ஈகரை தமிழ் களஞ்சியம்



உறுப்பினராக இணையுங்கள்
உள்நுழைய இங்கு அழுத்தவும்
புதிய இடுகைகள்
பாதாம், முந்திரி, பிஸ்தா... எந்த நட்ஸில் என்னென்ன சத்துகள்? #VikatanPhotoCards
 SK

என்ன ஆனது கமல்ஹாசனின் சபாஷ் நாயுடு?
 SK

மிஸ் இந்தியா பட்டம் வென்றார் அனு கீர்த்தி வாஸ்!
 SK

ஈகரையில் காணாமல் போனவர்கள் பற்றிய அறிவிப்பு!
 SK

எனக்குள் ஒரு கவிஞன் SK
 SK

தேர்வு எழுத வேண்டும் என்றால் தாலியைக் கழட்டுங்கள்: பெண்களை அதிர வைத்த உ.பி காவல்துறை
 SK

ஆக்ஸிடன்ட், மரண வேதனை, மன அழுத்தம்... `கில்லி’ இயக்குநர் தரணி மீண்டெழுந்த கதை!
 SK

சமையல் சிலிண்டர் உபயோகர்களுக்கு மிக முக்கிய அறிவிப்பு!
 SK

சாண்டில்யனின் புகழ் பெற்ற 50 சரித்திர நாவல்கள் இலவசமாக டவுன்லோட் செய்ய ..
 sudhagaran

யார் இந்த ஆசிரியர் பகவான்? மாணவர்களின் மனதில் இவர் நீங்கா இடம்பிடித்தது எப்படி?
 T.N.Balasubramanian

காடும் காடர்களும்
 முனைவர் ப.குணசுந்தரி

இந்தியாவில் இயங்கும் ஒரே ஒரு தனியார் ரயில்
 பழ.முத்துராமலிங்கம்

இனிமேல் இது இருந்தால் தான் வண்டி! புதிய சட்டம்!!
 பழ.முத்துராமலிங்கம்

அமித்ஷா இயக்குனராக இருக்கும் வங்கியில் ரூ.745 கோடி டெபாசிட், வாழ்த்துக்கள் ராகுல் காந்தி ‘டுவிட்’
 anikuttan

மாரி 2 படப்பிடிப்பில் நடிகர் தனுஷுக்கு ஏற்பட்ட காயம்!
 ayyasamy ram

தமிழர்களை அதிர வைக்கும் புதிய உத்தரவு! இனி எதுவும் நடக்கலாம்...
 பழ.முத்துராமலிங்கம்

இந்தியாவில் இந்த சொர்க்க பூமி இருப்பது உங்களின் யாருக்காவது தெரியுமா?
 பழ.முத்துராமலிங்கம்

எலியை எப்படி விசாரிப்பார்கள் .?
 ஜாஹீதாபானு

அதிபர் டிரம்ப் மனைவி ஆடையால் சர்ச்சை
 SK

மின்வாரிய ஊழியருக்கு ரூ.100 கோடி சொத்து
 T.N.Balasubramanian

அமெரிக்காவில் அடைக்கலம் கேட்கும் 7,000 இந்தியர்கள்: ஐ.நா. தகவல்
 SK

நீருக்குள் யோகாசனம் செய்து 8 வயது சிறுமி உலக சாதனை
 T.N.Balasubramanian

அரசு வங்கிகளை தனியார் மயமாக்கும் எண்ணம் இல்லை: அமைச்சர்
 SK

வேணும்னுதானே மனைவியை கிணத்துல தள்ளினே…?
 SK

கோவா கடற்கரையில் 24 இடங்களில் ‘நோ செல்ஃபீ’ ஜோன்கள்!
 SK

தயாரிப்பாளரான சுருதிஹாசன்
 SK

இனி இன்டர்நெட் இல்லாமல் கூகுள் பயன்படுத்தலாம்
 பழ.முத்துராமலிங்கம்

5ஜி ஏலத்தை அடுத்த ஆண்டு நடத்த வலியுறுத்தல்
 ayyasamy ram

சந்திரபாபு - தினமலர் வாரமலர்
 ajaydreams

மாவட்டங்களில் நீட் தேர்வு மையங்கள்: ஜவ்டேகர்
 ayyasamy ram

பதவி விலகுகிறார் தலைமைப் பொருளாதார ஆலோசகர் அரவிந்த் சுப்ரமணியன்
 பழ.முத்துராமலிங்கம்

அரசு ஏன் நடவடிக்கை எடுக்கவில்லை.?
 பழ.முத்துராமலிங்கம்

அப்பா
 பழ.முத்துராமலிங்கம்

சிக்கிம் அரசின் விளம்பரத் தூதராக ஏ.ஆர்.ரஹ்மான் நியமனம்
 பழ.முத்துராமலிங்கம்

அய்யோ... வங்கிகள் இப்படியும் நம்மை ஏமாற்றுமா? பொதுமக்கள் ஜாக்கிரதை....!!
 பழ.முத்துராமலிங்கம்

கட்டாய விடுப்பில் அனுப்பப்படுகிறார் சந்தா கோச்சார்
 பழ.முத்துராமலிங்கம்

18 எம்எல்ஏக்கள் தகுதிநீக்க வழக்கில் 3-வது நீதிபதியாக விமலா நியமனம்
 பழ.முத்துராமலிங்கம்

”கடைல எல்லாமே இயற்கையானது... கல்லாப்பெட்டி கூட பனைஓலைதான்!” - எம்.சி.ஏ. பட்டதாரியின் முயற்சி
 பழ.முத்துராமலிங்கம்

நாட்டுக் கருப்புக் கோழி பற்றி உங்களுக்குத் தெரிந்ததும், தெரியாததும் ஒரு அலசல்...
 பழ.முத்துராமலிங்கம்

ஒரு ரூபாய் செலவின்றி நோய்கள் குணமாக! ஆண்மையை பெருக செய்யும் ரகசியம்...
 பழ.முத்துராமலிங்கம்

வீரயுக நாயகன் வேள் பாரி - 88 -சு.வெங்கடேசன் - சரித்திர தொடர்
 ரா.ரமேஷ்குமார்

அமெரிக்காவில் அடைக்கலம் கேட்கும் 7,000 இந்தியர்கள்: ஐ.நா. தகவல்
 ayyasamy ram

படம் பாருங்கள்.. ரசியுங்கள்...சிரியுங்கள்....இது what 's up கலக்கல்:)III
 ayyasamy ram

டாடி லேங்குவேஜ் ஃபாலோ பண்றேன்…!!
 ayyasamy ram

காவல் துறையில் இனி ஆர்டலி முறை ஒழிக்கப்படும் - கேரள முதல்வர் உறுதி
 T.N.Balasubramanian

ஜூன் 25-ம் தேதி தேசிய கருப்பு தினமாக அனுசரிப்பு:பா.ஜ.,
 ayyasamy ram

இந்திராணிக்கு விவாகரத்து; பீட்டர் முகர்ஜி சம்மதம்
 ayyasamy ram

காவிரி ஆணையம் அமைப்பதில் சிக்கல் : குமாரசாமி
 ayyasamy ram

திண்டுக்கல் சீனிவாசனின் பேச்சு உளறல் அல்ல,
 ayyasamy ram

நிபா வைரஸுக்கு இசை வழி பிரிவு உபசரிப்பு: கேரள மக்கள் கொண்டாட்டம்
 ayyasamy ram

டிராஃபிக் ராமசாமி வேடத்துக்கு ரஜினி!
 T.N.Balasubramanian

ஜம்மு காஷ்மீர் மாநில முதல்வர் மெஹபூபா முஃப்தி ராஜிநாமா என்று தகவல்
 ayyasamy ram

ஒலித்தது இசையா? கேட்டது இசையா?
 T.N.Balasubramanian

வணக்கம் அன்பு நண்பர்களே
 T.N.Balasubramanian

நடிகை நயன்தாரா தயாரிப்பாளர் ஆகிறார்! புதிய படத்தை இயக்குபவர் விக்னேஷ் சிவனா?
 ayyasamy ram

சினி துளிகள்!
 ayyasamy ram

பத்து, ‘கெட்டப்’புகளில் மிரட்டும் சதீஷ்!
 ayyasamy ram

ரஜினிக்காக கதை எழுதும் தனுஷ்!
 ayyasamy ram

பூமி என் தாய்
 M.M.SENTHIL

நண்பர்களே
 jemsith

மின்னூல்கள் தரவிறக்கம்

























Admins Online

சென்னை சென்ட்ரல் ரயில் நிலையத்தில் குண்டு வெடித்தது...!

Page 1 of 2 1, 2  Next

View previous topic View next topic Go down

ஈகரை சென்னை சென்ட்ரல் ரயில் நிலையத்தில் குண்டு வெடித்தது...!

Post by கோ. செந்தில்குமார் on Thu May 01, 2014 8:57 am

பாகிஸ்தான் தீவிரவாதிகள் சதி...! இன்று காலை சுமார் 7.15 மணியளவில் சென்னை சென்ட்ரல் ரயில் நிலையத்தில் 9 ம் நடைமேடையில் நின்றிருந்த பெங்களுரூவிலிருந்து கவுகாத்தி செல்லும் ரயிலில் சக்தி வாய்ந்த குண்டுகள் வெடித்தது. S - 4 பெட்டியில் ஒரு குண்டும், S - 5 பெட்டியில் மற்றொரு குண்டும் வெடித்துள்ளது. ரயிலின் S-4 மற்றும் S-5 பெட்டிகள் சேதம். 10 பேர் படுகாயம். ஸ்வாதி என்ற 22 வயது பெண் பலி. இவர் ஆந்திர மாநிலம் குண்டூரை சேர்ந்தவர். சென்னை மாநகரம் பாதுகாப்பு வளையத்தில் கொண்டு வரப்பட்டுள்ளது. சென்னை சென்ட்ரல் ரயில் நிலையத்தின் உதவி மையம் தொடர்பிற்கு தொலைபேசி எண்: 044 - 25357398.


Last edited by கோ. செந்தில்குமார் on Thu May 01, 2014 9:17 am; edited 4 times in total
avatar
கோ. செந்தில்குமார்
இளையநிலா

இளையநிலா

நிகழ்நிலை
இணையாநிலை

பதிவுகள் : 332
மதிப்பீடுகள் : 105

View user profile http://www.aanmeegachudar.blogspot.in

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by சிவா on Thu May 01, 2014 9:02 am

இதற்குக் காரணமானவர்கள் யாராக இருந்தாலும், எத்தனை பேராக இருந்தாலும் கைது செய்யப்படாமல் உடனடியாக சுட்டுக் கொல்லப்பட வேண்டும்.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84433
மதிப்பீடுகள் : 10530

View user profile http://www.sivastar.net

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by கோ. செந்தில்குமார் on Thu May 01, 2014 9:08 am

@சிவா wrote:[link="/t109891-topic#1060960"]இதற்குக் காரணமானவர்கள் யாராக இருந்தாலும், எத்தனை பேராக இருந்தாலும் கைது செய்யப்படாமல் உடனடியாக சுட்டுக் கொல்லப்பட வேண்டும்.

இதற்கு காரணமானவர்கள் மேல் போர் தான் தொடுக்க வேண்டும்...! போர் ஒன்றே நிரந்தர தீர்வாக இருக்க முடியும்...!
avatar
கோ. செந்தில்குமார்
இளையநிலா

இளையநிலா

நிகழ்நிலை
இணையாநிலை

பதிவுகள் : 332
மதிப்பீடுகள் : 105

View user profile http://www.aanmeegachudar.blogspot.in

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by soplangi on Thu May 01, 2014 9:43 am

சென்னை: சென்னை சென்ட்ரல் ரயில்வே ஸ்டேஷனில் இன்று காலையில் பயங்கர குண்டு வெடித்தது. இதில் சிக்கி 10க்கும் மேற்பட்டோர் காயமுற்றதாகவும், 6 பேர் பலியானதாக முதலில் கூறப்பட்டது. பெண் ஒருவர் பலியானதாக உறுதி செய்யப்பட்டுள்ளது. இந்த குண்டுவெடிப்பிற்கு யார் காரணம் என்ற விவரம் அறியப்படவில்லை. சந்தேகத்திற்கு இடமான ஒருவர் கைது செய்யப்பட்டுள்ளார். சம்பவ இடத்தில் போலீஸ் அதிகாரிகள் குவிக்கப்பட்டுள்ளனர். குண்டு வெடிப்பு சம்பவம் தமிழகத்தில் பரபரப்பை ஏற்படுத்தியுள்ளது.இந்த குண்டுவெடிப்பை அடுத்து மாநிலம் முழுவதும் போலீசார் உஷார்படுத்தப்பட்டுள்ளனர்.
காலை 7. 40 மணியளவில் கவுகாத்தியில் இருந்து பெங்களூர் செல்லும் எக்ஸ்பிரஸ் ரயில் வந்து நின்றதும். இந்த குண்டு வெடித்தது. 9ம் பிளாட்பாமில் இந்த சம்வபவம் நிகழ்ந்துள்ளது.

காயமுற்றோர் அரசு ஆஸ்பத்திரிக்கு அனுப்பி வைக்கப்பட்டுள்ளனர். 10 க்கும் மேற்பட்டோர் காயமுற்றதாக தெரிகிறது. சம்பவ இடத்தில் 6பேர் இறந்துள்னர். ரயில் பெட்டிகள் எஸ். -4 எஸ்- 5 முழுமையாக சேதமடைந்துள்ளன.


ரயில்வே மேலாளர் பேட்டி: இந்த சம்பவம் குறித்து ரயில்வே பொது மேலாளர் ராகேஷ் மிஸ்ரா கூறுகையில், ரயில் வந்ததும் குண்டு வெடிப்பு நிகழ்ந்துள்ளது. 2 முறை குண்டு வெடித்துள்ளது. பெண் ஒருவர் பலியாகியுள்ளார். 2 பேர் படுகாயமுற்றுள்ளனர். 7 பேர் லேசான காயமுற்றுள்ளனர். கண்காணிப்பு காமிரா மூலம் அடுத்தடுத்து விசாரணைகள் தொடரும். பலியானவர் குடும்பத்தினருக்கு ரூ. 1 லட்சமும், படுகாயமுற்றோருக்கு 25 ஆயிரமும், லேசான காயமுற்றோருக்கு ரூ. 5 ஆயிரமும் வழங்கிட உத்தரவிடப்பட்டுள்ளது. உதவி தொலைபேசிக்கு 04425357398 இந்த எண்ணில தொடர்பு கொள்ளலாம். முழு விசாரைணக்கு பின்னரே அனைத்து விஷயங்களையும் சொல்ல முடியும். இவ்வாறு அவர் கூறினார்.

மாநிலம் முழுவதும் போலீஸ் உஷார்: சென்னை குண்டு வெடிப்பை அடுத்து கோவை- திருச்சி-நெல்லை, சேலம் , மதுரை உள்ளிட்ட நகரங்களில் போலீஸ் உஷார் படுத்தப்பட்டுள்ளனர். மக்கள் கூடும் இடங்கள், ரயில்வே நிலையம், விமான நிலையம் பகுதிகளில் போலீஸ் ரோந்து பணி துரிதப்படுத்தப்பட்டுள்ளது.

மத்திய உள்துறை விளக்கம் கேட்கிறது: இன்று நடந்த குண்டுவெடிப்பு சம்பவம் தொடர்பாக அனைத்து விவரங்களையும் அனுப்பி வைக்குமாறு மத்திய அரசு மாநில அரசுக்கு உத்தரவு பிறப்பித்துள்ளது.

-- dinamalar
avatar
soplangi
இளையநிலா

இளையநிலா

நிகழ்நிலை
இணையாநிலை

பதிவுகள் : 980
மதிப்பீடுகள் : 285

View user profile

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by soplangi on Thu May 01, 2014 9:44 am

சென்னை சென்ட்ரல் ரயில் நிலையத்தின் 9-வது பிளாட்பாரத்தில் குண்டுவெடிப்பு சம்பவம் நிகழ்ந்துள்ளது. பயங்கர சப்தத்துடன் சக்தி வாய்ந்த குண்டு வெடித்ததால் அங்கு பெரும் பரபரப்பு ஏற்பட்டுள்ளது. கவுஹாத்தி-பெங்களூரு விரைவு ரயில் 9-வது நடைமேடைக்கு வந்த போது இந்த குண்டு வெடிப்பு சம்பவம் நிகழ்ந்துள்ளதாக தகவல்கள் தெரிவிக்கின்றன. இந்த ரயிலின் எஸ் 4 பெட்டியில் பயங்கர சத்தத்துடன் குண்டு வெடித்ததாகவும் தகவல் தெரிவிக்கின்றன. இந்த குண்டுவெடிப்புச் சம்பவத்தில் 10 பேர் காயமடைந்துள்ளதாக ரயில்வே அதிகாரிகள் தகவல் தெரிவித்துள்ளனர். படுகாயமடைந்த 10 பேரும் சிகிச்சைக்காக அரசு பொது மருத்துவமனையில் அனுமதிக்கப்பட்டுள்ளனர். குண்டு வெடிப்பில் 2 ரயில் பெட்டிகள் முற்றிலும் சேதமடைந்துவிட்டதாகவவும் தெரிகிறது.

ஒருவர் பலி:

சென்னை சென்ட்ரலில் நிகழ்ந்த குண்டுவெடிப்பில் குண்டூரைச் சேர்ந்த சுவாதி என்ற பெண் பயணி ஒருவர் சம்பவ இடத்திலேயே பலியாகியுள்ளதாக தகவல் தெரிவிக்கின்றன. குண்டுவெடிப்பை தொடர்ந்து சென்னை சென்ட்ரலில் போலீஸார் பாதுகாப்பிற்காக குவிக்கப்பட்டுள்ளனர்.

தீவிரவாதிகள் சதியா?

பாகிஸ்தான் ஐ.எஸ்.ஐ உளவாளி ஜாகீர் உசேன் நேற்று முன்தினம் சென்னையில் கைது செய்யப்பட்ட நிலையில் தற்போது சென்னை சென்ட்ரல் நிலையத்தில் குண்டுவெடித்துள்ளது.

அறிக்கை அளிக்க உத்தரவு:

சென்ட்ரல் ரயில் நிலைய குண்டு வெடிப்பு தொடர்பாக அறிக்கை தர தமிழக அரசுக்கு உள்துறை அமைச்சகம் உத்தரவிட்டுள்ளது.

அறிக்கை அளிக்க உத்தரவு:

சென்ட்ரல் ரயில் நிலைய குண்டு வெடிப்பு தொடர்பாக அறிக்கை தர தமிழக அரசுக்கு உள்துறை அமைச்சகம் உத்தரவிட்டுள்ளது.

இழப்பீடு அறிவிப்பு:

குண்டுவெடிப்பில் உயிரிழந்த பெண்ணின் குடும்பத்திற்கு ரூ.1 லட்சமும், படுகாயமடைந்ததோருக்கு ரூ.25,000, லேசான காயமடைந்தோருக்கு ரூ.5,000 இழப்பீடு வழங்கப்படும் என்று தெற்கு ரயில்வே பொது மேலாளர் ராகேஷ் மிஸ்ராதெரிவித்தார். குண்டுவெடிப்பு தொடர்பாக தொலைபேசியில் ரயில்வே அமைச்சர் விசாரித்ததாக ரயில்வே அதிகாரி தெரிவித்தார். பிற ரயில்கள் வழக்கம் போல இயக்கப்படும் என்றும் அவர் தெரிவித்தார். ரயில் குண்டுவெடிப்பு தகவல்களை பெற 044 25357398 என்ற எண்ணில் தொடர்பு கொள்ளலாம் என்றும் தெரிவித்தார்.இந்த குண்டு வெடிப்பு சம்பவம் தொடர்பாக போலீஸ் விசாரணை தொடங்கியுள்ளதாக கூறினார்.

-- dinakaran
avatar
soplangi
இளையநிலா

இளையநிலா

நிகழ்நிலை
இணையாநிலை

பதிவுகள் : 980
மதிப்பீடுகள் : 285

View user profile

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by soplangi on Thu May 01, 2014 9:47 am

சென்னை சென்ட்ரல் ரயில் நிலையத்தில் நடந்த வெடிகுண்டு வெடிப்பு சம்பவத்தில் தொடர்புடையவராக கருதப்படும் ஒரு நபரை போலீசார் கைது செய்துள்ளனர். இவர் ரயிலில் பதுங்கியிருந்ததாக கூறப்படுகிறது. போலீசார் அவரிடம் தீவிர விசாரணை நடத்தி வருகின்றனர்.
avatar
soplangi
இளையநிலா

இளையநிலா

நிகழ்நிலை
இணையாநிலை

பதிவுகள் : 980
மதிப்பீடுகள் : 285

View user profile

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by soplangi on Thu May 01, 2014 9:47 am

சென்னை சென்ட்ரல் ரயில் நிலையத்தில் இன்று காலை நடைபெற்ற குண்டுவெடிப்பு சம்பவம் தொடர்பாக அறிக்கை தாக்கல் தர வேண்டும் என தமிழக அரசுக்கு மத்திய உள்துறை அமைச்சகம் உத்தரவிட்டுள்ளது.
avatar
soplangi
இளையநிலா

இளையநிலா

நிகழ்நிலை
இணையாநிலை

பதிவுகள் : 980
மதிப்பீடுகள் : 285

View user profile

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by soplangi on Thu May 01, 2014 9:47 am

குண்டுவெடிப்பு சம்பவம் நடைபெற்றதை அடுத்து சென்னை சென்ட்ரல் ரயில் நிலையத்தில் ரயில் சேவை நிறுத்தப்பட்டுள்ளது. சென்ட்ரலுக்கு வர வேண்டிய ரயில்கள் மாற்றுப் பாதையில் திருப்பி விடப்பட்டுள்ளன.
avatar
soplangi
இளையநிலா

இளையநிலா

நிகழ்நிலை
இணையாநிலை

பதிவுகள் : 980
மதிப்பீடுகள் : 285

View user profile

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by soplangi on Thu May 01, 2014 9:48 am



சென்னை சென்டரல் ரெயில் நிலையத்தில் 9 வது நடைமேடையில் பயங்கர சத்தத்துடன் குண்டுவெடித்தது. இதில் ஒருவர் பலியாகினார். காயம் அடைந்தவர்கள் மருத்துவமனைக்கு கொண்டு செல்லப்பட்டனர்.
avatar
soplangi
இளையநிலா

இளையநிலா

நிகழ்நிலை
இணையாநிலை

பதிவுகள் : 980
மதிப்பீடுகள் : 285

View user profile

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by soplangi on Thu May 01, 2014 9:49 am

சென்னை சென்ட்ரல் ரெயில் நிலையத்தில் இன்று காலை குண்டு வெடித்தது. இதில் ஒருவர் பலியாகியுள்ளார்.

குண்டுவெடிப்பு

சென்னை சென்ட்ரல் ரெயில் நிலையத்திற்கு இன்று காலை அசாம் மாநிலம் கவுகாத்தியில் இருந்து எக்ஸ்பிரஸ் ரெயில் வந்தது. ரெயில் 9 வது நடைமேடையில் வந்து நின்றது. அப்போது ரெயிலில் இருந்த பயணிகள் இழே இறங்க தயாரானார்கள். அப்போது ரெயிலில் இருந்த 2 குண்டுகள் பலத்த சத்தத்துடன் வெடித்தது. குண்டு வெடித்ததில் ரெயிலின் எஸ் 4 மற்றும் எஸ் 5 பெட்டிகள் சேதம் அடைந்தன. குண்டு வெடிப்பில் 22 வயது சுவாதி என்ற பெண் ஒருவர் பலியாகினர். மேலும், 12 பேர் படுகாயம் அடைந்தனர்.

6 பேரது நிலை கவலைக்கிடம்

குண்டு வெடிப்பை அடுத்து அங்கு போலீசார் விரைந்தனர். போலீசார் அனைத்து பகுதிகளையும் சுற்றி வளைத்தனர். காயம் அடைந்தவர்களை உடனடியாக மீட்டு அருகே உள்ள ராஜீவ்காந்தி அரசு மருத்துவமனைக்கு கொண்டு சென்றனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது. இதில் 6 பேரது நிலை மிகவும் கவலைக்கிடமாக உள்ளது என்று தகவல்கள் தெரிவித்துள்ளன.

இதற்கிடையே சென்னை சென்ட்ரல் ரெயில் நிலையத்தில் பாதுகாப்பு அதிகரிக்கப்பட்டுள்ளது. போலீசார் கவுகாத்தில் ரெயிலின் அனைத்து பெட்டிகளையும் சோதனை செய்தனர். தொடர்ந்து ரெயில் நிலையம் முழுவதும் தேடுதல் வேட்டை தீவிரப்படுத்தப்பட்டுள்ளது.

ரெயில் சேவை நிறுத்தம்

ரெயில் நிலையத்தில் குண்டு வெடித்தது மிகவும் பரபரப்பை ஏற்படுத்தியுள்ளது. இதனால் பயணிகள் மத்தியில் பெரும் அச்சம் ஏற்பட்டுள்ளது. ரெயில் நிலையத்தில் சோதனை நடைபெறுவதால் வேறு பகுதியில் இருந்து சென்னைக்கு வரும் ரெயில்கள் அனைத்தும் நிறுத்தப்பட்டுள்ளது. ரெயில் சேவை நிறுத்தப்பட்டுள்ளது. வெளி இடங்களில் இருந்து வரும் அனைத்து ரெயில்களும் வெவ்வேறு பகுதிகளில் நிறுத்தப்பட்டுள்ளது.

பாதுகாப்பு வளையத்திற்குள் சென்னை

எப்போதும் மிகவும் பரபரப்பாக இருக்கும் சென்னை சென்ட்ரல் ரெயில் நிலையத்தில் குண்டு வெடித்ததை அடுத்து ரெயில் நிலையம் மற்றும் அதனை சுற்றி உள்ள பகுதிகளில் பலத்த பாதுகாப்பு போடப்பட்டுள்ளது. சென்ட்ரலில் குண்டு வெடித்ததை அடுத்து எழும்பூர் ரெயில் நிலையத்திலும் பாதுகாப்பு அதிகரிக்கப்பட்டுள்ளது. போலீசார் குவிக்கப்பட்டுள்ளனர். தொடர்ந்து சென்னையில் அனைத்து முக்கிய பகுதிகளிலும் பாதுகாப்பு தீவிரப்படுத்தப்பட்டுள்ளது.

குண்டு வெடிப்புக்கான காரணம் இதுவரையில் தெரியவில்லை என்று தமிழக டி.ஜி.பி. தகவல் தெரிவித்துள்ளார். ,மோப்ப நாய்களுடன் அங்கு தொடர்ந்து சோதனை நடத்தப்பட்டு வருகிறது.

-- daily thanthi
avatar
soplangi
இளையநிலா

இளையநிலா

நிகழ்நிலை
இணையாநிலை

பதிவுகள் : 980
மதிப்பீடுகள் : 285

View user profile

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by soplangi on Thu May 01, 2014 9:51 am

சென்னை சென்ட்ரல் ரயில் நிலையத்தில் இன்று காலை 7.45 மணியளவில் குண்டு வெடித்தது.

இதில் ஒரு பெண் உயிரிழந்ததாக போலீஸ் தகவல் தெரிவிக்கிறது. சுமார் 10 பேர் படுகாயத்துடன் மருத்துவமனையில் அனுமதிக்கப்பட்டதாக முதல் கட்ட தகவல் தெரிவிக்கின்றன.

சென்ட்ரல் ரயில் நிலையத்தில், கவுகாத்தி - பெங்களூர் எக்ஸ்பிரஸ் ரயில், 9-வது நடைமேடைக்கு வந்தபோது இந்த குண்டு வெடிப்பு நிகழ்ந்தது.

இந்தக் குண்டுவெடிப்பில் ஏற்பட்ட சேதம் குறித்து உடனடியாக அதிகாரப்பூர்வ தகவல் வெளியிடப்படவில்லை. காயமடைந்தவர்கள் உடனடியாக அருகிலுள்ள அரசு மருத்துவமனையில் சேர்க்கப்பட்டனர்.

குண்டுவெடிப்புச் சம்பவத்தைத் தொடர்ந்து சென்னை எழும்பூர் ரயில் நிலையத்திற்கும், சென்னை விமான நிலையத்திற்கும் கூடுதல் பாதுகாப்பு அளிக்கப்பட்டிருக்கிறது.

சென்னை சென்ட்ரல் ரயில் நிலையம் முழுவதுமாக காவல்துறை கட்டுப்பாட்டுக்குள் கொண்டு வரப்பட்டுள்ளது. சென்னை - சென்ட்ரல் ரயில் நிலையத்தில் ரயில் சேவை தற்காலிகமாக நிறுத்திவைக்கப்பட்டுள்ளது. மேலும் தகவல்கள் எதிர்பார்க்கப்படுகிறது.

சென்னையில் நேற்று (புதன்கிழமை) பாகிஸ்தாப் உளவாளி ஒருவர் கைது செய்யப்பட்டார். இந்நிலையில் இன்று சென்னையில் குண்டு வெடிப்பு நடந்துள்ளது கவனிக்கத்தக்கது.

சென்னை - சென்ட்ரல் ரயில் நிலைய ஹெல்ப்லைன்: 044 - 2535 7398

-- the hindu - tamil
avatar
soplangi
இளையநிலா

இளையநிலா

நிகழ்நிலை
இணையாநிலை

பதிவுகள் : 980
மதிப்பீடுகள் : 285

View user profile

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by soplangi on Thu May 01, 2014 11:59 am

avatar
soplangi
இளையநிலா

இளையநிலா

நிகழ்நிலை
இணையாநிலை

பதிவுகள் : 980
மதிப்பீடுகள் : 285

View user profile

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by soplangi on Thu May 01, 2014 12:15 pm

avatar
soplangi
இளையநிலா

இளையநிலா

நிகழ்நிலை
இணையாநிலை

பதிவுகள் : 980
மதிப்பீடுகள் : 285

View user profile

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by கிருஷ்ணா on Thu May 01, 2014 3:10 pm

மனிதனால் தடுக்க இயலாத மரணங்கள் மலேசிய விமானம்-300+ கொரிய கப்பல் -200+ என தொடர்ந்து மனம் வருத்தும் செய்திகள் கேட்டும் எப்படி மனிதனுக்கு மனிதனே அழிவைத்தர மனம் வருகின்றது. அவர்களின் வருத்தத்தையும் கோபத்தையும் காட்ட அடுத்தவர்களின் வாழ்வை அரிக்கும் உரிமை இவர்களுக்கு யார் கொடுத்தது?
avatar
கிருஷ்ணா
இளையநிலா

இளையநிலா

நிகழ்நிலை
இணையாநிலை

பதிவுகள் : 539
மதிப்பீடுகள் : 223

View user profile

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by சிவா on Fri May 02, 2014 3:07 am

சென்னை சம்பவத்திற்கு ஸ்லீப்பர் செல் காரணமா?கடலூரில் பயங்கரவாதி கைது

கடலூர்:சென்னை சென்ட்ரலில், நேற்று நடந்த குண்டு வெடிப்பு சம்பவம் தொடர்பாக, ராஜஸ்தானை சேர்ந்த இந்தியன் முஜாகிதீன் அமைப்பை சேர்ந்த பயங்கரவாதியை கடலூரில் போலீசார் நேற்று கைது செய்தனர்.

ராஜஸ்தானை சேர்ந்தவன், அஷ்ரப் அலி, 40. தற்போது கடலூரில் தங்கியுள்ள அஷ்ரப் அலியை, ராஜஸ்தான் போலீசார் மற்றும் பயங்கரவாத தடுப்புப் பிரிவு படையினர் பல நாட்களாக தேடி வந்துள்ளனர். அங்கு காலணி வியாபாரம் செய்த அலி, இந்தியன் முஜாகிதீன் அமைப்பை சேர்ந்தவன்.அங்குள்ள இளைஞர்களுக்கு, ஸ்லீப்பர் செல்லாக மாற்றி பயங்கரவாத செயல்களில் ஈடுபடுத்தி வந்துள்ளான். ஜோத்ப்பூர், டில்லி உள்ளிட்ட இடங்களில் நடந்த அசம்பாவிதங்களில் அலிக்கு முக்கிய தொடர்பு இருப்பதாக கூறப்படுகிறது. ராஜஸ்தானிலிருந்து டில்லி சென்ற அலி, அங்கிருந்து ரயில் மூலம் தமிழகம் வந்து கடலூர் மாவட்டத்தில் தங்கியுள்ளான்.

இதுகுறித்து, தமிழக போலீசாருக்கும் தகவல் கொடுக்கப்பட்டது. இந்நிலையில் கடலூரில் தங்கியிருந்த அஷ்ரப் அலியை போலீசார் நேற்று கைது செய்தனர். சென்னையில் நேற்று நடந்த குண்டு வெடிப்பிலும் அலிக்கு தொடர்பு இருக்கலாம் என்ற வகையில் விசாரிக்கப்படுகிறது. இந்த சம்பவத்தில் ஸ்லீப்பர் செல் முறை கடைபிடிக்கப்பட்டதா எனவும் போலீசார் விசாரிக்கின்றனர்.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84433
மதிப்பீடுகள் : 10530

View user profile http://www.sivastar.net

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by சிவா on Fri May 02, 2014 3:08 am

குறைந்த சக்தி கொண்ட 'டைம் பாம்'

சென்னை, சென்ட்ரல் ரயில் நிலையத்தில் வெடித்தது, மிக குறைந்த சக்தி கொண்ட, 'டைம் பாம்' என, தெரியவந்துள்ளது.

சென்னை, சென்ட்ரல் ரயில் நிலையத்தில், கவுகாத்தி ரயிலின் இரண்டு பெட்டிகளில், குண்டுகள் வெடித்ததில், ஒரு பெண் பலியானார்; 14 பேர் காயமடைந்தனர்.சம்பவ இடத்தில் கிடைத்த, வெடிகுண்டுகளின் பாகங்களை, வெடிகுண்டு நிபுணர்கள் சேகரித்து, ஆய்வு மேற்கொண்டனர்.முதல் கட்ட ஆய்வில், அது குறைந்த சக்தி கொண்ட, 'டைம் பாம்' என்பது தெரியவந்துள்ளது.நாட்டு வெடிகுண்டு தயாரிக்க பயன்படுத்தும், 'அமோனியம் நைட்ரேட்' கலந்த வெடிமருந்துடன், சில ரசாயன பொருட்களையும், இரும்பு துகள்கள் உள்ளிட்ட சில பொருட்களையும் கலந்து, இந்த குண்டு தயாரிக்கப்பட்டுள்ளதாக கூறப்படுகிறது.வெடிமருந்து உள்ளிட்ட பொருட்களை ஒன்றாக கலந்து, இறுக்கி கட்டி, அதனுடன், 'டைமர், பேட்டரி' ஆகியவற்றை சேர்த்துஉள்ளதும் தெரியவந்துள்ளது.

இதுகுறித்து, வெடிகுண்டு நிபுணர் கள் தரப்பில் கூறப்படுவதாவது:பயணிகள் இருக்கையின் அடியில் குண்டு வைக்கப்பட்டு, பயணிகளின் உடைமைகள் சிலவற்றை கொண்டு அழுத்தப்பட்டுஉள்ளது. இதனால்தான், வெடித்தபோது இந்த அளவு சேதம் ஏற்பட்டு உள்ளது. குண்டு வெளியில் இருந்துஇருந்தால், சேதம் குறைந்திருக்கும். மேலும், இந்த வெடிகுண்டு, சென்னையில் வைக்கப்பட்டிருக்க வாய்ப்பில்லை; பெங்களூரிலோ, வேறு இடங்களிலோ வைத்து ரயிலில் வைக்கப்பட்டிருக்கலாம். இவ்வாறு அவர்கள் தெரிவித்தனர்.

பீகார் குண்டு உதாரணம்!

சென்னை, சென்ட்ரலில் நடந்த குண்டு வெடிப்பு சம்பவம் போன்றே, கடந்த ஆண்டு, பீகார் மாநிலம், பாட்னாவில் குண்டு வெடிப்பு சம்பவங்கள் நடந்துள்ளன. இதை நடத்தியது, 'இந்தியன் முஜாகிதீன்' பயங்கரவாத அமைப்பு என்பதை, போலீசார் உறுதிப்படுத்தினர்.பாட்னா ரயில் நிலையம் மற்றும் பாட்னா காந்தி மைதானம் உள்ளிட்ட, எட்டு இடங்களில், கடந்த ஆண்டு, அக்டோபர், 27ம் தேதி குண்டு வெடிப்பு நிகழ்ந்தது. இதில், ஆறு பேர் பலியாகினர்; 85 பேர் காயம் அடைந்தனர்.பீகார் சம்பவத்தில், அமோனியம் நைட்ரேட் கொண்டு தயாரிக்கப்பட்ட குறைந்த சக்தி கொண்ட, 'டைம் பாம்' பயன்படுத்தப்பட்டிருந்தது.

சென்னையில் வெடித்தது ஆந்திராவுக்கான குண்டா?பெங்களூர் - கவுகாத்தி ரயில் கால அட்டவணை நேரத்தைவிட, ஒன்றரை மணி நேரம் தாமதமாக, பயணித்ததால், ஆந்திராவில் வெடித்திருக்க வேண்டிய குண்டுகள், சென்னை சென்ட்ரலிலேயே வெடித்து விட்டதோ என்ற சந்தேகம் எழுந்துள்ளது.ஆந்திராவில், தேர்தல் நடப்பதையொட்டி, நெல்லூர், குண்டூர், பீமாவரம், மதன பள்ளி, திருப்பதி உள்ளிட்ட, ஆறு இடங்களில், பா.ஜ., பிரதமர் வேட்பாளர் மோடி, நேற்று பிரசாரம் மேற்கொண்டார். கவுகாத்தி ரயில் செல்லும் வழித்தடமும், இந்த நகரங்களை ஒட்டியே செல்கிறது.எனவே, மக்கள் மத்தியில் பீதியை ஏற்படுத்தும் வகையில், ஆந்திராவிற்கு குண்டுகள் அனுப்பப்பட்டு இருக்கலாமோ என்ற சந்தேகம் எழுந்துள்ளது.ரயில் தாமதமானதால், இந்த குண்டுகள் சென்னையிலேயே வெடித்திருக்கலாம் என்ற கோணத்திலும் விசாரணை முடுக்கி விடப்பட்டுள்ளது.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84433
மதிப்பீடுகள் : 10530

View user profile http://www.sivastar.net

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by சிவா on Fri May 02, 2014 3:10 am



சென்னை சென்ட்ரல் ரயில் நிலையத்தில், கவுகாத்தி எக்ஸ்பிரஸ் ரயிலில், நேற்று நடந்த இரட்டை குண்டு வெடிப்பில், ஆந்திராவைச் சேர்ந்த இளம் பெண் உயிரிழந்தார்; 14 பேர் காயம் அடைந்தனர். இந்த சம்பவம், பாகிஸ்தான் உளவுப் பிரிவான ஐ.எஸ்.ஐ.,யின் ஆதரவு பயங்கரவாதிகளின் கைவரிசையாக இருக்குமோ என்ற சந்தேகம் எழுந்துள்ளது. இதன் அடிப்படை யில், விசாரணையை துவக்கிய தமிழக சிறப்பு புலனாய்வு பிரிவு போலீசார், கண்காணிப்பு கேமராவில் சிக்கிய, ஐந்து பேரை தேடி வருகின்றனர்.

பெங்களூரில் இருந்து சென்னை வழியாக, அசாம் மாநிலம், கவுகாத்தி செல்லும், கவுகாத்தி எக்ஸ்பிரஸ் ரயில் (எண் 12509) நேற்று காலை, 7:05 மணிக்கு, சென்ட்ரல் ரயில் நிலையம் வந்தது.

பெண் பலி:

ரயில் நிலையத்தின், ஒன்பதாவது பிளாட்பாரத்திற்கு வந்து நின்ற அந்த ரயிலில் இருந்து, பயணிகள் இறங்கத் துவங்கினர். பயணிகள் இறங்கிக் கொண்டிருக்கும் போது, 7:14 மணி அளவில், எஸ் 4 மற்றும் எஸ் 5 பெட்டிகளில், அடுத்தடுத்து, இரண்டு குண்டுகள் வெடித்தன.இந்த சம்பவத்தில், அந்த பெட்டிகளில் இருந்த, 15க்கும் மேற்பட்ட பயணிகள் படுகாயமடைந்தனர். எஸ் 4 பெட்டியில், 70ம் எண் இருக்கையில் பயணித்த ஆந்திர மாநிலம், குண்டூரை சேர்ந்த சுவாதி, 22, சம்பவ இடத்திலேயே பலியானார்.

அதிகாரிகள் விரைவு:

அடுத்தடுத்த பெட்டிகளில், குண்டு வெடிப்பு நிகழ்ந்ததால், பயணிகள், ரயில் பெட்டியிலிருந்து இறங்கி, பதற்றத்துடன் அங்கும் இங்கும் ஓடினர். சென்ட்ரல் ரயில்வே போலீசார், ரயில்வே பாதுகாப்பு படையினர், ரயில்வே பாதுகாப்பு அதிகாரிகள் சம்பவ இடத்திற்கு விரைந்தனர். ஒன்பதாவது பிளாட்பாரம் பகுதியில், போலீசார், பாதுகாப்பிற்கு நிறுத்தப்பட்டு, அங்கு யாரையும் அனுமதிக்க வில்லை. குண்டு வெடிப் பில், காயமடைந்த, 14 பேரை உடனடியாக மீட்டு, ஆம்புலன்சில், ரயில் நிலையம் எதிரில் உள்ள, ராஜிவ் காந்தி அரசு மருத்துவமனைக்கு கொண்டு சென்றனர்.

தடயங்கள் சேகரிப்பு :

தொடர்ந்து, அங்கு வந்த வெடிகுண்டு தடுப்பு பிரிவினர் மற்றும் தடயவியல் நிபுணர்கள், ரயில் பெட்டி களில் சோதனை செய்தனர். ஆறு மோப்ப நாய்கள் வரவழைக்கப்பட்டு, ரயில் முழுவதும் சோதனை செய்யப்பட்டது.குண்டுவெடிப்பில் பாதிப்பு அடைந்த. எஸ் 4, எஸ் 5, பெட்டிகளுடன், எஸ் 3 பெட்டியும் அந்த ரயிலில் இருந்து, விடுவிக்கப்பட்டு, ஆய்வுக்கு கொண்டு செல்லப்பட்டன.பெட்டிகள் விடுவிக்கப்பட்டவுடன், குண்டு வெடிப்பு நடந்த பெட்டிக்கு கீழே தண்டவாள பகுதியில், வெடிகுண்டு நிபுணர்கள் அங்கு கிடந்த ஒயர், மரத்துண்டுகள் உள்ளிட்ட தடயங்களை சேகரித்தனர்.

வழக்குப் பதிவு :

தமிழகத்தை உலுக்கிய இந்த சம்பவம் குறித்து, சென்ட்ரல் ரயில் நிலைய துணை மேலாளர் பாலசுப்ரமணி அளித்த புகாரின் பேரில், கொலை, கொலை முயற்சி, கொடுங்காயம் ஏற்படுத்துதல், தமிழ்நாடு வெடிமருந்து தடுப்பு சட்டத்தின் முதல், இரு பிரிவுகள், ரயில்வே பாதுகாப்பு சட்டத்தின் பிரிவுகளின் கீழ் வழக்குப் பதிவு செய்யப்பட்டது.தொடர்ந்து, தமிழக அரசு உத்தரவுப்படி, இந்த வழக்கு, சி.பி.சி.ஐ.டி.,யின் சிறப்பு புலனாய்வு பிரிவிற்கு மாற்றப்பட்டு, புலனாய்வுப் பிரிவு அதிகாரிகள் விசாரணை நடத்தி வருகின்றனர்.சென்ட்ரல் ரயில் நிலைய கண்காணிப்பு கேமராவில், கவுகாத்திரயிலில், ஐந்து மர்ம நபர்கள் ஏறுவதும், இறங்குவதுமாக இருந்தது பதிவாகி உள்ளது. இந்த ஐந்து பேரையும், போலீசார் தேடி வருகின்றனர்.

பயங்கரவாதிகள் சதியா?

சென்னை மண்ணடியில், மருந்து மற்றும் துணி வியாபாரி போல் பதுங்கியிருந்து, தீவிரவாதிகள் உதவியுடன், அமெரிக்க துணை தூதரகம் உள்ளிட்ட முக்கிய இடங்களை தகர்க்க உளவு பார்த்த, பாகிஸ்தான் உளவு அமைப்பான, ஐ.எஸ்.ஐ., உளவாளி முகமது ஜாகீர் உசேனை, 37, இரண்டு நாட்களுக்கு முன், க்யூ பிரிவு போலீசார் கைது செய்தனர்.தொடர்ந்து, நேற்று முன்தினம் இரவு, தமிழக டி.ஜி.பி., அலுவலகத்தை தொடர்பு கொண்ட மர்ம நபர்கள், 'ஜாகீர் உசேனை, நான்கு மணி நேரத்தில் விடுவிக்க வேண்டும். தவறினால், பேரிழப்பை சந்திக்க நேரிடும்' என, மிரட்டல் விடுத்துள்ளனர். இதனால், போலீசார் உஷார்படுத்தப்பட்டனர்.இந்த மிரட்டலை தொடர்ந்து, சென்ட்ரல் ரயில் நிலைய வெடிகுண்டு சம்பவம் நடந்துள்ளதால், ஐ.எஸ்.ஐ., ஆதரவு பயங்கரவாதிகள் நடத்திய தாக்குதலாக இருக்குமோ என்ற சந்தேகம், போலீசாருக்கு ஏற்பட்டுள்ளது. கிடைத்துள்ள சில தடயங்கள் அடிப்படையில், போலீசார் விசாரணையை நடத்தி வருகின்றனர்.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84433
மதிப்பீடுகள் : 10530

View user profile http://www.sivastar.net

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by சிவா on Fri May 02, 2014 3:11 am



பிலால் மாலிக்கிடம் விசாரணை :

இந்த சதிச் செயல் தொடர்பாக, அதே ரயிலில் பயணித்த, பீகார் மாநிலத்தைச் சேர்ந்த முகமது காலித், விசாகப்பட்டினத்தைச் சேர்ந்த ஆனந்த் வினய் மற்றும், போலீசாரிடம் சிக்கியுள்ள,

பாகிஸ்தான் உளவாளி ஜாகீர் உசேனின் கூட்டாளிகள் சிலரிடமும், போலீசார் விசாரித்து வருகின்றனர்.மேலும், கவுகாத்தி எக்ஸ்பிரஸ் ரயிலில், பெங்களூரில் இருந்து சென்னை வந்து, அதன் பின், சென்னை விமான நிலையத்தில் கைதான, கவுகாத்தியைச் சேர்ந்த, அகமது ஹூசைன் பவுச்சியா, 25, என்பவரையும், போலீசார் விசாரித்து வருகின்றனர்.இதற்கிடையில், வேலூர் சிறையில் இருக்கும் பயங்கரவாதி பிலால் மாலிக், சிறை அதிகாரிகளிடம், சென்னை குண்டு வெடிப்பு சம்பவம்; பலியானவர்கள் விவரத்தை கேட்டுள்ளான்.இதையடுத்து, உளவுப் பிரிவு போலீசார், பிலால் மாலிக்கிற்கு இத்தகவல் கிடைத்தது எப்படி என்பது தொடர்பாக விசாரணை நடத்தி வருகின்றனர்.

சென்னையில் ஒத்திகையா?

கடந்த சில தினங்களாகவே, கடல் வழியாக பயங்கரவாதிகள் ஊடுருவி, தமிழகத்தில் தாக்குதல் நடத்தக் கூடும் என, மத்திய உளவுப் பிரிவு போலீசார் எச்சரித்திருந்ததனர். இதன் தொடர்ச்சியாக, சென்ட்ரல் ரயில் நிலைய குண்டு வெடிப்பு சம்பவம் நடந்துள்ளதால், பயங்கரவாதிகள், சென்னையில், ஒத்திகை நடத்தியிருக்கலாம் என்ற சந்தேகமும் போலீசாருக்கு ஏற்பட்டுள்ளது.தொடர் விசாரணையில், இந்த சந்தேகங்களுக்கு விடை கிடைக்கும் என நம்பப்படுகிறது.

ரூ.1 லட்சம் இழப்பீடு!

''குண்டு வெடிப்பில் உயிரிழந்த சுவாதியின் குடும்பத்திற்கு, ஒரு லட்சம் ரூபாய் நிதி வழங்கப்படும்,'' என, தெற்கு ரயில்வே பொது மேலாளர் ராகேஷ் மிஸ்ரா தெரிவித்தார். அவர் மேலும் கூறுகையில், ''படுகாயம் அடைந்தவர்களுக்கு, 25 ஆயிரம் ரூபாயும், சாதாரண காயமடைந்தவர்களுக்கு, 5,000 ரூபாய் நிவாரணம் வழங்க, ரயில்வே அமைச்சர் உத்தரவிட்டுள்ளார். விபத்து குறித்த விசாரணையில், காவல் துறையினரோடு இணைந்து செயல்படுவோம்,'' என்றார்.

ஓடும் ரயிலில் நடந்த விசாரணை:

கவுகாத்தி ரயிலில் குண்டு வெடித்த போது, அந்த ரயிலின், எஸ் 4, எஸ் 5 பெட்டிகள் மற்றும் அருகில் இணைக்கப்பட்டிருந்த, எஸ் 3 பெட்டிகளின் பயணிகள், அலறி அடித்தபடி, தங்கள் உடைமைகளை எடுக்காமல், ரயிலில் இருந்து கீழே இறங்கி, அங்கிருந்து ஓடிவிட்டனர். அதன்பின், உடைமைகளை எடுக்க வந்த ஒருவரை, போலீசார் பிடித்து விசாரித்ததால், பயணிகள்அப்பகுதிக்கு வருவதை தவிர்த்தனர். சம்பந்தப்பட்ட, மூன்று பெட்டிகளும் ரயிலில் இருந்து பிரிக்கப்பட்டு, அதற்குப் பின், புதிய பெட்டிகள் இணைக்கப்பட்டன. ரயிலில் இருந்து பிரிக்கப்பட்ட பெட்டிகளில் இருந்த பயணிகளின் உடைமைகள், டிராலி மூலம், ரயில் நிலையத்திற்கு கொண்டுவரப்பட்டு, அடையாளம் அறியப்பட்டு, பயணிகளிடம் ஒப்படைக்கப்பட்டன. தொடர்ந்து, கவுகாத்தி ரயில், சென்ட்ரலில் இருந்து, காலை, 11:38 மணிக்கு, கவுகாத்திக்கு புறப்பட்டு சென்றது. அதில், ரயில்வே பாதுகாப்பு படை இன்ஸ்பெக்டர் உள்ளிட்ட, 15 போலீசார் பாதுகாப்பிற்காக சென்றனர்.ஆந்திர மாநிலம், கூடூர் வரை சென்ற அவர்கள், செல்லும் வழியில், பயணிகளிடம், குண்டுவெடிப்பு சம்பவம் குறித்து விசாரணை நடத்தினர்.

ஜெ., அதிரடி என்.ஐ.ஏ., வரவில்லை:

சென்னை, சென்ட்ரல் ரயில் நிலைய குண்டுவெடிப்பு சம்பவம் தொடர்பாக, விசாரணை நடத்த, தேசிய பாதுகாப்பு படையின் (என்.எஸ்.ஜி.,) தடவியல் நிபுணர்களை டில்லியில் இருந்தும் தேசிய புலனாய்வு ஏஜன்சியின் (என்.ஐ.ஏ.,) அதிகாரிகளை ஐதராபாத்தில் இருந்தும், தமிழகத்திற்கு அனுப்ப, மத்திய உள்துறை அமைச்சகம் முடிவு செய்தது. ஆனால், தமிழக முதல்வர் ஜெயலலிதா, குண்டுவெடிப்பு தொடர்பான விசாரணையை, சி.பி.சி.ஐ.டி., போலீசார் மேற்கொள்ள உத்தரவிட்டார். இதையடுத்து, தமிழக உள்துறை கேட்டுக் கொண்டதன் பேரில், என்.எஸ்.ஜி., மற்றும் என்.ஐ.ஏ., அதிகாரிகளை, தமிழகத்திற்கு அனுப்புவதை மத்திய அரசு நிறுத்திக் கொண்டது.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84433
மதிப்பீடுகள் : 10530

View user profile http://www.sivastar.net

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by சிவா on Fri May 02, 2014 3:12 am


டிக்கெட் பரிசோதகர் மாரடைப்பால் மரணம்

கவுகாத்தி எக்ஸ்பிரஸ் ரயிலில், சென்னை, அயனாவரத்தைச் சேர்ந்த பாலமுரளி, 44, என்பவர், டிக்கெட் பரிசோதகராக பணியாற்றினார்.ரயில், பெரம்பூர் வந்தபோது, பாலமுரளி, எஸ் 3 பெட்டியில் இருந்து, எஸ் 4 பெட்டிக்கு சென்றார். அப்பெட்டியின் கடைசி பகுதியில், 70வது இருக்கைக்கு கீழ் குண்டு வெடித்ததை பார்த்ததும், அதிர்ச்சியடைந்து மயங்கி விழுந்தார்.பாலமுரளியை, ரயில்வே போலீசார் மீட்டு, பெரம்பூர் ரயில்வே மருத்துமனையில் சேர்த்தனர். ஆனால், சிகிச்சை பலனின்றி, பகல், 12:00 மணிக்கு பாலமுரளி இறந்தார்.

ரயில்கள் புறப்படுவதில் தாமதம்:

ரயில் குண்டு வெடிப்பு சம்பவத்தை அடுத்து, சென்னை, சென்ட்ரல் ரயில் நிலையத்தில் இருந்து புறப்பட வேண்டிய பெங்களூரு 'ஏசி' ரயில், பெங்களூர், பிருந்தாவன், கோரமண்டல், நவஜீவன் எக்ஸ்பிரஸ் ரயில்கள், அரை மணி நேரம் முதல், ஒன்றரை மணி நேரம் வரை தாமதமாக புறப்பட்டு சென்றன.இதே போல, சென்ட்ரலுக்கு வர வேண்டிய மங்களூர், திருவனந்தபுரம், முசாபர்பூர் எக்ஸ்பிரஸ் ரயில்கள் ஆங்காங்கே நடுவழியில் நிறுத்தப்பட்டன. அந்த ரயில்கள், ஒன்றரை மணி நேரம் தாமதமாக சென்ட்ரல் ரயில் நிலையம் வந்தன.

குண்டு வைக்கப்பட்ட ஊர் எது?

கவுகாத்தி எக்ஸ்பிரஸ் ரயில், பெங்களூரில் இருந்து புறப்பட்டு, அடுத்ததாக, கிருஷ்ணராஜபுரம் வந்த போது, அனைத்து இருக்கைகளும் நிரம்பி விட்டன. அடுத்து, பங்காருபேட்டையில், டிக்கெட் பரிசோதகரும், சோதனை செய்து விட்டு சென்று விட்டார்.அதற்குப் பின், முன்பதிவு செய்யாத பயணிகள் பலர், ரயிலில் ஏறியுள்ளனர். ஜோலார்பேட்டை, அரக்கோணம், காட்பாடி போன்ற பகுதிகளிலும், முன்பதிவு செய்யாத பயணிகள் ஏறியுள்ளனர்.இதனால், குண்டு இருந்த பை எங்கு வைக்கப்பட்டது என்பது குறித்து, பயணிகளுக்கு தெரியவில்லை. இது தொடர்பாக விசாரணை நடக்கிறது.

ரகசிய கேமராவில் சிக்கிய 5 பேர் :

சென்னை, சென்ட்ரல் ரயில் நிலையத்தில், குண்டு வெடிப்பு நிகழ்ந்த ஒன்பதாவது பிளாட்பாரத்தில், ஐந்து, கண்காணிப்பு கேமராக்கள் உள்ளன. இவற்றில் உள்ள பதிவுகளை போலீசார் ஆய்வு செய்தனர்.இதில், கவுகாத்தி எக்ஸ்பிரஸ் ரயில், ஒன்பதாவது பிளாட்பாரத்தில் காலை, 7:05 மணிக்கு வந்து நிற்பது, அதில் இருந்து சிலர் இறங்குவது, சிலர் ஏறுவது போன்ற காட்சிகள் பதிவாகியிருந்தன.அப்போது, 35 வயது மதிக்கத்தக்க, ஐந்து பேர், தோளில் பைகளுடன், ரயிலுக்குள் செல்வது, சிறிது நேரம் கழித்து பைகள் இல்லாமல் இறங்கிச் செல்வதுதெரிந்துள்ளது. அதில் ஒருவர், ரயிலையே திரும்பி திரும்பி பார்த்து செல்வது போன்ற காட்சிகள், அவர்கள் சென்ற சிறிது நேரத்தில், ரயில் பெட்டியிலிருந்து கூச்சல், குழப்பம், புகை தெரிவது போன்ற காட்சிகளும் இடம் பெற்றுள்ளன.இந்த காட்சிகளை கண்ட போலீசார், சம்பந்தப்பட்ட ஐந்து பேரை அடையாளம் காணும் முயற்சியில் ஈடுபட்டுள்ளனர்.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84433
மதிப்பீடுகள் : 10530

View user profile http://www.sivastar.net

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by சிவா on Fri May 02, 2014 3:12 am



சந்தேக நபரிடம் விசாரணை

ரயில் பெட்டியில் குண்டுவெடித்த போது, அதில் பயணித்த ஒரு வாலிபர், பயந்து வெளியில் இறங்கி ஓடினார். அப்போது, தன் உடைமைகளை, பெட்டிக்கு வெளியில் வைத்து விட்டு சென்று விட்டார்.அதன் பின், முன்பதிவு அல்லாத பெட்டியில் அமர்ந்து கொண்ட அவர், ஒன்றரை மணி நேரம் கழித்து, தன் உடைமைகளை எடுக்க வந்தார். அப்போது போலீசார் சந்தேகத்தின் அடிப்படையில், அவரை சுற்றி வளைத்து பிடித்தனர்.விசாரணையில் அவர், அசாம் மாநிலத்தை சேர்ந்த முமைத் கான். சென்னைக்கு வேலை தேடி வந்துள்ளார் என்பதும், மொழி தெரியாத நிலையில், போலீசாரையும், துப்பாக்கியையும் கண்டு பயந்து ஓட்டம் பிடித்துள்ளார் என்றும் தெரிய வந்தது.பிடிபட்ட அந்த வாலிபர் தான், வெடிகுண்டு வைத்ததாக வதந்தி பரவியதால், சிறிது நேரம் பரபரப்பு ஏற்பட்டது. இதையடுத்து அந்த வாலிபர், காவல் நிலையத்துக்கு அழைத்துச் செல்லப்பட்டார்.

தொடர்பு கொள்ளுங்கள்

சென்னை சென்ட்ரல் ரயில் நிலையத்தில் நடந்த குண்டு வெடிப்பு சம்பவம் தொடர்பாக, தகவல் அறிய, தொலைபேசி எண் அறிவிக்கப்பட்டுள்ளது. சென்னையை தொடர்பு கொள்வோர், 044 - -2535 7398 என்ற தொலைபேசி எண்ணில் தகவல் தெரிந்து கொள்ளலாம்.பெங்களூரு ஹெல்ப் லைனை, 080 - 2235 6409, 080 - 2215 6553 என்ற எண்களிலும், பெங்களூரு ரயில்வே கட்டுப்பாட்டு அறையை, 080 - 2287 6288 என்ற எண்ணிலும் தொடர்பு கொள்ளலாம்.

தமிழகத்தில் நடந்த குண்டுவெடிப்புகள்

*1984 ஆகஸ்ட்: சென்னை மீனம்பாக்கம் விமானநிலையத்தில் குண்டு வெடித்ததில் 33 பேர் பலி. 27 பேர் காயம்.

*1987 மார்ச் 16: சென்னை- -திருச்சி ராக்போர்ட் எக்ஸ்பிரஸ் ரயிலில், அரியலூர் அருகே குண்டு வெடித்ததில் 25 பேர் பலி. 150 பேர் காயம்.

*1991 மே 21: முன்னாள் பிரதமர் ராஜிவ் பங்கேற்ற ஸ்ரீபெரும்புதூர் பிரசார பொதுக்கூட்டத்தில் மனித வெடிகுண்டு தாக்குதல் நடத்தப்பட்டது. இதில் ராஜிவ் உட்பட 15 பேர் பலி.

*1998 பிப்.14: கோவையில் பா.ஜ., மூத்த தலைவர் அத்வானியை குறிவைத்து நடத்திய தொடர் குண்டுவெடிப்பு தாக்குதலில் 58 பேர் பலி. 200க்கும் அதிகமானோர் காயம்.

*2014 மே 1: நேற்று சென்னை சென்ட்ரல் ரயில் நிலையத்துக்கு வந்த கவுகாத்தி ரயிலில் குண்டு வெடித்து ஒருவர் பலி. 14 பேர் காயம்.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84433
மதிப்பீடுகள் : 10530

View user profile http://www.sivastar.net

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by சிவா on Fri May 02, 2014 3:25 am

குண்டுவெடிப்பு எதிரொலி: சென்னை விமானநிலையத்தில் 5 அடுக்கு போலீஸ் பாதுகாப்பு

சென்னை சென்டிரல் ரெயில் நிலைய குண்டுவெடிப்பை தொடர்ந்து சென்னை விமான நிலையத்தில் பலத்த போலீஸ் பாதுகாப்பு போடப்பட்டுள்ளது.

5 அடுக்கு போலீஸ் பாதுகாப்பு

சென்னை சென்டிரல் ரெயில் நிலையத்தில் நேற்று காலை கவுகாத்தி ரெயிலில் குண்டுவெடிப்பு நடந்தது. இதில் பெண் ஒருவர் உயிர் இழந்தார். பலர் படுகாயம் அடைந்தனர்.

இதனைத்தொடர்ந்து ரெயில் நிலையங்களில் பலத்த போலீஸ் பாதுகாப்பு போடப்பட்டுள்ளது. இதேபோல், சென்னை விமானநிலையத்தில் 5 அடுக்கு போலீஸ் பாதுகாப்பு போடப்பட்டுள்ளது. விமானநிலையத்தில் கார் மற்றும் இருசக்கர வாகனங்கள் நிறுத்தப்பட்டுள்ள இடங்களில் விமானநிலைய உதவி கமிஷனர் விஜயகுமார், இன்ஸ்பெக்டர் மகிமைவீரன் தலைமையில் போலீசார் தீவிர சோதனை நடத்தினர். மோப்பநாய்களும் வாகனசோதனையில் ஈடுபடுத்தப்பட்டது. விமான நிலையத்திற்கு வரும் பயணிகள் கடும் சோதனைக்கு பின்னரே அனுமதிக்கப்பட்டனர்.

தாம்பரம் ரெயில்நிலையம்

இதேபோல், தாம்பரம் ரெயில் நிலையத்தில் பயணிகள் கடும் சோதனைக்கு பின்னரே ரெயில் நிலையத்திற்குள் அனுமதிக்கப்பட்டனர். மெட்டல் டிடெக்டர் கருவி உதவியுடன் பயணிகளின் உடைமைகள் கடுமையாக சோதிக்கப்பட்டது.

சந்தேகப்படும் நபர்களிடம் தீவிரமாக போலீசார் விசாரணை நடத்தியபின்னரே ரெயிலில் செல்ல அனுமதித்தனர். தொடர்ந்து தாம்பரம், பல்லாவரம், திரிசூலம் ரெயில் நிலையங்களில் போலீசார் தீவிர ரோந்து பணியில் ஈடுபட்டுள்ளனர்.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84433
மதிப்பீடுகள் : 10530

View user profile http://www.sivastar.net

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by சிவா on Fri May 02, 2014 3:26 am

பயங்கர சத்தத்துடன் குண்டு வெடித்தது ரெயில் பயணிகள் பரபரப்பு தகவல்

பயங்கர சத்தத்துடன் வெடிகுண்டுகள் வெடித்ததாகவும், உயிர் பிழைக்க ஒருவர் மீது ஒருவர் மிதித்து தள்ளி ஓடினோம் என்று ரெயிலில் பயணம் செய்த பயணிகள் அதிர்ச்சியுடன் கூறினர்.

பயங்கர சத்தம்

பெங்களூர்–கவுகாத்தி எக்ஸ்பிரஸ் ரெயிலில் எஸ்.7 பெட்டியில் பயணம் செய்த திருப்பத்தூரை சேர்ந்த நளினி(வயது 33) என்ற பயணி குண்டுவெடிப்பு சம்பவம் குறித்து அதிர்ச்சியுடன் கூறியதாவது:–

கவுகாத்தியில் உள்ள சிலிகுடி எனும் பகுதியில் வசித்து வரும் என்னுடைய சகோதரரை பார்ப்பதற்காக நானும் என்னுடைய குடும்பத்தை சேர்ந்த 13 பேரும் ஜோலார்பேட்டையில் இருந்து அதிகாலை 3.30 மணியளவில் கவுகாத்தி எக்ஸ்பிரசில் ஏறினோம். பின்னர் நாங்கள் அனைவரும் அயர்ந்து தூங்கினோம். காலை 7.05 மணிக்கு ரெயில் சென்டிரல் வந்தது. நாங்கள் அனைவரும் எழுந்து இருக்கையில் அமர்ந்து இருந்தோம். அப்போது திடீரென்று நின்ற ரெயில் குலுங்கியபடி பயங்கர சத்தத்துடன் அதிர்ந்தது.நாங்கள் என்னமோ? ஏதோ? என்று பதறிய வேளையில், ரெயிலில் குண்டுகள் வெடித்து விட்டது என்ற மற்ற பெட்டிகளில் இருந்த பயணிகள் அலறியடித்து கொண்டு ஓடினர். இதையடுத்து நாங்களும், எங்கள் பெட்டியில் இருந்த சக பயணிகளும் வேகமாக ரெயிலில் இருந்து வெளியேறினோம். அப்போது அனைவரும் உயிர் பிழைப்பதற்காக ஒருவர் மீது ஒருவர் ஏறி தள்ளிக்கொண்டு ஓடினார்கள்.

இவ்வாறு அவர் கூறினார்.

ரத்த சகதியாக...

எஸ்.5 பெட்டியில் பயணம் செய்த பெங்களூரை சேர்ந்த ரம்யா தேவி(வயது 29) கூறும்போது, ‘பெங்களூரில் இருந்து கவுகாத்தியில் உள்ள எனது உறவினர் வீட்டுக்கு செல்வதற்காக ரெயிலில் வந்துகொண்டிருந்தேன். காலையில் ரெயில் சென்னை வந்ததும் கழிவறை கண்ணாடி அருகே நின்று பல் துலக்கி கொண்டிருந்தேன்.

அப்போது அருகில் உள்ள எஸ்.4 பெட்டியில் இருந்து, ‘டமார்’ என்று பயங்கர சத்தம் கேட்டது. பின்னர் புகையாக வெளியேறியது. உடனே நான் பதற்றத்துடன் சென்று அங்கு பார்வையிட்டேன். அப்போது அந்த பெட்டியில் இருந்து ஒரே அழு குரல் சத்தமாக கேட்டது. நான் கால் வைத்த இடம் ரத்த சகதியாக இருந்தது. பலர் மயங்கிய நிலையில் ரத்த வெள்ளத்தில் கிடந்தனர். இந்த காட்சியை பார்த்த நான் அந்த பெட்டியில் அப்படியே அதிர்ச்சியில் உறைந்து போய் நின்று விட்டேன். உடனடியாக வந்த என் கணவர் மொய்துன் மினியா என்னை ரெயிலில் இருந்து வெளியே அழைத்து வந்தார். கழிவறை அருகே நின்று கொண்டிருந்ததால் அதிர்ஷ்டவசமாக உயிர் பிழைத்துள்ளேன்.’ என்றார்.

22 பவுன் நகை மீட்பு

எஸ்.3 பெட்டியில் பயணம் செய்த பெங்களூரை சேர்ந்த வியாபாரி பதல்சிங்(50) கூறியதாவது:–

நான் என்னுடைய தொழில் சம்பந்தமாக எனது மனைவி சுமந்தாவுடன் கவுகாத்திக்கு சென்று கொண்டிருந்தேன். ரெயிலில் அயர்ந்து தூங்கி கொண்டு பயணம் செய்தேன். காலை 7.05 மணிக்கு ரெயில் சென்னை சென்டிரலை வந்தடைந்தது. அப்போது நான் காபி குடிக்கலாம் என்று எண்ணி பிளாட்பாரத்தில் விற்பனை செய்யப்பட்ட காபியை வாங்கி குடிக்க தயாரானேன். அப்போது திடீரென்று பயங்கரம் சத்தம் கேட்டது. சிறிது நேரத்தில் பயணிகள் அலறும் சத்தம் கேட்டது. பயணிகள் ஒருவரை ஒருவர் இடித்து தள்ளிக்கொண்டு ரெயிலில் இருந்து கீழே இறங்கி ஓடிய வண்ணம் இருந்தனர். இதையடுத்து அசம்பாவிதத்தை உணர்ந்த நான் உடனடியாக ஓடிச்சென்று என்னுடைய உடைமைகளையும், மனைவியையும் அழைத்து கொண்டு ரெயிலில் இருந்து வெளியே ஓடி வந்தேன். அப்போது ரெயிலில் இருந்து பெண் பயணி ஒருவரின் பிணத்தை கொண்டு வருவதை பார்த்து அதிர்ச்சியடைந்த நான் என்னுடைய உடைமையை, 22 பவுன் நகைகள் இருந்தும் தூக்கி வீசி விட்டு ஓடினேன். பின்னர் அதிர்ச்சி விலகிய பிறகு நான் என்னுடைய உடைமையை தேடி வந்த போது கிடைக்கவில்லை. பின்னர் போலீசார் என்னுடைய உடைமையை பத்திரமாக மீட்டு ஒப்படைந்தனர்.

இவ்வாறு அவர் கூறினார்.

இதேபோன்று பல பயணிகளும் அதிர்ச்சியுடன் குண்டுவெடிப்பு சம்பவம் குறித்து கூறினர்.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84433
மதிப்பீடுகள் : 10530

View user profile http://www.sivastar.net

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by சிவா on Fri May 02, 2014 3:29 am

ஸ்வாதிக்கு இன்னும் 2 மாதத்தில் திருமணம்… அதற்குள் குண்டு வெடிப்பில் பலியான சோகம்

குண்டூர்: சென்னை ரயில் நிலையத்தில் நடந்த குண்டுவெடிப்புகளில் பலியான ஸ்வாதிக்கு இன்னும் இரண்டு மாதத்தில் திருமணம் நடக்க இருந்ததாக தகவல் வெளியாகியுள்ளது.

அவர் கடந்த ஜனவரி மாதம் தான் முதல் சம்பளத்தை வாங்கினாராம். சென்னை சென்ட்ரல் ரயில் நிலையத்திற்கு இன்று காலை வந்த பெங்களூர்-குவகாத்தி எக்ஸ்பிரஸ் ரயிலில் 2 குண்டுகள் வெடித்ததில் ஆந்திர மாநிலம் குண்டூரைச் சேர்ந்த ஸ்வாதி பரச்சூரி(22) என்ற பெண் பலியானார்.

அவர் குறித்த தகவல்கள் தற்போது கிடைத்துள்ளது.

ஸ்வாதி குண்டூரில் வசிக்கும் ராமகிருஷ்ணன் - காமாட்சி தம்பதியினருக்கு மகளாக பிறந்தார். இவர் ஒரு விவசாய குடும்பத்தை சேர்ந்த பெண். இவரது தாயார் ஆசிரியராக பணியாற்றி வருகிறார். இவருக்கு 2 மாதங்களில் திருமணம் நடக்க இருந்ததாக அவரது பெற்றோர்கள் தெரிவித்துள்ளனர்.

விடுமுறையை குண்டூரில் கழிக்க பெங்களூரில் குவகாத்தி எக்ஸ்பிரஸ் ரயிலில் ஏறியுள்ளார் ஸ்வாதி. அவர் தட்கலில் டிக்கெட் எடுத்துள்ளார்.

ஸ்வாதி நேற்று மாலை எனக்கு போன் செய்து ரயில் ஏறிவிட்டதாக தெரிவித்தாள். அவள் பெங்களூரில் உள்ள டி.சி.எஸ். நிறுவனத்தில் சாப்ட்வேர் புரோகிராமராக வேலை பார்த்தாள் என்றார் ஸ்வாதியின் பாட்டி ராஜலக்ஷ்மி.

ஸ்வாதி ஸ்காலர்ஷிப் மூலம் கல்வியை முடித்தாள். படிப்பில் அவள் கெட்டிக்காரி. அவள் பி.டெக் படித்த முடித்தவுடன் வேலை கிடைத்தது. நாங்கள் சாதாரண நடுத்தர குடும்பத்தைச் சேர்ந்தவர்கள். அவள் தான் எங்கள் நம்பிக்கையாக இருந்தாள் என்றார் ராஜலக்ஷ்மி.

ஸ்வாதி கடந்த ஆண்டு டிசம்பர் மாதம் பெங்களூருக்கு சென்று அங்குள்ள டி.சி.எஸ். நிறுவனத்தில் வேலைக்கு சேர்ந்தாள். அவள் அங்கு மகிழ்ச்சியாக வேலை பார்த்தாள். அவளுக்கு பெங்களூர், அங்குள்ள மக்கள் மிகவும் பிடித்திருந்தது. அவள் தினமும் எங்களுக்கு போன் செய்து பேசுவாள் என்று பேத்தி பற்றி தெரிவித்தார் ராஜலக்ஷ்மி.

ஸ்வாதி கடந்த ஜனவரி மாதம் தான் முதல் சம்பளத்தை வாங்கினாள். கடந்த 2 மாதங்களாக குண்டூருக்கு வர திட்டமிட்டு நேற்று தான் கிளம்பினாள். அவள் இன்று மாலை குண்டூரை அடைய வேண்டும். அவளுக்காக நாங்கள் வீட்டில் அவள் விரும்பி சாப்பிடுவதை தயாரித்து வைத்தோம் என்று ராஜலக்ஷ்மி கூறினார்.

நடந்ததை எங்களால் நினைத்துக் கூட பார்க்க முடியவில்லை. கடவுள் எப்படி எங்கள் குழந்தையை இந்த முறையில் எடுத்துக் கொள்ளலாம்? அவள் என்ன தவறு செய்தாள். அவளை ஏன் கொன்றார்கள்? அவள் ஒரு அப்பாவி பயணி என்றார் பாட்டி.

சம்பவம் நடந்த ரயிலில் ஸ்வாதியின் சீட்டுக்கு அடியில் தான் குண்டு வைக்கப்பட்டிருந்ததாக தகவல்கள் வெளியாகியுள்ளன.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84433
மதிப்பீடுகள் : 10530

View user profile http://www.sivastar.net

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by சிவா on Fri May 02, 2014 3:30 am

கோழைத்தனமான தாக்குதல்- சென்னை குண்டுவெடிப்புக்கு பிரதமர் கண்டனம்

சென்னை: சென்னையில் சென்ட்ரல் ரயில் நிலையத்தில் நிகழ்ந்த இரட்டை குண்டுவெடிப்பு சம்பவத்துக்கு பிரதமர் மன்மோகன்சிங் கடும் கண்டனம் தெரிவித்துள்ளார்.

கோழைத்தனமான தாக்குதல்- சென்னை குண்டுவெடிப்புக்கு பிரதமர் கண்டனம் இது தொடர்பாக பிரதமர் மன்மோகன்சிங் வெளியிட்டுள்ள அறிக்கையில், சென்னை சென்ட்ரல் ரயில் நிலையத்தில் நிகழ்ந்த சம்பவம் மிகுந்த வேதனை அளிக்கிறது. இது கோழைத்தனமானது.

இதற்கு பொறுப்பானவர்கள் மீது நடவடிக்கை எடுக்கப்படும். இந்த சம்பவத்தில் பலியானவருக்கு ஆழ்ந்த இரங்கலைத் தெரிவித்துக் கொள்கிறேன் என்று கூறியுள்ளார்.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84433
மதிப்பீடுகள் : 10530

View user profile http://www.sivastar.net

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by சிவா on Fri May 02, 2014 3:32 am

குண்டுவெடிப்பு: தமிழகத்திலே அரசு இருக்கிறதா, முதல்வர் இருக்கிறாரா?.. கருணாநிதி கடும் கண்டனம்

சென்னை: சென்னை சென்ட்ரலில் இன்று காலை நடைபெற்ற குண்டுவெடிப்பிற்கு தமிழக முதல்வர் ஜெயலலிதா தலைமையிலான அதிமுக அரசின் பொறுப்பற்ற தன்மையே காரணம் என்று குற்றம் சாட்டியுள்ளார் திமுக தலைவர் கருணாநிதி.

இதுபற்றி அவர் வெளியிட்டுள்ள அறிக்கையில்,

"சென்னை சென்ட்ரல் ரயில் நிலையத்தில், குண்டு வெடித்து, சிலர் இறந்து விட்டதாகவும், மேலும் பலர் காயமடைந்திருப்பதாகவும் செய்திகள் வந்து கொண்டிருக்கின்றன. இந்த விபத்தில் மறைந்தவர்களின் குடும்பங்களுக்கு எனது ஆழ்ந்த இரங்கலையும், காயமடைந்தோர் விரைவில் நலம் பெற என்னுடைய விழைவினையும் தெரிவித்துக் கொள்கிறேன்.

தமிழகத்திலே சட்டம், ஒழுங்கு கேட்பாரற்ற நிலையிலே இருப்பதாகவும், அதுபற்றி அக்கறையோடு முறையாக நடவடிக்கைகள் எதுவும் எடுப்பதில்லை என்றும் நான் பல நாட்களாக தொடர்ந்து கூறிக் கொண்டே இருந்தேன். ஆனாலும் அ.தி.மு.க. அரசினர் அதைக் காதில் போட்டுக் கொள்ளவும் இல்லை; கவனம் செலுத்தவுமில்லை.

தற்போது கூட இரண்டு நாட்களுக்கு முன்பு, பாகிஸ்தான் தீவிரவாதி, ஐ.எஸ்.ஐ. உளவாளி, ஜாகீர் உசேன் என்பவரைத் தமிழகக் காவல் துறை கைது செய்துள்ளது. காவல் துறையினர் என்ன தான் திறமையாகப் பணியாற்றிய போதிலும், அவ்வப்போது ஆய்வு செய்து, அவர்களை வழி நடத்தி உரிய அறிவுரைகளை வழங்கிட வேண்டிய அந்தத் துறையின் பொறுப்பினை ஏற்றுள்ள முதலமைச்சர் நெருக்கடியான நேரத்திலே கூட தலைநகரிலே இல்லாத காரணத்தால், அந்தத் தீவிரவாதி கைது செய்யப்பட்ட பிறகும், மேற்கொள்ளப்பட வேண்டிய முன்னெச்சரிக்கை நடவடிக்கைகள் முறையாகவும், துல்லியமாகவும் எடுக்கப்படாத காரணத்தால் தான், இன்று காலையில் சென்ட்ரல் புகைவண்டி நிலையத்தில் குண்டு வெடித்துள்ளது.

வெடிக்காத பைப் வெடி குண்டு ஒன்றும் கண்டுபிடிக்கப்பட்டுள்ளது. தற்போது அப்படிப்பட்ட நிர்வாகச் செயல்பாடுகள் இல்லாமல் காவல் துறையினர் எப்படி முடிவெடுப்பது என்று புரியாமல் திசை அறியாத நிலையில் இருப்பதாகவும் கூறப் படுகிறது. ஜாகீர் உசேன் கைது செய்யப்பட்டதும், தீவிரவாத நடவடிக்கைகள் என்ன என்று உடனடியாக முறைப்படி முழுமையான விசாரணைகள் நடைபெற்றிருக்குமானால், சென்ட்ரல் ரயில் நிலையத்தில் நடைபெற்ற குண்டு வெடிப்பு சம்பவம் நடைபெற்றிருக்காமலே கூடத் தவிர்க்கப்பட்டிருக்கலாம். தீவிரவாதிகள் மேலும் என்னென்ன திட்டமிட்டிருக்கிறார்கள் என்பது பற்றியும் நுண்ணறிவுப் பிரிவின் ஆலோசனையுடன் காவல் துறை உடனடியாக நடவடிக்கை மேற்கொள்ள வேண்டும். ஆனால் காவல் துறைக்குப் பொறுப்பேற்றுள்ள தமிழக முதலமைச்சர் மீண்டும் கொடநாடு சென்று விட்டார். தமிழகத்தில் கடும் வறட்சி, குடிநீர் தட்டுப்பாடு என்று அனைத்து நாளேடு களிலும் செய்தி வந்து கொண்டிருக்கின்றது.

மக்கள் ஆங்காங்கு காலிக் குடங்களோடு மறியல் போராட்டம் நடத்திக் கொண்டிருக்கின்றார்கள். தேர்தல் வரை மறைந்திருந்த மின்வெட்டு இன்னும் ஒரு சில நாட்களில் கடுமையாகி விடும் என்று சொல்கிறார்கள். இதற்கிடையே மின் கட்டணத்தை மீண்டும் உயர்த்தப் போவதாகவும் செய்திகள் வந்துள்ளன. ஆம்னி பேருந்துகளில் இன்று முதல் கட்டணம் உயர்த்தப்பட்டிருப்பதாகவும் இன்று செய்தி வந்துள்ளது. அ.தி.மு.க. அரசின் அனுமதி இல்லாமலா இந்தக் கட்டண உயர்வு நடைபெற்றிருக்கிறது? சட்டம், ஒழுங்கு கேட்கவே வேண்டிய தில்லை.

கொள்ளைக்காரர்கள் ரயிலை நிறுத்தி பெண் பயணிகளிடம் நகைகளைக் கொள்ளை அடித்து விட்டுச் செல்கிறார்கள். கொலை நடக்காத நாட்களே இல்லை. தண்ணீரின்றி காய்ந்து போன நெற்பயிர்களை விவசாயிகளே தீ வைத்து அழித்து வரும் கொடுமை கம்பம் பள்ளத்தாக்குப் பகுதிகளில் நிலவி வருவதாக "தீக்கதிர்" நாளேடே புகைப்படத்துடன் செய்தி வெளியிட்டிருக்கிறது. பாசனத்திற்கான தண்ணீர் பஞ்சம் ஏற்பட்டுள்ள நிலையில் குறுவைப் பயிரிட வாய்ப்பில்லை என்றும் விவசாயிகள் வேதனை முகட்டுக்கே சென்று விட்டார்கள் என்றும் செய்திகள் வருகின்றன. இதைப்பற்றியெல்லாம் கவலைப்பட தமிழகத்திலே செயல்படும் ஒரு அரசு இருக்கிறதா? முதலமைச்சர் இருக்கிறாரா? அமைச்சர்கள் இருக்கிறார்களா? என்பது தான் வேதனையிலும் வேதனை" என்று கூறியுள்ளார்.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84433
மதிப்பீடுகள் : 10530

View user profile http://www.sivastar.net

Back to top Go down

ஈகரை Re: சென்னை சென்ட்ரல் ரயில் நிலையத்தில் குண்டு வெடித்தது...!

Post by Sponsored content


Sponsored content

நிகழ்நிலை
இணையாநிலை


Back to top Go down

Page 1 of 2 1, 2  Next

View previous topic View next topic Back to top


Permissions in this forum:
You cannot reply to topics in this forum