிறை...................ய இருக்குது. அதை கிண்டலடிச்சுட்டாங்க, இதை மாத்தி எடுத்துட்டாங்கன்னு பேசவேண்டாம்னுதான் சொன்னேன். 

குடும்பக் கதையில் கூடத்தான், நம்ம குடும்பத்தில நடக்காத சென்டிமென்டலான சில மாறுபட்ட ஸீனை எடுக்கிறாங்க. அதைப்பற்றி கூட்டம்போட்டு "என்ன இது, ஒரு குடும்பத்தில நடக்காதை இப்படி எடுத்துட்டாங்களே"ன்னு விமர்சனமா செஞ்சுட்டு இருக்கிறாங்க. யாராவது பேசுறாங்களா. இல்லியே. வீட்டிலயே "நம்ம குடும்பத்திலெல்லாம் இப்படியா நடக்குது. இருந்தாலும் பாட்டெல்லாம் நல்லா இருக்குதுல்ல, அந்த இடத்தில ஹீரோயின் பேசுற வசனம் இருக்கே.............. சூப்பர்ல" ன்னு  பேசுறோம். அதுதானே சரி. 

அதை விடுங்க. இன்னிக்கி சாயந்தரம் வரை பாக்குறேன். யாராவது விடை சொல்லலேன்னா, நானே பதில் சொல்லிர்றேன். சரியா? 

Heezulia   மீண்டும் சந்திப்போம்
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down

best Re: சினிமா வசனங்கள் - படித்து, பார்த்து ரசிக்க

Post by மூர்த்தி on Sat Feb 24, 2018 12:39 pm

கிண்டலடிக்கல. பாட்டு,வசனம் ,காட்சி நினைவில் இருந்ததால தான் பார்த்த ஞாபகம் இருக்கிறது என்று சொன்னேன்.காலையில் எழுந்ததும் நினைவுக்கு வரலாம்.தொடருங்கள். அதிக சஸ்பென்ஸ் வைக்காமல் சில குழுவும் கொடுக்கணும்.
மூர்த்தி
மூர்த்தி
சிறப்புப் பதிவாளர்


பதிவுகள் : 1046
இணைந்தது : 07/06/2016
மதிப்பீடுகள் : 506

Back to top Go down

best Re: சினிமா வசனங்கள் - படித்து, பார்த்து ரசிக்க

Post by heezulia on Sat Feb 24, 2018 10:54 pm

24.02.2018 

கிண்டலான்னு கிண்டலாத்தானே கேட்டேன் மூர்த்தி. கிண்டலடிக்கிறது தப்பு இல்லியே. நீங்க தாரா............லாமா கிண்டலடிக்கலாம். நான்  ஒண்...........ணும்   சொல்ல போறதில்ல.

நீங்க அந்தப் படத்தை பார்த்த ஞாபகம் இருக்குன்னு சொல்றீங்க. நான் குழு கொடுக்கவா, இல்ல க்ளூ கொடுக்கவா? 


க்ளூவே கொடுக்கிறேன். எஸ்.எஸ்.ஆர். & விஜயகுமாரி நடிச்ச படம். இப்ப 
கொஞ்............ஜம்  ஞாபகம் வருதான்னு பாருங்க. 

Heezulia
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down

best Re: சினிமா வசனங்கள் - படித்து, பார்த்து ரசிக்க

Post by மூர்த்தி on Sun Feb 25, 2018 12:12 am

தந்த  clue -துப்பு- போதும். காக்கும் கரங்கள் தானே.

மூர்த்தி
மூர்த்தி
சிறப்புப் பதிவாளர்


பதிவுகள் : 1046
இணைந்தது : 07/06/2016
மதிப்பீடுகள் : 506

Back to top Go down

best Re: சினிமா வசனங்கள் - படித்து, பார்த்து ரசிக்க

Post by மூர்த்தி on Sun Feb 25, 2018 12:19 am

ஏன் இப்படி தமிழ் நம்பராக ஆட்டோமேட்டிக்கா மாறுது. நம்பர் மட்டுமில்ல, இங்கிலிஷ் வார்த்தை எழுதினாலும் கூட, தமிழ்ல்ல மாறிருது.

இணையப் பக்கத்தில்  இணைக்கப்படும் Transliterate API ஐப் பொறுத்து இது அமையும்.
நீங்கள் முன்னர் ஒருமுறை கூறிய Google Input Tools வருவதற்கு முன் இணையப் பக்கங்களில்  google transliteration முறையை இணைத்தார்கள். அதில் எழுதப்படும் இலக்கங்கள் தமிழ் இலக்கங்களாக மாற்றப்படும். தற்போதய முறையில் இலக்கங்கள் மாறுவதில்லை. புதிய முறைக்கு மாற்றினால் அப்டேட் செய்தால் மட்டுமே சரியாகும். தற்போதய Google Input Tools  இலும்  Google translate இலும் வருவதில்லை.
மூர்த்தி
மூர்த்தி
சிறப்புப் பதிவாளர்


பதிவுகள் : 1046
இணைந்தது : 07/06/2016
மதிப்பீடுகள் : 506

Back to top Go down

best Re: சினிமா வசனங்கள் - படித்து, பார்த்து ரசிக்க

Post by heezulia on Sun Feb 25, 2018 1:34 pm

25.02.2018

கரீட்டு மூர்த்தி. காக்கும் கரங்கள் தான். நான் அனுப்பின ஸீன்ல யார் யார் பேசியிருக்காங்கன்னு பேரை அனுப்பலாம்னு நெனச்சேன். ஆனா அந்த ஸீனுக்கான வீடியோவையே அனுப்பிட்டீங்க. அதை பார்த்து தெரிஞ்சிக்கட்டும். 

ஆமா............... அந்த வீடியோவையும், நான் அனுப்புன வசனங்களையும் சரிபார்த்தீங்களா? சரீ.................யா எழுதியிருக்கேனா?

Heezulia
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down

best Re: சினிமா வசனங்கள் - படித்து, பார்த்து ரசிக்க

Post by Sponsored content


Sponsored content


Back to top Go down

View previous topic View next topic Back to top

பின்னூட்டம் எழுத உள்நுழைக அல்லது உறுப்பினராக பதிவு செய்க

ஈகரை உறுப்பினர்கள் மட்டுமே இங்குள்ள பதிவுகளுக்கு பின்னூட்டம் (மறுமொழி) எழுத முடியும்

உறுப்பினராக இணையுங்கள்

உறுப்பினராக பதிவு செய்து ஈகரை குடும்பத்துடன் இணையுங்கள்!


ஈகரையில் உறுப்பினராக இணைய

உள்நுழைய

நீங்கள் ஈகரையின் உறுப்பினரா?? இங்கு உள்நுழையுங்கள்.


உள் நுழை