தனித்தமிழ்நாடு இல்லையேல் திராவிடநாடு !

நாம் தேர்ந்தே எடுக்காத ஒரு அரசு நம்மை ஆட்டிப்படைக்கிறது. பல்வேறுவிதமான கலாச்சாரங்களும் , வாழ்க்கைமுறைகளும் , பொருளாதார ஏற்றத்தாழ்வுகளும் உடைய தேசத்தை ஒரே அளவீட்டிற்குள் எப்படி அடக்க முடியும்.  இந்த மோடி எனும் சுற்றுலா பயணி தலைமையிலான பாஜக அரசு பதவியேற்றதிலிருந்து இந்தியாவின் பன்மைத்துவத்திற்கு எதிராகவே செயல்பட்டு வருகிறது.

இந்த அரசின் செயல்பாடுகளால் ஒவ்வொரு இந்தியரும் பாதிக்கப்பட்டிருக்கிறார். குறிப்பாக எளிய,  நடுத்தர மக்களின் பொருளாதாரத்தை சிதைத்து மீள முடியாமல் செய்து கொண்டிருக்கிறது. மாநிலங்களின் அதிகாரங்களும் , பொருளாதார சுதந்திரங்களும் பறிக்கப்பட்டிருக்கின்றன. இந்தியர்களிடமும் , மாநிலங்களிடமும்   "கையில காசு இருந்தா தான ஆடுவ. இருக்கிற காசு எல்லாத்தையும் புடுங்கிட்டா "  என்ற மனநிலையில் தான் மத்திய அரசு செயல்படுகிறது. 

இந்த மதசார்புடைய அரசு பதவியேற்றதிலிருந்து மக்களின் பணம் தான் அரசிற்கு போய்க்கொண்டிருக்கிறது. விதவிதமான முறைகளில் ஆட்டையைப் போடுகிறார்கள். எதுக்கு அஞ்சு , பத்தா சேர்க்கணும் மொத்தமாக அள்ளலாமுனுதான் GST கொண்டு வந்திருக்கிறார்கள்.
சுயசார்பு பொருளாதாரத்தின் மீதான துல்லிய தாக்குதலாகவே இந்த அரசின் செயல்பாடுகள் உள்ளன. சுயமாக எவரும் பிழைக்கக்கூடாது , சுயமாக யாரும் தொழில் செய்யக்கூடாது எல்லாவற்றையும் பிடுங்கி பெருமுதலாளிகளிடமும் கொடுத்துவிடவே இந்த அரசு துடிக்கிறது. இந்த பொழப்பு பொழைக்கவா சுதந்திரம் வாங்கனோம் ?

தனித்தமிழ்நாடு , திராவிடநாடு என்று விளையாட்டாக சொன்னாலும் இதற்கு உயிர் கொடுக்கும் வகையிலேயே மத்திய அரசின் செயல்பாடுகள் உள்ளன. தமிழகத்திலும் , கேரளத்திலும் கால் பதிக்க வன்முறையை ஆயுதமாக பயன்படுத்துகிறார்கள். திராவிடர்கள் தனித்துவமான தொன்மையான கலாச்சாரங்கள் உடையவர்கள். சிறுதெய்வங்களும் , சுயசார்பு வாழ்க்கை முறையும் நமது அடையாளங்கள். தமிழ் என்ற செம்மொழியின் விழுதுகள் நாம். இவை எல்லாவற்றையும் அழித்துவிட்டு ஒற்றை மதத்தையும் , ஒற்றை மொழியையும் புகுத்த நினைக்கிறார்கள்.

வேண்டும் #தனித்தமிழ்நாடு
இல்லையேல்
வேண்டும் #திராவிடநாடு

இனி இந்தியாவில் பன்மைத்துவம் என்பது மெல்ல மெல்ல மறைந்துவிடும் .

ஒரே நாடு , ஒரே வரி - GST என்ற முழக்கத்தின் தொடர்ச்ச்சியாக இனி வரும் காலங்களில்

ஒரே நாடு , ஒரே மதம் - இந்துமதம்

ஒரே நாடு , ஒரே மொழி - இந்தி

ஒரே நாடு , ஒரே விலங்கு - பசு

என்ற முழக்கங்களைக் கேட்கும் நாள் வெகு தொலைவில் இல்லை .