இண்டு இடுக்கிலே காதல்

**M.Jagadeesan** · **M.Jagadeesan** Sun 7 Feb 2016 - 22:56

கடற்கரை மணலில் படகின் மறைவில்
...காதல் செய்கின்றார் - அவன்
தொடத்தொட மயங்கிய காதலி மடியில்
...துவண்டு விழுகின்றாள் !

குன்றின் உச்சியில் பாறையின் இடுக்கில்
...காதல் செய்கின்றார் - அங்குச்
சென்று வந்ததன் நினைவைக் கல்லில்
...செதுக்கி வைக்கின்றார் !

பூங்கா சென்று புதரில் மறைந்து
...காதல் செய்கின்றார் - என்றும்
நீங்கா நினைவை நெஞ்சில் சுமந்து
...நிம்மதி பெறுகின்றார் !

கோவிலில் இருக்கும் சாமியைத் தினமும்
...கும்பிடப் போகின்றார் - அங்கு
ஓவிய சிற்பக் காதலை நெஞ்சில்
...ஒத்திகை பார்க்கின்றார் !

K.Senthil kumar · K.Senthil kumar Tue 9 Feb 2016 - 17:26

கடற்கரை தோறும் இளையோர் செய்யும்
காதல் புதிதன்று –ஆனால்
காண்போர் குறுக காதல் செய்ய
கடற்கரை இடமன்று

குன்றின் உச்சியும் பாறை இடுக்கும்
காதலுக்கு இடமன்று –அங்கே
கூடி குடும்பம் பாதி நடத்தி
காதலை குலைப்பதுண்டு

பூங்கா செடியும் புதரின் கொடியும்
அடைக்கலம் கொடுப்பதுண்டு –மங்கை
புழுவாய் நெளிய புதரில் கொடிய
அமர்க்களம் நடப்பதுண்டு

கோபுர சிற்பம் அறிந்தோர் பலரோ
குடும்பத்தில் சிறப்பதுண்டு –அழகுச்
சிற்பம் கூறிய கருத்தை வாங்காதவரோ
இல்லறம் தொலைப்பதுண்டு .

ஜாலி