பாகிஸ்தான் மீது தாக்குதல் நடத்த வேண்டும்: உத்தவ் தாக்கரே!

**சிவா** · **சிவா** Mon Aug 25, 2014 11:04 pm

புதுடெல்லி: இந்திய நிலைகள் மீது தாக்குதல் நடத்தி வரும் பாகிஸ்தான் மீது தாக்குதல் நடத்த வேண்டும் என பிரதமர் நரேந்திர மோடியை, சிவசேனா தலைவர் உத்தவ் தாக்கரே வலியுறுத்தி உள்ளார்.

இதுகுறித்து, சிவசேனாவின் 'சாம்னா'வில் எழுதப்பட்டுள்ள தலையங்கத்தில், ''பாகிஸ்தான் ராணுவம் சமீபத்தில் 13 இந்திய எல்லைப் புற கிராமங்களில் தாக்குதல் நடத்தியுள்ளது. ஜம்மு காஷ்மீரில் 22 இந்திய நிலைகள் மீது துப்பாக்கிச் சூடு நடத்தியுள்ளது. 2003க்குப் பிறகு பாகிஸ்தான் நடத்தியுள்ள மிகப் பெரிய தாக்குதல் இதுவாகும்.

கடந்த ஒரு மாதத்தில் மட்டும் 25 முறை பாகிஸ்தான் ராணுவம் இதுபோன்ற தாக்குதல்களை நடத்தி இருக்கிறது. ஆனால், வெடி வெடிக்கும்போது காதைப் பொத்திக்கொள்வது போல், இதுவரை நாம் எதுவும் செய்யாமல் வாய்மூடி மௌனமாக இருக்கிறோம்.

எனவே இதை மிகவும் அவரசமான அவசியமான விஷயமாகக் கருதி, பாகிஸ்தான் மீது தாக்குதலைத் தொடுக்க பிரதமர் நரேந்திர மோடி உத்தரவிடவேண்டும்'' எனக் கூறப்பட்டுள்ளது.