சிரியாத்தா

கவியரசன்(கவிச்சுடர்) · 16/07/2015

குழலூதும் கண்ணன் இல்ல அவன
குடிசையில கண்டதில்ல
நீ பொங்கி வடிக்கையில
அம்மா குழலோச கேட்டிருக்கன்

நாள் முழுக்க கல்லுடைச்சி
அந்த கொஞ்ச காச மிச்சம் வச்சி
நாலு விறகு வாங்கி வந்த
அந்த அடுப்படிய தாங்கி வந்த

அப்பா குடிப்பாரு தினம்
வந்து அடிப்பாரு
கறுத்த உன் தேகமது
சிவத்த சோகம் என்ன

அழுகைய நீ மறைப்ப
எனக்கென நீ சிரிப்ப
உன் புடைச்ச கன்னம் இரண்டும்
என் எண்ணத்துல வாருதம்மா

குடிச்சபடி நித்தம் செத்தான்
குடிசையத்தான் மிச்சம் வச்சான்
நான் பள்ளிக்கூடம் போகையிலே
ஒருநாளு வானம் போனான்

தனியாளா நீ தவிச்ச
பணியாளா சிக்கி புட்ட
வீடுகட்ட கல்சுமந்து
வீதிகாரன் சொல்சுமந்து
அரை வயித்த நீ நிரப்பி
என் வயித்த நிரப்புனியே
கோயிலுல தெய்வமில்ல
கோபுரத்தில் சாமியில்ல
நான் கண்ட சாமி நீதான்
குடிசையில் நிக்குறியே

நீ பட்ட கஷ்டமெல்லாம்
வீணாக போகலயே
நான் படிச்சு வந்துபுட்டன்
வேலை ஒன்னு வாங்கிபுட்டன்
நான் இருக்கன் இனி சுமக்க
கேட்டதெல்லாம் தருவியே
உன்கிட்ட வெகுநாளா காணாத
ஒன்ன கேட்கன்
இப்பயாவது சிரியாத்தா

shobana sahas · shobana sahas Wed Jul 22, 2015 2:27 am

கண்ணில் தண்ணீர் வந்துவிட்டது தம்பி ..... அருமை ...உன்னை பாராட்ட வார்த்தைகள் இல்லை .. அருமையிருக்கு

balakarthik · balakarthik Wed Jul 22, 2015 11:19 am

நீ பட்ட கஷ்டமெல்லாம்
வீணாக போகலயே
நான் படிச்சு வந்துபுட்டன்
வேலை ஒன்னு வாங்கிபுட்டன்
நான் இருக்கன் இனி சுமக்க
கேட்டதெல்லாம் தருவியே
உன்கிட்ட வெகுநாளா காணாத
ஒன்ன கேட்கன்
இப்பயாவது சிரியாத்தா

புள்ள கேட்டது ரொம்ப சரியாத்தா சிரியாத்தா 3838410834

கவியரசன்(கவிச்சுடர்) · 16/07/2015

shobana sahas wrote:கண்ணில் தண்ணீர் வந்துவிட்டது தம்பி ..... அருமை ...உன்னை பாராட்ட வார்த்தைகள் இல்லை ..

மேற்கோள் செய்த பதிவு: 1152281

மிக்க நன்றி தங்கள் கருத்திற்கு

கவியரசன்(கவிச்சுடர்) · 16/07/2015

balakarthik wrote:
நீ பட்ட கஷ்டமெல்லாம்
வீணாக போகலயே
நான் படிச்சு வந்துபுட்டன்
வேலை ஒன்னு வாங்கிபுட்டன்
நான் இருக்கன் இனி சுமக்க
கேட்டதெல்லாம் தருவியே
உன்கிட்ட வெகுநாளா காணாத
ஒன்ன கேட்கன்
இப்பயாவது சிரியாத்தா

புள்ள கேட்டது ரொம்ப சரியாத்தா

மேற்கோள் செய்த பதிவு: 1152344

சிரியாத்தா 1571444738