பரிசம் போட!

**கா.ந.கல்யாணசுந்தரம்** · 28/02/2009

ஆண்டுக்கு ஒருமுறை
இந்த திருவிழா வருகிறது!
வீதி உலா வரும் அம்மனிடம்
என் மனம் கேட்க துடிக்கிறது...
உன்னுடைய தேருக்குமட்டும்
புதிய புதிய சீலை கட்டி
பவனி வருகிறாயே!
இவள் உன் திருவிழா
நாட்களில் கூட...
ஜன்னலோரம் நின்று...நின்று..
முதிர்கன்னியாய் வாழ்கிறாளே!
எப்போது வருவான் என்னவன்
ஒரு நிச்சயதார்த்த சேலையுடன்
பரிசம் போட!

......கா.ந.கல்யாணசுந்தரம்.

பாலாஜி · பாலாஜி Sat Nov 07, 2009 7:55 pm

சமூக அவலத்தை வெளிபடுத்தும் , மிக சிறப்பான கவிதை. பரிசம் போட! 677196

**கா.ந.கல்யாணசுந்தரம்** · 28/02/2009

இதில் சமூக அவலம் மட்டுமல்ல, திரு.பாலாஜி அவர்களே,
ஒரு முதிர்கன்னி தன்னுடைய வாழ்க்கையின் முக்கிய அத்தியாயம்
தொடங்காமலே முற்றுபெருகிறதே என்ற ஏக்கத்தில்
கடவுளையும் உரிமையோடு கேட்கும் சூழலில் தள்ளப்பட்டிருக்கிற
ஒரு நிலை இங்கு காணப்படுகிறது!
நண்பர்களே இதைப்பற்றி மேலும் கருத்துக்களை வரவேற்கிறேன்!

நன்றி,

கா.ந.கல்யாணசுந்தரம்.

வித்யாசாகர் · வித்யாசாகர் Sun Nov 08, 2009 1:57 am

எத்தனையோ முதிர்கன்னிகளின் வாழ்வின் நிர்வாணத்தில் தானே நிறைய அம்மன்களுக்கு நாம் பட்டுடுத்துகிறோமென கோவில் உண்டியல்களில் பணம் போடும் மூடர்களுக்குப் புரியாத வரை இதெங்கு புரியப் போகிறது.

நானும் உண்டியல்களில் பணம் போடுவதுண்டு. வளர்ச்சியடையாத ஊரிலிருந்து ஒதுங்கி இருக்கும் கோவில்கள் வளர்ச்சி அடையட்டுமே எனப் போடலாம். யாரும் அதிகம் வராத கோவில்களில் கடவுளே கதியென இருக்கும் அர்ச்சகர்களுக்கு பத்தோ இருபதோ கூட கொடுப்பதுண்டு.

ஆனால் திருப்பதி மாதிரி தங்கக் காசும் வெள்ளிக் காசும் இடுவது மூடத்தனம் தானே? அது போன்ற செல்வாக்குள்ள கோவில்களின் பணங்களை இதுபோன்ற ஏழை பெண்களுக்கு திருமண செலவிற்கு பயன் படுத்த முனைவோமானால், இன்னும் இரண்டு மூன்று இந்தியாவிற்கு முதிர்கன்னி கவலை தீர்க்கலாம் தோழர்களே!

Sponsored content · Sponsored content

பரிசம் போட!

பரிசம் போட!

Re: பரிசம் போட!

Re: பரிசம் போட!

Re: பரிசம் போட!

Re: பரிசம் போட!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக