உறவுகளின் வலைப்பூக்கள்

புதிய இடுகைகள்
» ரகசியம் புத்தகம் PDF வடிவில் - The Secret Tamil Ebook
by Guest Today at 12:50 pm

» அதிர்ஷ்டம் தரும் அபிஜித்... கோதூளி முகூர்த்தம் பற்றி தெரிந்து கொள்ளுங்கள்
by பழ.முத்துராமலிங்கம் Today at 11:16 am

» காத்திருக்கப் பழகினால்........ வாழப் பழகுவாய்.
by பழ.முத்துராமலிங்கம் Today at 11:10 am

» மாங்கல்யம் தந்துனானே – விளக்கம்
by பழ.முத்துராமலிங்கம் Today at 11:07 am

» மன நிம்மதி தரும் கோவில்!
by பழ.முத்துராமலிங்கம் Today at 11:05 am

» எலக்ட்ரிக் 'ஏர் டாக்சி'
by பழ.முத்துராமலிங்கம் Today at 11:01 am

» சமந்தா, ஹன்சிகா, காஜல் உள்பட வெப் தொடருக்கு மாறும் நடிகைகள்
by பழ.முத்துராமலிங்கம் Today at 10:59 am

» பாதாமி பயணம்
by பழ.முத்துராமலிங்கம் Today at 10:57 am

» வெள்ளித்திரையில்...: தமிழ்ப் படத்தில் நடிக்கும் ஹர்பஜன் சிங்!
by பழ.முத்துராமலிங்கம் Today at 10:56 am

» கார்ட்டூன் & கருத்து சித்திரம் - தொடர் பதிவு
by பழ.முத்துராமலிங்கம் Today at 10:51 am

» இந்தியப் பொருளாதாரத்தின் நிலை மோசமாகச் செல்கிறது: நோபல் பரிசு வென்ற இந்தியர் அபிஜித் பானர்ஜி கருத்து
by பழ.முத்துராமலிங்கம் Today at 10:46 am

» அமேசானுக்கு போட்டியாக களமிறங்கும் பிளிப்கார்ட்: உணவு சந்தையிலும் கால் பதிக்கிறது
by பழ.முத்துராமலிங்கம் Today at 10:44 am

» நகைச்சுவை தோரணங்கள்
by பழ.முத்துராமலிங்கம் Today at 10:41 am

» தீபாவளி: சிறப்பு ரயில்கள் அறிவிப்பு
by ayyasamy ram Today at 6:10 am

» அக்.,17 முதல் துவங்குது வடகிழக்கு பருவமழை!
by ayyasamy ram Today at 5:49 am

» Downloading
by mani2871967 Yesterday at 7:39 pm

» மகளதிகாரம்.
by ayyasamy ram Yesterday at 7:04 pm

» எண்ணங்கள் உணர்வுகள்
by ayyasamy ram Yesterday at 6:37 pm

» ஒரு கதை
by ayyasamy ram Yesterday at 6:24 pm

» கடைசியில் பூனை வாங்கின சாமியார் கதைதான்..!
by ayyasamy ram Yesterday at 6:10 pm

» ரூ.141 கோடி மதிப்பு கொண்டது : புர்ஜ் கலீபா கட்டிட உருவமைப்பில் தயாரான ‘தங்க செருப்பு’
by பழ.முத்துராமலிங்கம் Yesterday at 4:18 pm

» ஐ.ஏ.எஸ்., அதிகாரியாகி சாதித்த பார்வையற்ற பெண்
by பழ.முத்துராமலிங்கம் Yesterday at 4:16 pm

» சீரியல் - ஒரு பக்க கதை
by பழ.முத்துராமலிங்கம் Yesterday at 4:14 pm

» ஜெயம் ரவி நடிக்கும் பூமி!
by பழ.முத்துராமலிங்கம் Yesterday at 4:11 pm

» அப்பாவி – ஒரு பக்க கதை
by பழ.முத்துராமலிங்கம் Yesterday at 4:04 pm

» நீ இருக்கும் இடத்தை சந்தோஷமாக்கு…!
by பழ.முத்துராமலிங்கம் Yesterday at 4:00 pm

» உயிர் – ஒரு பக்க கதை
by பழ.முத்துராமலிங்கம் Yesterday at 3:59 pm

» சுப்ரமணி – நகைச்சுவை
by பழ.முத்துராமலிங்கம் Yesterday at 3:56 pm

» டாக்டர் நினைச்சதுல ஒண்ணுகூட நடக்கல…! –
by பழ.முத்துராமலிங்கம் Yesterday at 3:55 pm

» நாக்கறுந்த மணி – கவிதை
by பழ.முத்துராமலிங்கம் Yesterday at 3:53 pm

» எல்லாப் பணிப்பெண்களுக்கும் ‘டாப்சும், லெக்கின்சும்’ எடுத்துக் கொடுத்திருக்காரு....!!
by பழ.முத்துராமலிங்கம் Yesterday at 3:50 pm

» நெப்போலியன் ஆட்சியா மலர வைக்கப்போகிறாராம்...!!
by பழ.முத்துராமலிங்கம் Yesterday at 3:47 pm

» உலக மகளிர் குத்துச்சண்டை: வெள்ளி வென்றார் மஞ்சுராணி
by பழ.முத்துராமலிங்கம் Yesterday at 3:44 pm

» ஆவாரம்பூ காபி
by பழ.முத்துராமலிங்கம் Yesterday at 3:43 pm

» மழையும் மஞ்சளும்
by பழ.முத்துராமலிங்கம் Yesterday at 3:41 pm

» அதென்னடி ஆர்கானிக் லிப்ஸ்டிக்...?
by பழ.முத்துராமலிங்கம் Yesterday at 3:38 pm

» ஆவாரை - தேநீர்
by பழ.முத்துராமலிங்கம் Yesterday at 3:37 pm

» ஆவாரம்பூ சட்னி
by பழ.முத்துராமலிங்கம் Yesterday at 3:36 pm

» புத்தக தேவைக்கு...
by Rajendran Bellie Yesterday at 3:36 pm

» கடல் புறா - சாண்டில்யன் - ஒலிப்புத்தகம் - பாகம் 1
by ackashok Yesterday at 11:41 am

» திருக்குறளின் யாப்பிலக்கண நெறி அறிவோம்
by பழ.முத்துராமலிங்கம் Yesterday at 11:19 am

» உடனே மறக்க வேண்டியது…!
by பழ.முத்துராமலிங்கம் Yesterday at 10:51 am

» ராணியை அடித்த அர்ச்சகர்
by பழ.முத்துராமலிங்கம் Yesterday at 10:48 am

» நடிப்பது எப்படி?: கற்றுத் தருகிறார் நடிகர் சார்லி!
by பழ.முத்துராமலிங்கம் Yesterday at 10:45 am

» இன்றைய கோபுர தரிசனம்
by பழ.முத்துராமலிங்கம் Yesterday at 10:43 am

» பி.சி.சி.ஐ., தலைவரானார் கங்குலி
by பழ.முத்துராமலிங்கம் Yesterday at 10:41 am

» இருவருக்கு இலக்கியத்திற்கான 'புக்கர்' பரிசு
by பழ.முத்துராமலிங்கம் Yesterday at 10:35 am

» அமெரிக்காவில் கருப்பின பெண் சுட்டுக்கொலை
by பழ.முத்துராமலிங்கம் Yesterday at 10:34 am

» சீனாவின் தேசிய நிலவியல் பூங்கா
by பழ.முத்துராமலிங்கம் Yesterday at 10:30 am

» உங்க மருமகள் உங்களை அறைஞ்சிட்டாளா…!?
by பழ.முத்துராமலிங்கம் Yesterday at 10:28 am

Admins Online

சினிமா வசனங்கள் - படித்து, பார்த்து ரசிக்க

best சினிமா வசனங்கள் - படித்து, பார்த்து ரசிக்க

Post by heezulia on Tue Dec 19, 2017 12:54 am

First topic message reminder :

18 .12 .2017

இது ஒரு புதிய முயற்சி.

ஒரு படத்திலுள்ள வசனங்களை அப்படியே தர்றேன். என்ன படம், இந்த வசனங்கள்ல நடிச்சிருப்பவங்க யார் யார்னு உங்களுக்குத் தெரியும்னு எனக்குத் தெரியும். சொல்லுங்களேன். கண்டிப்பா கண்டு புடிச்சிருவீங்க. ஏன்னா ஈஸியானதாதானே குடுத்திருக்கேன்.

ஒரு அரண்மனை. அரசி சபைக்குள் நுழைகிறார்.


காவல்காரன் : நாட்டின் பேரரசி, செல்வபுரத்தின் பெண்ணரசி, மங்கையர் உலகுக்கு மாபெரும் தலைவியாய் விளங்க வந்த மங்கையர்க்கரசி, தக்க சமயத்தில் மக்களைக் காக்க வந்த மாதரசி, திருவின் கடாட்சத்தால், தெய்வத்தின் கருணையால் நம் நாட்டிற்குக் கிடைத்த பொன்னரசி, மாட்சிமை பொருந்திய செல்வபுரத்தின் மஹாராணி, ராஜமஹோன்னத, ராஜகோலாஹல, ராஜகம்பீர, ஸ்ரீ விஜயஜெய செல்வாம்பிகை நாச்சியார், வாழ்க.

அரசி வந்து, எல்லோரையும் அமரச் சொல்லி, அவரும் அமர்கிறார். சபையில் இருந்தவர்கள் அமர்கின்றனர்.

அரசி [சபையைப் பார்த்து] : ப்ரதம தளபதி பட்டமளிப்பு விழாவிற்கு விஜயம் செய்துள்ள ராஜ ப்ரமுகர்கள் அனைவரையும், அன்போடு வரவேற்கிறேன். என் அழைப்பிற்கிணங்கி, அனைவரும் வருகை தந்தமைக்கு, நான் பெருமகிழ்ச்சி அடைகிறேன். தன்னைச் துச்சமென மதித்து என்னைக் காப்பாற்றிய வீரமல்லரின் வீரத்தைப் பற்றி, நான் விளக்கம் சொல்லத் தேவையில்லை. நடந்த சம்பவம் நாடறிந்தது. அப்படிப்பட்ட பலசாலியின், அரசியின் உயிரையே காத்த மாபெரும் வீரரே, இந்தச் செல்வபுரத்தின் ப்ரதம தளபதியாக நியமிக்க முடிவு கட்டி, உங்கள் முன் பதவிப் ப்ரமாணம் செய்து வைக்கிறேன்.

அரசி [தளபதியைப் பார்த்து]: வீரமல்லரே, நாட்டுக்கும், சட்டத்துக்கும் கட்டுப்பட்டு, பெற்ற தாய்போல் பிறந்த நாட்டைப் பாதுகாக்க வேண்டியது உங்கள் கடமை என்று கட்டளை இடுகிறேன். [தளபதியை நோக்கிக் கையை நீட்டி] இன்று முதல், உம்மை இந்த நாட்டிற்குப் ப்ரதம தளபதியாக நியமிக்கிறேன்.

அரசி ஒரு காவலாளியை நோக்க, அந்தக் காவலாளி வாள் இருந்த ஒரு தட்டை அரசியின் அருகில் கொண்டு வந்து நீட்டுகிறான். அரசி சிம்மாசனத்திலிருந்து இறங்கி வந்து, தட்டிலிருந்த அந்த வாளை எடுத்து, பிரதம தளபதியின் கையில் கொடுக்கிறார். தளபதியும் அந்த வாளைக் கையில் வாங்கிப் பணிவுடன் அரசியை வணங்குகிறார். அரசி சிம்மாசனத்தில் அமர்கிறார்.

ப்ரதம தளபதி [உறையிலிருந்து வாளை உருவி] : பேரரசியே, பிறந்த நாட்டின் ஒரு பிடி மண்ணைக் கூட மாற்றான் கொண்டு செல்ல முடியாத அளவுக்கு, நம் நாட்டைக் காப்பேன். எல்லைகளைக் காப்பேன். பகைவரால் தொல்லை ஏதேனும் வந்தால், அதை வேரோடு முறியடித்து விடுகிறேன். நமது செல்வபுரத்தை எனது உடலில் கடை.... சி சொட்டு ரத்தம் உள்ளவரை பாதுகாக்கிறேன் என்று உறுதி கூறி, இந்தப் ப்ரதம தளபதி பதவியை ஏற்றுக் கொள்கிறேன். இது என் தாய்மீதாணை. தாய்நாட்டின் மீதாணை.

என்று கூறி, வாளை உரையிலிருந்து உருவி மேலுயர்த்தி

"என் வீரத்தின் மீதாணை"

இவ்வாறு சொல்லி, வாளை முத்தமிட்டு விட்டு, உறையில் வைக்கிறார் ப்ரதம தளபதி.

தளபதி : பேரரசியே, ப்ரதம தளபதிக்குப் பக்கத் துணையாக இருந்து, படை நடத்தி, நாங்களும் நாட்டைப் பாதுகாப்போம் என்று உறுதி கூறுகிறோம்.

ப்ரதம தளபதியும், தளபதியும் தத்தம் இருக்கையில் அமர்கின்றனர்.

அரசி : வாழ்க வீரம். வளர்க உங்களது ஆற்றல். பெருகட்டும் படைபலம்.

அந்தச் சமயத்தில் ஒரு காவலாளி அரசிமுன் வந்து வணங்குகிறான்.

காவலாளி : அரசியே, தங்கள் உத்தரவுப்படி, புலவரை அழைத்து வந்திருக்கிறோம்.

அரசி : வரச்சொல் சபைக்கு.

காவலாளி : உத்தரவு.

ப்ரதம தளபதி [சிறிது யோசித்து விட்டு அரசியைப் பார்த்து] : யாரந்தப் புலவன்?

அரசி [அலட்சியமாக] : வருவார் பாரும்.

சபைக்கு அந்தப் புலவர் கர்வத்துடன் வீரனடை நடந்து வருகிறார். சபையிலுள்ளவர்கள் எல்லோரும் அவரையே பார்க்கின்றனர். புலவர் அரசி முன் வந்து.

புலவர் : வாழ்க நாடு. உயர்க அரசு, ஓங்குக புலமை.

அரசி [புன்னகையுடன்] : வருக புலவரே. வருக [என்று வரவேற்று] திடீரென்று நான் அழைத்தது, உமக்கு வியப்பைத் தந்ததோ?

புலவர் [இல்லையென்று தலையாட்டி] : வேண்டா வெறுப்பாக இருந்தது.

அரசி : ஏனப்படி?

புலவர் : காரணம் புரியவில்லை

அரசி : புரியச் சொல்கிறேன். உமது புலமையின் திறமையைப் பரிசோதிக்கவே உம்மை இங்கே அழைத்தேன்.
புலவர் [சிரித்து] : ஹா ஹா .... எனது புலமையை சோதிக்கும் அளவுக்குப் புலமையில் தேர்ச்சி பெற்ற பாவலன் இங்கு யாரோ?

புலவர் சுற்றுமுற்றும் பார்க்கிறார் கர்வமாக.

அரசி : சகலரும் இங்கு சகல கலைகளும் பயின்றவர்கள்.

புலவர் : [கிண்டலாக] ஆ... மகிழ்ச்சி. வினாக்களைக் கேட்டால் விடை சொல்லக் காத்திருக்கிறேன்.

அரசி : தளபதியாரே [ என்று ப்ரதம தளபதியைப் பார்க்கிறார்]

ப்ரதம தளபதி : [புலவரைப் பார்த்து] உமது ஊர்?

புலவர் : இதே ஊர்.

ப்ரதம தளபதி : பெயர்?

புலவர் : [நடந்துகொண்டே பதிலளிக்கிறார்] வித்யாபதி.

ப்ரதம தளபதி : தாய் தந்தையர்?

புலவர் : தாய் இல்லை, தந்தை உண்டு

ப்ரதம தளபதி : உற்றார் உறவினர்?

புலவர் : இல்லை

ப்ரதம தளபதி : சகோதரர்?

புலவர் : அனாதை

ப்ரதம தளபதி : உமக்குத் தொழில்?

புலவர் : எமக்குத் தொழில் கவிதை.

ப்ரதம தளபதி : அடுத்து?

புலவர் : ஆண்டவன் தொண்டு

ப்ரதம தளபதி : இதற்கு முன்?

புலவர் : பிறப்பால் ஊமை.

ப்ரதம தளபதி : பேச்சு வந்தது?

புலவர் : கலைவாணியின் அருளால்.

ப்ரதம தளபதி : [அலட்சியமாக] ஹே ஹே [அரசியைப் பார்த்து] நம்பத் தகாதது.

புலவர் : [அவரும் அலட்சியமாக] ஹே ஹே ... கோழை வீரனாகி, தளபதியாக வீற்றிக்கும்போது. ஊமை புலவனாகிப் பேசுவது நம்ப முடியவில்லையோ?

ப்ரதம தளபதி : ம்ம்ம்ம்ம்ம், அடக்கமாகப் பேசும்.

புலவர் : [கையை அமர்த்தி] அமைதியாகக் கேளும்.

அரசி : வித்தையிலே மெத்தப் படித்து, வினாக்களுக்கு அடுக்கடுக்காக விடை பகரும் புலவர் வித்யாபதி,

அரசி இதைக் கூறிக் கொண்டிருக்கும்போதே புலவர் அரசியின் அருகில் சென்று நிற்கிறார்.

புலவர் : அரசி

அரசி : ஆட்சிக்கிலக்கணம்?

புலவர் : ஆணவமற்ற அரசு.

அரசி : புலவனின் உரிமை?

புலவர் : சுதந்திரப் பறவை.

அரசி : இதயத்தை மகிழ்விப்பது?

புலவர் : குழந்தையின் மழலை

அரசி : வேதனை தருவது?

புலவர் : நண்பனின் பிரிவு.

அரசி : நட்புக்குயர்வு?

புலவர் : இடுக்கண் களைவது.

அரசி : எண்ணக்கூடாதது ?

புலவர் : செல்வத்தின் செருக்கு [அரசியைச் சுட்டிக்காட்டுகிறார்]

அரசி : பொருளில்லாதவர்க்கு?

புலவர் : இவ்வுலகமட்டும் இல்லை.

அரசி : அருளில்லாதவர்க்கு?

புலவர் : எவ்வுலகமுமில்லை.

அரசி : எங்கும் வேண்டுவது?

புலவர் : ஒழுக்கத்தின் உயர்வு.

அரசி : உயர்வுக்கு வழி?

புலவர் : உண்மையும், சத்தியமும்.

ப்ரதம தளபதி : அழியாது நிற்பது?

புலவர் : கவிஞனின் காவியம்

அரசி : அழிந்து விடுவது?

புலவர் : நிலையற்ற செல்வம்

ப்ரதம தளபதி : வீரருக்கு அழகு?

புலவர் : பேச்சைக் குறைப்பது.

ப்ரதம தளபதி : புலவனுக்கு முடிவு?

புலவர் : பொன்னேட்டில் இருப்பது.

அரசி : புவியாள்பவர் முடிவு?

புலவர் : முடிசார்ந்த மன்னரும் முடிவில் பிடி சாம்பலாவர்.

ப்ரதம தளபதி : சகிக்க முடியாதது?

புலவர் : பச்சைக் குழந்தையின் அழுகை
தளபதி : தாள முடியாதது?

புலவர் : பத்தினிப் பெண்ணின் சாபம்

தளபதி : கேட்கத் தகாதது ?

புலவர் : [தளபதியின் முகத்தின் நேரே கையை நீட்டி] தகுதியற்ற கேள்வியும், அர்த்தமற்ற பதிலும்.

ப்ரதம தளபதி : பார்க்க முடியாதது?

புலவர் : அடக்கமில்லாமை

அரசி : அதற்குதாரணம் ?

புலவர் : [அரசியைச் சுட்டிக்காட்டி] உங்களது ஆட்சி.

ப்ரதம தளபதி : [கோபமா எந்திரிச்சு] வித்யாபதி

பிரதம தளபதியும், தளபதியும் கோபமாக எழுகிறார்.

அரசி இருவரையும் உட்காருமாறு சைகை காட்டுகிறார். இருவரும் அமர்கின்றனர்.

அரசி : வித்யாபதி, உமது புலமையின் திறமையைப பாராட்டுகிறேன். இன்றுமுதல், உம்மை எமது ஆஸ்தான புலவனாக நியமிக்க முடிவு கட்டியிருக்கிறேன்.

புலவர் : நீங்கள் முடிவு கட்டியிருக்கலாம். ஆனால் முழு மனதுடன் நான் ஏற்றுக்கொள்ள வேண்டாமா?

அரசி : ஏற்றுக்கொள்ள என்ன தயக்கம்?


புலவர் :   ஆண்டவன் சன்னிதானத்திற்கே எங்களை அர்ப்பணித்துக்கொண்ட பரம்பரை நாங்கள். தெய்வத்தொண்டே திருத்தொண்டாக நினைத்து, இறைவனுக்கடியவனாக இருக்கும் நான், இந்த அரசுக்கு அடிமையாக மாட்டேன்.

ப்ரதம தளபதி : [கோபமா கத்துகிறார்] ஆணவம் படைத்த புலவன் நீ. எப்போது எமது அரசியின் கட்டளையை மதிக்கத் தவறினாயோ, அப்போதே உனக்கு இங்கு ஆஸ்தான புலவனாக அமரும் யோக்யதை இல்லையென்று முடிவு கட்டிவிட்டோம். போகட்டும். அழைத்த மரியாதைக்காக, நாங்கள் அனைவரும் கேட்க, அரசியைப் பாராட்டி ஒரேயொரு கவி பாடிவிட்டு போ.

புலவர் : நரஸ்துதி......... பாடுவதில்லை.

அரசி : எப்படி?

புலவர் : இறைவனைப் பாடும் வாயால், இடையே தோன்றி மறையும் இந்த மனித ஜென்மங்களைப் பாடுவதில்லை.

ப்ரதம தளபதி : பாடாமல் உன்னை விடப்போவதில்லை.

புலவர் : இந்த பலாத்காரத்தைக் கண்டு நான் பயப்படப்போவதில்லை.

தளபதி : உன்னைப் பணிய வைக்கிறோமா இல்லையா பார்.

புலவர் : உங்களுக்குச் சரியான பாடம் கற்பிக்கிறேனா இல்லையா பாருங்கள்.

Heezulia மீண்டும் சந்திப்போம்
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down


best Re: சினிமா வசனங்கள் - படித்து, பார்த்து ரசிக்க

Post by heezulia on Sat Jan 06, 2018 4:38 pm

06.01.2018


கண்டிப்பா செய்யணும் Bro. அப்பதான் songs share பண்ண முடியும்.

Heezulia
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down

best Re: சினிமா வசனங்கள் - படித்து, பார்த்து ரசிக்க

Post by மூர்த்தி on Sun Jan 07, 2018 12:10 pm

அக்கா நேரடியாக youtube காணொளியை இணைக்கலாமே! பார்க்க  வசதியாக இருக்கும். மேலே  YouTube  பட்டனைக் கிளிக் செய்து  ஒட்டி insert  ஐக் கிளிக் செய்வதுதானே. மன்னிக்கவும்,பார்க்க வசதியாக இருக்கும் அதனால் சொன்னேன்.

இந்தத் தளத்தில் எல்லா வசதிகளும் உண்டு.அத்துடன் காணொளி மூலமாக பதிவது பற்றி விளக்கமும் கொடுத்துள்ளார்கள்.


Last edited by மூர்த்தி on Sun Jan 07, 2018 12:20 pm; edited 1 time in total
மூர்த்தி
மூர்த்தி
சிறப்புப் பதிவாளர்


பதிவுகள் : 1046
இணைந்தது : 07/06/2016
மதிப்பீடுகள் : 506

Back to top Go down

best Re: சினிமா வசனங்கள் - படித்து, பார்த்து ரசிக்க

Post by மூர்த்தி on Sun Jan 07, 2018 12:17 pm

இளையராசாவின் பாடல் தொகுப்பு-முதல் பாடல் அன்னக்கிளி முதல் இந்த ஆண்டு வரவிருக்கும் புதிர்
படப் பாடல் வரையிலான அனைத்துப் பாடல்களின் தொகுப்பும் ,மற்றும் படங்களின் தொகுப்பு முழுவதும் இணையத்தில் உண்டு.தவிர அவர் தனியாக ஒரு இணையத்தளத்தை உருவாக்கி உள்ளார்.அதிலும் காணலாம்.அத்துடன் அங்கே அவரிடம் கேட்கலாம் எனவும் தெரிவித்துள்ளார்.
மூர்த்தி
மூர்த்தி
சிறப்புப் பதிவாளர்


பதிவுகள் : 1046
இணைந்தது : 07/06/2016
மதிப்பீடுகள் : 506

Back to top Go down

best Re: சினிமா வசனங்கள் - படித்து, பார்த்து ரசிக்க

Post by heezulia on Sun Jan 07, 2018 6:13 pm

07.01.2018

தம்பி மூர்த்தி, 

இதுவரை எங்கிட்ட யா...............................ரும் வீடியோ பாட்டு கேட்டதே இல்ல. ஆடியோதான் நூத்..........................................துக்கணக்கான பாட்டுக்களுக்கு  லிங்க் அனுப்பியிருக்கேன். ஆடியோ பாட்டுதான் விரும்புவாங்க. பாட்டு கேட்டுகிட்டே வேலை செய்யலாம், டிராவல் பண்ணலாம், தூக்கம் வரும்வரை படுத்துட்டே கேட்கலாம். வீடியோன்னாக்கா, அதுக்கு முன்னால உக்காந்துட்டே இருக்கணும். 

இளையராஜா படங்களுக்கு முழு லிஸ்ட் முதல்ல rakkamma.com ல இருந்துச்சு. ஆனா அது இப்ப இல்ல. ஆனா இப்போ நிறை...................ய sites வந்திருக்கு. ஈ................ஸியா கிடைக்கும். MP3 files, rar, zip files கூட இருக்கு. பாட்டுக்களுக்கா பஞ்சம்? நெட்ல கிடைக்காததே எதுவும் இல்லியே. என்கிட்டேயும் நூத்துக்கணக்கான பாட்டு இருக்கு. ஆனா லிங்க், லிங்க் எப்படி அனுப்புறது? சரி,  உங்களுக்கு வீடியோ பாட்டுதான் புடிச்சிருக்கு. ஒவ்வொருத்தருக்கும் ஒவ்வொருமாதிரியான விருப்பம் இருக்குமில்லையா? 

சரி நீங்க இளையராஜா வீடியோ பாட்டு கேட்டிருக்கீங்க. சில யூட்யூப் லிங்க் கொடுத்திருக்கேன். பாத்து, கேட்டு ரசிங்க. 

https://www.youtube.com/watch?v=68iSnR7_PJ0 - Jukebox [ஆடியோ மட்டும்] 1980s 

https://www.youtube.com/watch?v=Zsa2dCv2Ubw - Jukebox 

https://www.youtube.com/watch?v=n5nDjsy-GMo - 1980s 

https://www.youtube.com/watch?v=6JrsgK9ag5c&t=57s - melody songs 

https://www.youtube.com/watch?v=N6YzA97Qnyc -  காவிய பாடல்கள் 

https://www.youtube.com/watch?v=pc6Leg6m5bY&t=3s


https://www.youtube.com/watch?v=izBmE_qF5Bc

https://www.youtube.com/watch?v=eEdvP6iLA-4


https://www.youtube.com/watch?v=4BQXLA8uxjU

இன்னும் நிறை..................................ய இருக்கு. 

Heezulia 
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down

best Re: சினிமா வசனங்கள் - படித்து, பார்த்து ரசிக்க

Post by மூர்த்தி on Sun Jan 07, 2018 7:26 pm

அக்கா! முதலில்  நன்றி.வீடியோ பாடல்கள் அவ்வளவாக ஒத்து வராது.ஆடியோ தான் சுலபமாக கேட்க முடியும். பார்த்துக் கொண்டே கேட்க நேரம் கிடைக்காது.

மன்னிக்கவும்,இரண்டாவது பதிவு........................பதிவு எண் 1256086 -anikuttan  க்குரிய  பதிலாகும்.quote  ஐ மறந்து விட்டேன் .அவர் தான் பாடல்கள் லிஸ்ட் கேட்டிருந்தார்.

நேரடியாக லிங்க் பதிவிட ஈகரை தளம் அனுமதிப்பதில்லை. ஆனாலும் ஒருவர் விரும்பினால் அவருக்கு தனிப்பட்ட   மடல் மூலம் லிங்கைப் பகிரலாம்.
மூர்த்தி
மூர்த்தி
சிறப்புப் பதிவாளர்


பதிவுகள் : 1046
இணைந்தது : 07/06/2016
மதிப்பீடுகள் : 506

Back to top Go down

best Re: சினிமா வசனங்கள் - படித்து, பார்த்து ரசிக்க

Post by heezulia on Sun Jan 07, 2018 11:27 pm

07.01.2018 

முதலில் no நன்றி. நான் எழுதுறதுக்கு பதில் எழுதினாலே போதும். நன்றி, sorry இதெல்லாம் எனக்கு எப்பவுமே பிடிக்காது. 

ஓஹோ, அனிகுட்டன் லிஸ்ட்  கேட்டாருல? OK OK. அவரும்தான் இதை படிச்சிருப்பார்ல. பதில் வருதா....................ன்னு பார்க்கலாம். 
மூர்த்தி on Sun Jan 07, 2018
ஆனாலும் ஒருவர் விரும்பினால் அவருக்கு தனிப்பட்ட  மடல் மூலம் லிங்கைப் பகிரலாம்
அப்படீன்னா யாருக்கு என்னென்ன பாட்டு வேணும்னு சொல்லுங்க. PM ல அனுப்பி வைக்கிறேன். 

Heezulia   மீண்டும் சந்திப்போம்
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down

best Re: சினிமா வசனங்கள் - படித்து, பார்த்து ரசிக்க

Post by SK on Mon Jan 08, 2018 11:40 am

எனக்கு மருதநாயகம் படத்தின் பாடல் வேண்டும்


SK
SK
நிர்வாகக் குழுவினர்


பதிவுகள் : 8068
இணைந்தது : 10/12/2010
மதிப்பீடுகள் : 1548

Back to top Go down

best Re: சினிமா வசனங்கள் - படித்து, பார்த்து ரசிக்க

Post by heezulia on Mon Jan 08, 2018 7:08 pm

08.01.2018

மருதநாயகம் பாட்டு கெடச்சுதா, கேட்டீங்களா, பாத்தீங்களான்னு எதுவுமே சொல்லலியே. நான் என்னான்னு நெனக்கிறது? இன்னுமா வந்து சேரல? 

Heezulia 
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down

best Re: சினிமா வசனங்கள் - படித்து, பார்த்து ரசிக்க

Post by SK on Tue Jan 09, 2018 9:37 am

@heezulia wrote:08.01.2018

மருதநாயகம் பாட்டு கெடச்சுதா, கேட்டீங்களா, பாத்தீங்களான்னு எதுவுமே சொல்லலியே. நான் என்னான்னு நெனக்கிறது? இன்னுமா வந்து சேரல? 

Heezulia 
மேற்கோள் செய்த பதிவு: 1256248

கிடைக்கவில்லை அழுகை அழுகை


SK
SK
நிர்வாகக் குழுவினர்


பதிவுகள் : 8068
இணைந்தது : 10/12/2010
மதிப்பீடுகள் : 1548

Back to top Go down

best Re: சினிமா வசனங்கள் - படித்து, பார்த்து ரசிக்க

Post by heezulia on Tue Jan 09, 2018 10:59 am

09.01.2018


உங்களுக்கு தனி மெஸேஜ் அனுப்பியிருந்தேனே, அது கெடச்சுதா? சாதா..................ரண பாட்டு லிங்க் அனுப்புறதுக்கு ததீங்கொணத்தோம்  போட வேண்டியதிருக்கு. 


மருதநாயகம் படத்தில எத்தனை பாட்டு இருக்குன்னு தெரியாது. கெடச்சுது ஒரே ஒரு பாட்டு. அதுவும் ஆடியோ சரியில்லேன்னு, youtubeல இருந்து, mp3 ஆக மாத்தி, அதை upload செஞ்சு, லிங்க் அனுப்பியிருந்தேன். ரெண்டே நிமிஷ வேலை. அதுவும் கெடக்கலேன்னா நான் என்ன செய்றது. நீங்களே தேடி எடுத்துக்க வேண்டியதுதான். வேற என்ன செய்றது, நீங்களே ஒரு வழி சொல்லுங்க. 


Heezulia 
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down

best Re: சினிமா வசனங்கள் - படித்து, பார்த்து ரசிக்க

Post by heezulia on Thu Jan 11, 2018 12:30 pm

11.01.2018
 
ஒரு அம்மா, ஒரு மகன். 
 
அம்மா : உண்மய சொல்லு, யாரு இந்த மோகனா, இவளுக்கும் ஒனக்கும் என்ன சம்பந்தம்? 
 
மகன் : இல்ல,  அதுவாம்மா, அவ, அது வந்து............................ யா........ அந்த பொண்ணு ............. எங்கூட, க்ளப்ல டான்ஸ் ஆடுனா, அவ்ளதான், எனக்கும், அவ்ளுக்கும்,  எந்த விதமான சம்பந்தமும் கெடயாதும்மா. [கொஞ்சலா] ஏம்மா, ஏமேல கூடவா உங்களுக்கு சந்தேகம்? 
 
அம்மா : நான் சந்தேகப்படலேடா. ஆனா ஊரென்ன நினைக்கும்? இதோ பார், ஓன்நன்மைக்காகத்தான் இதெல்லாம் வேண்டாம்னு சொல்றேன். [மகன் முகத்தை ரெண்டு கைகளாலும் செல்..............லமா  புடிச்சு] ரவி, ஒரு தாய்க்கு உண்மையான சந்தோஷம் எது தெரீமா?  தாம்பிள்ளய,  நல்லவன்,  ஒழுக்கமானவன்னு பலபேரு வாயால புகழறத, காது குளிர்ர கேக்குறத்தாண்டா. அதனாலே, இனிமேலாவது இதெல்லாம் விட்டுட்டு,  கௌரவமான ஒரு உத்தியோகத்த பாத்துட்டு, ஊரோட இரு, தெரிஞ்சிதா? 
 
ரவி : ஆல்ரைட். இனிமே உங்க இஷ்டப்படியே நடக்றேன். OK? [அம்மாவின் நாடியில் கைவெச்சு] எங்க, சிரிங்க, சிரிங்கம்மா. 
 
அம்மா கலகலன்னு சிரிக்கிறா. ரவியும் சேர்ந்து சிரிக்கிறான்.  Bed ஐயும், சூட்கேஸையும் எடுத்துட்டு மாடிக்கு போறான். ஊருக்கு எங்கயாவது போயிட்டு வந்திருப்பான் போல. மகன் போறதை, அம்மா பார்த்துட்டு பூரிச்சு போய் நிக்கிறா.  
 
அம்மா பீரோவைத் திறக்கிரா. எதையோ................ தேடுறா. ஆ............ங், கெடச்சிருச்சு. கையில ஒரு செயின், அதில ஒரு பெரிய டாலர். ரெண்டு கைலயும் அந்த செயினை புடிச்சுட்டு நிக்கிறா. மூஞ்சிக்கு முன்னால கொசுவத்தி சுருள் சுத்துது. ஃப்ளாஷ் பேக். 
 
இதே அம்மா,  ஒரு கையில ஒரு துணிமூட்டையையும், இன்னொரு கையில ஒரு லாந்தர் விளக்கையும் வச்சுட்டு, காடு மாதிரி இருக்கு, நடந்து வந்துட்டு இருக்கா. ஒரு குழந்தை அழுற சத்தம் கேட்குது. வந்து பார்த்தாக்கா, ஒரு கார் நிக்குது. காருக்கு உள்ளேயும் யாருமில்ல, வெளியவும் யா...................றுமில்ல. ஆனா ஒரு ரெண்டு வயசு இருக்கும், குழந்தை மட்டும், காருக்கு வெளிய அழுதுட்டு நிக்குது. அவள் அந்த குழந்தையை தூக்கி வச்சுட்டு, சுத்................துமுத்தும் பார்க்கிறா. யா..................... ரையும் காணோம். அந்தக் குழந்தையின் கழுத்தில அந்த செயின், பீரோவிலிருந்து எடுத்து பார்த்தாலே, அது  இருக்கு. அம்மா அந்த செயினை பார்க்கிறா.  இவ்வளவுதான் ஃப்ளாஷ் பேக். அதாவது, ரவி அவளுடைய மகனில்லேன்னு, ஆடியன்ஸுக்கு டைரடக்கர் புரிய வைக்கிறார் போல. கொசுவத்தி சுருளை காணோம். 
 
அம்மா இப்போ கையில அந்த செயினோடு வீட்டில. அவள் அந்த செயினையும், அங்க சொவத்தில மாட்டி வச்சிருக்கிற ரவியின் ஃபோட்டோவையும் பார்க்கிறா. 
 
அடுத்த ஸீன்.
 
அம்மா பார்த்த ரவியின் ஃபோட்டோல, இப்போ ஒரு சின்ன பையன். ஒரு பணக்காரர்  வீடு.  அந்த சின்ன பையன் ஃபோட்டோ முன்னால ஒரு பெரியவர் நின்னுட்டு இருக்கார். 
 
பெரியவர் : பாஸ்கர், இப்போ நீ எங்க இருக்கியோ. ஒன்ன எப்படீல்லாம் வளத்து ஆளாக்கணும்னு நான் ஆசப்பட்டேன். ப்ச் , எல்லாமே வீணாயிருச்சு. நான் கண் மூட்றதுக்குள்ள ஒன்ன பாப்பேனா பாஸ்கர். 
 
"நிச்சயமா பாப்பீங்க" ன்னு ஒரு முரட்டு குரல். பெரியவர் திரும்பி பார்க்கிறார். 
 
பெரியவர் : ஓ, தங்கராஜ். 
 
பெரியவர் எந்திரிச்சு வந்து தங்கராஜை வரவேற்கிறார். 
 
தங்கராஜ் : வணக்கம் சார். 
 
பெரியவர் : வாங்க வாங்க, உக்காருங்க. 
 
ரெண்டு பேரும் உக்கார்றாங்க. 
 
பெரியவர் : ஏம்மகன் கெடப்பான் கெடப்பான்னுதான் நீங்களும்தாம் அஞ்சு வருஷமா சொல்லிட்டுதான் வர்றீங்க. ஆனா அவனைத்தான் கெடச்சபாட்ட காணோம். போவட்டும், ஏம்மவன தேடி போன விஷயம் என்னாச்சு? 
 
தங்கராஜ் தன் பாக்கெட்டிலிருந்து ஒரு செயினை எடுக்கிறான். 
 
தங்கராஜ் : ஆங் ... இந்த டாலர் செயின், உங்க மகன் போட்டிருந்ததா பாருங்க. 
 
செயினை வாங்கி பார்த்த பெரியவர் : நோ நோ, அந்த டாலரோட  அமைப்பே வேற. 
 
ஒரு இளைஞி. ட்ரெஸ்ஸிங் டேபிள்க்கு முன்னால உக்காந்து மேக்கப் போட்டுட்டு இருக்கா. மேக்கப் முடிஞ்சு எந்திருச்சு வர்றா. வேலைக்காரி வர்றா. இளைஞி வேலைக்காரிய பார்த்து, 
 
இளைஞி : கமலா, மாமா எங்கே இருக்கார்? 
 
வேலைக்காரி : அந்த பாழாப்போன தங்கராஜ் கூட பேசிட்டிருக்கார். 
 
இளைஞி சிரிச்சுட்டு போறா. 
 
இங்க பெரியவர் தங்கராஜ்ட்ட பணத்தை கொடுக்கிறார். 
 
பெரியவர் : இந்தாங்க ஐயாயிரம் ரூபா. [தங்கராஜ் பணத்தை எண்ணுறான்]  பணத்தை பத்தி எனக்கு கவலை இல்ல. எனக்குத் தேவ ............
 
தங்கராஜ் : உங்க மகன், அவ்வளவுதானே. கவலைய விடுங்க. 
 
இளைஞி : அங்க்..............கிள்
 
பெரியவரும், தங்கராஜும் மாடிப்படி பக்கம் திரும்பி பாக்கிறாங்க. இளைஞி படீல ஸ்டை....................லா இறங்கி வந்துட்டு இருக்கா. 
 
பெரியவர் : வாம்மா
 
தங்கராஜ் : ஹலோ கீதா.
 
இளைஞி ஓடி வந்து பெரியவர் தோளை பிடித்து,  "அங்க்கிள்,  என்னுடைய  friendக்கு இன்னிக்கி பர்த்டே. போய் வரட்டுமா?”
 
பெரியவர் : ஏம்மா, நேத்துதான் மெட்ராஸ்ல இருந்து வந்தே, கொஞ்சம் ரெஸ்ட் எடுத்துக்க கூடாது? 
 
இளைஞி : ஒரு நாள் ப்ரயாணத்துக்கு , ஒரு மாசமா ரெஸ்ட்டு? என்..... ன  அங்க்கிள் நீங்க.
 
பெரியவர் : சரிம்மா, ஒன் இஷ்டம் போயிட்டு வா. 
 
இளைஞி : தாங்க்யூ. 
 
தங்கராஜ் : கீதா, பரீஷல்லாம் எப்டி எழுதியிருக்க? first கிளாஸ்ல பாஸ் பண்ணிர்வியா? 
 
கீதா : பேப்பர்ல வரும், பாத்துக்கோங்க. [பெரியவரை பார்த்து] பபை 
 
பெரியவர் சிரிச்சுட்டே : விளையா...........ட்டு பொண்ணு. 
 
தங்கராஜ் : ஹ ஹ  ஆமா ஆமா, சார், புகழ்ச்சிக்காக சொல்லல்லான்னு  நீங்க நெனைக்க கூடாது. நானும் எத்...........தனையோ தாய்மாமங்கள பார்த்திருக்கேன். அக்கா மகள, தான் சொந்த பெண்ணுமாதிரி இவ்வளவு  செல்லமா நீங்க  வளக்கிறீங்களே, ஆஹா,  உங்களபோல நான் பார்த்ததே இல்ல சார். 
 
பெரியவர் : தங்கராஜ், பறிபோய்ட்டா  என் மகன் பாஸ்கர, இப்ப நான் கீதா உருவுலதான் பார்த்து ஆறுதலடைறேன். 
 
தங்கராஜ் : ஏன் சார், படிப்பெல்லாந்தான் முடிஞ்சு போச்சே, கீதாவுக்கு கல்யாண முயற்சி ஏதாவது................ 
 
பெரியவர் : இன்னிக்கே ஏம்மகன  தேடி கொண்டுவாங்க, நாளக்கே கல்யாணம் ஜாம்ஜாம்னு நடத்திர்றேன். அவனுக்காகத்தானே நான் காத்துட்டுர்க்கேன். 
 
தங்கராஜ் : அதுக்காகத்தானே நான் பணத்த வாங்கிட்டே... இருக்கேன்.   
 
தங்கராஜ் தன் கையிலிருந்த ஐயாயிரம் ரூபாயை வில்லத்தனமான சிரிச்சுட்டே பார்க்கிறான். 
 
அடுத்த ஸீன். 
 
ரவியின் வீடு. போஸ்ட்மேன் ஒரு லெட்டரை குடுத்துட்டு போறான். அம்மா அந்த லெட்டரை வாங்கி பார்க்கிறாள். அதில ரவி பேர் போட்டிருக்கு. "ரவி" ன்னு சிரிச்சுட்டு சொல்லி,  from அட்ரஸை பார்க்கிறாள்.  "மோகனா"ன்னு இருப்பதை பார்த்து திகைக்கிறாள். அம்மா லெட்டரை பிரிக்கிறாள். 
 
அந்த லெட்டர் ஆரம்பத்தில "என் ஆருயிர் காதலர் ரவிக்கு" ன்னு எழுதியிருக்கிறதை வாசிச்சு அம்மாவுக்கு அதிர்ச்சி. 
 
லெட்டர் எழுதியவளே படிக்கிற மாதிரி : உங்களை இப்படி கூப்பிட, எனக்கு உரிமை உண்டூன்னு  நினைக்கிறேன். உங்களோடு சென்னையிலே ஆடிப் பாடின நாட்கள், என்னால் மறக்கவே............. முடியவில்லை. ஒவ்வொரு நிமிஷமும் உங்கள் நினைவுதான். அதிர்ஷ்ட்டவசமாக, உங்கள் ஊரிலேயே எனக்கு நடனமாடும் வாய்ப்பு கிடைத்திருக்கிறது. தங்கராஜ் என்பவர், அவருடைய கோல்டன் க்ளப்பில் என்னை டான்ஸராக ஒப்பந்தம் செய்திருக்கிறார்.  ஊட்டி வந்ததும், உங்களை நேரில் வந்து நானே சந்திக்கிறேன். சந்தோஷம்தானே. இப்படிக்கு உங்களையே..........எண்ணி 
ஏங்கும்  [இப்போ  அம்மா வாசிக்கிறாள்] மோ...கனா. 
 
அம்மா லெட்டர் வாசிச்சு அதிர்ச்சியிலேயே நாற்காலியில் உட்கார்றா. 
 
அடுத்த ஸீன். 
 
பெரியவரின் வீடு. அங்க ஒரு பெரீ...........ய பணப்பெட்டி. அந்த பணப்பெட்டியில் ஒருத்தன் ஏதோ செய்றான். பெரியவர் வர்றார். 
 
பெரியவர் : என்ன எஞ்சினியர் சார்,  ஆட்டமடிக் கேமராவை பொருத்தியாச்சா? 
 
என்ஜினீயர் : ஓ எஸ். இப்பதான் முடிஞ்சுது. இனிமே உங்களுக்கு தெரியாம, இந்த பணம் வக்கிற பெட்டிய வேற யாரும் நெருங்கவே முடியாது.
 
பெரியவர் : அப்படியா? 
 
எஞ்சினியர் : ஆமா. இப்ப நீங்க வெளிய போய்ட்டு, கதவ திறந்துட்டு வாங்க. 
 
பெரியவர் : ஓ எஸ் 
 
பெரியவர் அந்த ரூமுக்கு வெளியே போறார். கதவை சாத்துறார். மறுபடியும் கதவை திறந்துட்டு உள்ளே வர்றார், பணபொட்டி முன்னால வந்து நிக்கிறார். பணப்பொட்டியிலுள்ள கேமரா க்ளிக்குது. 
 
எஞ்சினியர் : கவனிச்சீங்களா? கதவ திறந்தாலே போதும். ஆட்டோமேட்டிக் கேமரா தானாகவே வேல செய்ய ஆரம்பிச்சுரும். ஏன், இப்ப என்னயும், உங்களையும்தான் அது படம் பிடிச்சிருக்கும். 
 
பெரியவர் : வெர்ரி குட். 
 
எஞ்சினியருக்கு ஷேக் ஹேண்ட் கொடுக்கிறார். "வாங்க"ன்னு சொல்லி, ரெண்டு பேரும் ரூமுக்கு வெளியே வர்றாங்க. 
 
அடுத்த ஸீன்.

பெரியவரின் வீடு 
 
டீஷர்ட்டும், ஷார்ட்ஸும் போட்ட ஒரு இளைஞி, ஹாக்கியோடு அவ ரூம்லே இருந்து வெளிய ஓடி வர்றா.  வேலைக்காரி வந்து, "அம்மா,  உங்க சிநேகிதிங்களெல்லாம் வெளிய காத்திருக்காங்க." ன்னு சொல்றா.  இளைஞி "ஓ" ன்னு சொல்லிட்டு போறா. அங்க பெரியவர் வர்றார். 
 
பெரியவர் : கீதா, என்ன ஹாக்கியா? 
 
கீதா : எஸ். என் friendsஓட பிக்னிக் போறேன். பணம் வேணும் அங்க்ள். 
 
பெரியவர் : பணந்தானே, புதுசா மேனேஜர அப்பாய்ண்ட் பண்ணியிருக்கேன். ஆஃபீஸ்ல போய் வாங்கிக்க. 
 
கீதா : தேங்க்யூ 
 
சொல்லிட்டு போறா.
 
பெரியவர் : ஜாக்ரதயா போய்ட்டு வாம்மா. 
 
ஃபோன் அடிக்குது. பெரியவர் போய் எடுக்கிறார். 
 
பெரியவர் : ஹலோ... தங்கராஜா? குட்மார்னிங். என்ன பணமா? 
 
அடுத்த முனைல, தங்கராஜும், இன்னொரு ஆளும் இருக்காங்க. 
 
தங்கராஜ் : ஆமா சார், பணந்தான். உங்க மகன் விஷயமா துப்பு கண்டுபிடிக்க, ஒரு ஆள டெல்லிக்கு அனுப்ப வேண்டியதிருக்கு. அதுக்கு அர்ஜன்ட்டா கொஞ்சம் [பக்கத்தில நிக்கிற ஆளை பார்த்து கண்ணடிச்சு] பணம் தேவ சார். 
 
பெரியவர் : அஹ, சரி, ஆஃபீஸ்க்கு போயி மேனேஜர்கிட்ட, எவ்ளோ வேணுமோ வாங்கிக்கோங்க. 
 
தங்கராஜ் : அஹ, இட்ஸ் ஆ..............ல் ரைட் சார், 
 
தங்கராஜ்  ஃபோனை வச்சுட்டு சந்தோஷமா எந்திருச்சு வர்றான். அந்த ஆளும் கூடவே வர்றான். 
 
ஆள்: ஏம்பாஸ் அவர இப்டி ஏமாத்திட்டு இருக்கணும். ஒண்ணு அவர் மகன கண்டுபுடிச்சு கொடுக்கணும், இல்ல சும்ம இருக்கணும். 
 
தங்கராஜ் : கண்டுபிடிக்கலாண்டா, ஆனா கீதாவ தாம்மகனுக்குல்ல கல்யாணம் பண்ணி வைக்க அவன் திட்டம் போட்டு வச்சிருக்கான். 
 
ஆள் : அதனால உங்களுக்கென்ன நஷ்டம்? 
 
தங்கராஜ் : இடியட், என் லட்சியம் புரியாம பேசுறியேடா. [ஃபிளையிங் கிஸ் கொடுக்கிறான்] ம்ம்ம்மா, அந்த கீதாவ நான் கல்யாணம் பண்ணிக்கிட்டு,  சட்டப்பூர்வமா அவ சொத்துக்கு நா......னே அதிபதியாகணும். 
 
ஆள் : அப்பொறம்? 
 
தங்கராஜ் : அப்பொறம், இந்த சோமசுந்தரத்த ஓட்டாண்டியாக்கி நடுத்தெருவுல நிக்க வச்சி, ஹ ஹ ஹ ஹ, நான் வேடிக்க பாக்கணும். 
 
ஆள் : அவரு மேலே ஏம்பாஸ் உங்களுக்கு இவ்வளவு ஆத்ரம்? 
 
தங்கராஜ் : ஆத்ரமா? 
 
மேஜை ட்ராயரிலிருந்து ஒரு ஃபோட்டோவை எடுத்து அவன்கிட்ட காட்டி,
 
தங்கராஜ் : யார் தெரீமா? என் கூ ......டப் பொறந்த ஒரே அண்ணன் மூர்த்தி. ஏதோ கொஞ்சம் பணத்த கையாடல் செய்தார்னு அஞ்சு வருஷம் ஜெயில்ல தள்ளி, இவர் குடும்பமே தற்கொல செய்யிறதுக்கு காரணமா இருந்தவன், இதே சோமசுந்தரம். அது மட்டுமல்ல,  பழிக்கி பழி வாங்கி இவனுடைய  மகன எங்க அண்ணன்  கடத்தப் போனாரு. அப்போ இவர துப்பாக்கியால சுட்டு கொன்னது  இதே சோமசுந்தரத்தோட ஆளுங்கதான். இப்போ புரியுதா என் ஆத்திரத்துக்குக் காரணம்? [கொஞ்ச நேரம் அமைதி] தட்ஸ் ஆல்ரைட், நேரமாயிருச்சு,  நான் சோமசுந்தரம் ஆஃபிஸ்க்கு போயி அந்த பணத்த வாங்கிட்டு வந்துர்றேன்.
 
அடுத்த ஸீன். 
 
கார்ல இருந்து இறங்கி கீதா வர்றா. அந்த கார் நிறைய அவள்  நண்பீங்க  உக்காந்திருக்காங்க. 
 
கீதா : நான் மேனேஜர்கிட்ட போயி, கை நிறைய பணம் வாங்கிட்டு வர்றேன். ம்ம்? 
 
நண்பி : அ அ சீக்கிரமா வாடி. 
 
பெரியவர் சோமசுந்தரம் சொன்னபடி, கீதா பிக்னிக் போறதுக்கு பணம் வாங்க போறா. ஆஃபிஸ்ல  மேனேஜர் திரும்பி உக்காந்திருக்கார். 
 
கீதா : குட்மார்னிங் சார். 
 
அங்க மேனேஜர் ரவி  உக்காந்திருக்கான். ரோலிங் சேர்ல திரும்பிகிட்டே  "குட்மார்னிங்". கீதாவை பார்த்து கிண்டலா, "ஓ, நீயா?"
 
கீதா கோபமா : நீங்களா? நீங்களா புது மேனேஜர்? 
 
ரவி : ஏன், சந்தேகமா இருக்கா? மேனேஜர் நானேதான். என்ன விஷயம்? வேலை ஏதாவது வேணுமா? ஐயாம் ஸோ சாரி, நோ வேகன்ஸி. 
 
கீதா : எனக்கு பணம் வேணும். 
 
ரவி : நன்கொடை? குடுத்து பழக்கமில்லை. 
 
கீதா கோபமா : மிஸ்டர் 
 
ரவி : மேடம், அன்னிக்கி என்னமோ பெரீய மகாராணி மாதிரி ஜம்பமா பேசிட்டு போனியே. பாத்தியா, இன்னிக்கி என்கிட்டியே பணம் கேக்க வேண்டிய நெலம ஏற்பட்டு போச்சு. 
 
கீதா : ஹா........... என்...............ன செய்றது? 
 
ரவி : ஹா.............. ஐயோ பாவம். 
 
கீதா : உங்கள சொல்லி குத்தமில்ல சா.........ர். போயும் போயும் உங்களுக்கு மேனேஜர் வேல குடுத்து, இந்த சீட்ல உக்கார வச்சிருக்காரே, இந்த எஸ்டேட் முதலாளி, அவர சொல்லணும். 
 
ரவி : [கீதாவை கும்பிட்டு] அம்மா தாயே, ஒன்ன சீட்ல உக்கார வச்சு பேசிட்டு இருக்க எனக்கு நேரமில்ல. தயவு செஞ்சு இந்த எடத்த விட்டு போயிரு. ப்ளீஸ் டோண்ட் வேஸ்ட் மை டைம். 
 
கீதா கோபமா : ஷடப்
 
ரவி கோபமா : கெடௌட். 
 
ஃபோன் அடிக்குது. ரவி எடுத்து பேசுறான் 
 
ரவி அதே கோபத்துடன் : ஹலோ, யார் வேணும்? [திடீர்னு எந்திரிச்சு நிக்கிறான். அசடு வழிய] ஹ ஹ ஹ குட்மார்னிங் சார், நாந்தான் ரவி பேசுறேன். எஸ் சார், வந்து இங்க.............. அது. 
 
அந்தப் பக்கத்தில பெரியவர். 
 
பெரியவர் : கீதா வந்து பணம் கேட்டாளா? 
 
ரவி : ஆமா சார். கீதாவோ, சீதாவோ, ஒண்ணு வந்து பணத்த கேட்டு தொணதொணதொணன்னு உயிரை வாங்கிட்டே இருக்கு சார். 
 
பெரியவர் : ஹஹஹஹ மேனேஜர், கீதா வேற யாருமில்ல, எவ்வளர்ப்பு மகள். 
 
ரவி அதிர்ச்சியுடன் : ஹ, வளர்ப்பு மகளா? 
 
அதே அதிர்ச்சியுடன் ஃபோனை ஸ்டாண்டில வைக்கா.............ம, கையிலேயே புடிச்சுட்டு உக்கார்றான். கீதா அலட்சியமாக இதையெல்லாம் பார்த்துட்டு,  அவன் கையில இருந்து ஃபோனை வாங்கி ஸ்டாண்டில வைக்கிறாள். ரவி அதிர்ச்சிலேயே உக்காந்திருக்கானா? அவன் மூஞ்சிக்கு நேரே கீதா சொடக்கு போட்டு அவனை கூப்பிடுறா. 
 
கீதா : என்ன சார், இப்பவாவது பணம் தர்றீங்களா? 
 
ரவி : கீதா, காதலுக்காக, இந்த ஒலகத்துல, உடல் பொருள் ஆவி ஊவி எல்லாம்தான் கொடுப்பது வழக்கம். ஆனா உனக்காக உங்க மாமா பணத்தையே நான் தர்றேன். 
 
கீதா : ரொம்.........ப தாங்க்ஸ் சார். 
 
செருமுற சத்தம் கேட்டு ரெண்டு பேரும் வாசலை பார்க்கிறாங்க. தங்கராஜ் நிக்கிறான். 
 
தங்கராஜ் : சமயம் தெரியாம வந்துட்டேன். நான் வேண்ணா அப்புறம்...........
 
ரவி : பரவாயில்ல இருக்கட்டும். 
 
மேஜை ட்ராயரிலிருந்து பணக்கட்டை எடுத்து கீதாவிடம் கொடுக்கிறான். 
 
ரவி கீதாவை பார்த்து : இனிமே............... அடிக்...........கடி வந்து பணம் வாங்கிக்கணும். 
 
கீதா சிரிச்சுட்டே : ம்ம்ம் 
 
கீதா பணத்தை வாங்கிட்டு போறா. தங்கரஜை கடந்து போகும்போது, தங்கராஜ் கீதாவை பார்த்து இளிக்கிறான். "குட்மார்னிங் கீதா" 
 
கீதா மொரச்சுட்டு போயிர்றா. தங்கராஜ் ரவி மேஜை பக்கமா போறான். 
 
ரவி : நீங்க யாரு? உங்க்ளுக்கு என்ன வேணும்? 
 
தங்கராஜ் : ஏம்பேர் தங்கராஜ். 
 
ரவி : ஐஸி. 
 
தங்கராஜ் : எஸ்டேட் மொதலாளிக்கு ரைட் ஹேண்ட். அவசரமா ரெண்டாயிர ரூபா தேவ. 
 
ரவி : நீங்க ரைட் ஹேண்டோ லெஃப்ட்  ஹேண்டோ, மொதலாளியோட அனுமதி இல்லாம, ஒரு பைசா கூட என்னால தர முடியாது. 
 
தங்கராஜ் : ஐஸி. என்ன யாருன்னு ஒங்க்ளுக்கு  தெரியாது. போக போக தெரிஞ்சுக்குவீங்க. இட்ஸ் ஆல்ரைட். வரேங்க. 
 
ஒரு கும்பிடு போட்டு வெளிய போயிறான். ரவி தன ஆஃபிஸ் வேலைய செய்ய ஆரம்பிக்கிறான். 

என்ன படம், வசனங்கள் பேசியது யார் யார்?
 
Heezulia 
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down

best Re: சினிமா வசனங்கள் - படித்து, பார்த்து ரசிக்க

Post by heezulia on Sat Jan 13, 2018 1:20 am

13.01.2018 

படம் : காதலித்தால் போதுமா 1967 

வசனம் பேசினவங்க : 

அம்மா - குமாரி ருக்மணி 
ரவி - ஜெயசங்கர் 
கீதா - வெண்ணிற ஆடை நிர்மலா 
தங்கராஜ் - RS மனோகர் 
பெரியவர் - VS ராகவன் 

வசனங்களை வாசிச்சீங்களா என்னான்னே தெரியல.

Heezulia
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down

best Re: சினிமா வசனங்கள் - படித்து, பார்த்து ரசிக்க

Post by மூர்த்தி on Sat Jan 13, 2018 1:21 pm

வசனம் நன்றாகப் புரிகிறதே! நன்றி.

இது மருதநாயகம் பாடல்...



நன்றி-
Ilaiyaraaja Official
மூர்த்தி
மூர்த்தி
சிறப்புப் பதிவாளர்


பதிவுகள் : 1046
இணைந்தது : 07/06/2016
மதிப்பீடுகள் : 506

Back to top Go down

best Re: சினிமா வசனங்கள் - படித்து, பார்த்து ரசிக்க

Post by heezulia on Sat Jan 13, 2018 1:40 pm

13.01.2018 

நன்றி மூர்த்தி சார்.


இதே............... வீடியோவைத்தான் ஆடியோவாக, [mp3] மாற்றி, mediafireல upload செஞ்சு, லிங்க்  SK க்கு அனுப்பினேன்.  அவரும், அந்தப் பாட்டை download செஞ்சு கேட்டுட்டேன்னு சொன்னாரே.   

Heezulia 
heezulia
heezulia
இளையநிலா

இளையநிலா

பதிவுகள் : 610
இணைந்தது : 03/12/2017
மதிப்பீடுகள் : 193

Back to top Go down

best Re: சினிமா வசனங்கள் - படித்து, பார்த்து ரசிக்க

Post by மூர்த்தி on Sat Jan 13, 2018 11:46 pm

//உங்களுக்கு தனி மெஸேஜ் அனுப்பியிருந்தேனே, அது கெடச்சுதா? சாதா..................ரண பாட்டு லிங்க் அனுப்புறதுக்கு ததீங்கொணத்தோம்  போட வேண்டியதிருக்கு. //

பாட்டு லிங்க் பகிர்வதில் தடை இருப்பதாகத் தெரியவில்லை. ஒரு பதிவு/செய்தி போன்றவற்றை copy  & paste செய்து பகிரும்படியும் ,லிங்க்கை கொடுப்பதால் அது அந்த தளத்திற்கான விளம்பரம்  ஆகிவிடலாம்  எனவும்  சொல்கிறார்கள். அத்துடன் வேறொரு தளத்தில் இருந்து பகிரும் பொது நன்றி சொல்வது நாகரிகம் எனவும் சொல்கிறார்கள்.
மூர்த்தி
மூர்த்தி
சிறப்புப் பதிவாளர்


பதிவுகள் : 1046
இணைந்தது : 07/06/2016
மதிப்பீடுகள் : 506

Back to top Go down

best Re: சினிமா வசனங்கள் - படித்து, பார்த்து ரசிக்க

Post by Sponsored content


Sponsored content


Back to top Go down

View previous topic View next topic Back to top

பின்னூட்டம் எழுத உள்நுழைக அல்லது உறுப்பினராக பதிவு செய்க

ஈகரை உறுப்பினர்கள் மட்டுமே இங்குள்ள பதிவுகளுக்கு பின்னூட்டம் (மறுமொழி) எழுத முடியும்

உறுப்பினராக இணையுங்கள்

உறுப்பினராக பதிவு செய்து ஈகரை குடும்பத்துடன் இணையுங்கள்!


ஈகரையில் உறுப்பினராக இணைய

உள்நுழைய

நீங்கள் ஈகரையின் உறுப்பினரா?? இங்கு உள்நுழையுங்கள்.


உள் நுழை