வரதட்சணை கொடுக்க கூட்டுறவு வங்கிகளில் கடன்

**டார்வின்** · **டார்வின்** Mon Jan 13, 2014 9:43 am

திருவனந்தபுரம் : திருமணத்திற்கு வரதட்சணை கொடுக்க பணம் இல்லாதவர்களுக்கும் கடன் வழங்க கூட்டுறவு வங்கிகள் தயாராக இருக்கிறது என கூட்டுறவுத் துறை அமைச்சர் சி.என். பாலகிருஷ்ணன் கூறியது கேரளாவில் சர்ச்சையை ஏற்படுத்தியுள்ளது. கேரள கூட்டுறவுத் துறை அமைச்சராக இருப்பவர் சி.என்.பாலகிருஷ்ணன். இவர் நேற்று முன்தினம் கோழிக்கோடு அருகே உள்ள சேவாயூர் கூட்டுறவு வங்கி பொன்விழா கட்டிட திறப்பு விழாவில் கலந்து கொண்டார். அப்போது அவர் பேசியதாவது:கேரளாவில் கூட்டுறவு வங்கிகள் மக்களோடு மக்களாக இணைந்து செயல்பட்டு வருகின்றன. ஏழை, எளிய மக்களுக்காகத் தான் கூட்டுறவு வங்கிகள் இயங்கி வருகின்றன. சாதாரண மக்கள் தங்களது எந்த தேவைகளுக்கும் வங்கிகளை அணுகலாம். பொதுவாக திருமணத்திற்கு யாரும் வரதட்சணை வாங்கக் கூடாது என கூறுவார்கள்.

ஆனால் இன்றைய காலகட்டத்தில் வரதட்சணை இல்லாமல் திருமணம் நடத்த முடியாது என்ற நிலை உள்ளது.வரதட்சணை கொடுத்தால் தான் திருமணத்தை நடத்த முடியும் என்ற நிலை உருவாகி விட்டது. இதனால் வரதட்சணை கொடுக்க முடியாதவர்கள் பெரும் சிரமப்படுகின்றனர். நாளை ஒரு திருமணம் நடைபெறுகிறது என்றால் அவசர தேவைக்கு உதவுபவர் கூட்டுறவு வங்கித் தலைவர் தான். திருமணச் செலவு உட்பட அனைத்து தேவைகளுக்கும் கூட்டுறவு வங்கிகளில் இருந்து 24 மணிநேரத்தில் கடன் வாங்கிக் கொள்ளலாம்.இவ்வாறு அவர் பேசினார்.

அமைச்சர் பாலகிருஷ்ணனின் இந்த பேச்சு கேரளாவில் சர்ச்சையை ஏற்படுத்தியுள்ளது. பல்வேறு மகளிர் அமைப்புகள் இதற்கு கடும் கண்டனம் தெரிவித்துள்ளன. அமைச்சரே வரதட்சணை வாங்க மக்களை கட்டாயப்படுத்துவது கடும் கண்டனத்திற்குரியது என மகளிர் அமைப்புகள் குற்றம் சாட்டியுள்ளன.ஆனால் இதற்கு அமைச்சர் பாலகிருஷ்ணன் மறுப்பு தெரிவித்துள்ளார்.திருமண நேரத்தில் ஏற்படும் பெரிய செலவுகளுக்கு கூட்டுறவு வங்கிகள் உதவியாக இருக்கும் என்ற அர்த்தத்தில் தான் நான் கூறினேன். வரதட்சணைக்கு ஆதரவாக நான் பேசவில்லை என்று அவர் கூறியுள்ளார்.
thinakaran

**ஜாஹீதாபானு** · 16/04/2011

எப்படியாவது பேங்க்ல கடன் வாங்க வேண்டும் என்றே போட்ட திட்டமா இருக்கு...

இனிமே மாப்பிள்ளை வீட்டுக்காரங்க கூசாம பேங்க்ல கடன் வாங்குங்கனு சொல்லிடுவாங்க. இன்னும் வரதட்சனைப்பேய் தலை விரித்தாடும்

**ராஜா** · **ராஜா** Mon Jan 13, 2014 10:24 am

நல்லதிட்டம் ,

இதே போல தமிழ்நாட்டிலும் புரட்சி தலைவி டாக்டர் அம்மா அவர்கள் டாஸ்மாக்கில் குடிப்பதற்கு கூட்டுறவு சங்கம் மூலம் லோன் கொடுத்தால் நன்றாக இருக்கும். புன்னகை

பாலாஜி · பாலாஜி Mon Jan 13, 2014 12:10 pm

ராஜா wrote:நல்லதிட்டம் ,

இதே போல தமிழ்நாட்டிலும் புரட்சி தலைவி டாக்டர் அம்மா அவர்கள் டாஸ்மாக்கில் குடிப்பதற்கு கூட்டுறவு சங்கம் மூலம் லோன் கொடுத்தால் நன்றாக இருக்கும்.

**krishnaamma** · **krishnaamma** Mon Jan 13, 2014 2:50 pm

ஜாஹீதாபானு wrote:எப்படியாவது பேங்க்ல கடன் வாங்க வேண்டும் என்றே போட்ட திட்டமா இருக்கு...

இனிமே மாப்பிள்ளை வீட்டுக்காரங்க கூசாம பேங்க்ல கடன் வாங்குங்கனு சொல்லிடுவாங்க. இன்னும் வரதட்சனைப்பேய் தலை விரித்தாடும்

ஆமாம் ரொம்ப சரி புன்னகை

கொள்ளை யடிக்க பல வழிகள் போல இதுவும் ஒன்று போல இருக்கு. எனக்கு தெரிந்த நண்பர் நிலமே இல்லை, பேங்க் மனேஜரை சரிக்கட்டி குறிந்த வட்டி இல் நகை கடன் வாங்கி இருக்கார் சோகம்

அதுபோலத்தான் இதுவும், குழந்தைகளே இல்லாதவா கூட பெரிய ஆட்கள் சிபாரிசுடன் தாராளமாய் லோன் வாங்கலாம் ஏமாத்தலாம்.............நம் நாட்டில் எதுவும் நடக்கும். கஷ்டப்படுபவர்கள் கஷ்டப்பட்டுக் கொண்டே இருப்பாங்க, ஏமாத்தரவங்களுக்குத் தான் இதுபோல பல வழிகள் இருப்பது தெரிந்து பணம் பண்ணுவார்கள்...... சோகம்

**டார்வின்** · **டார்வின்** Mon Jan 13, 2014 4:26 pm

ராஜா wrote:நல்லதிட்டம் ,

இதே போல தமிழ்நாட்டிலும் புரட்சி தலைவி டாக்டர் அம்மா அவர்கள் டாஸ்மாக்கில் குடிப்பதற்கு கூட்டுறவு சங்கம் மூலம் லோன் கொடுத்தால் நன்றாக இருக்கும்.