பொழுதுபோக்குக் காதல்

எனக்குப் பொழுது போகவில்லை. கே.கே. நகரிலிருந்து மரீனாக் காடற்கரைக்குப் போனேன். அங்கே எம்.ஐி.ஆர். நினைவிடம் கழிந்து 50 மீற்றர் கடந்து காற்று வேண்டக் குந்தினேன். எண்ணமுடியாதவாறு ஏராளமானோர் கடற்காற்று வேண்ட வந்திருப்பாங்களென எண்ணிப்பார்த்தேன்.

ஆனால், ஆளுக்காள் வெவ்வேறு நோக்கங்களோட தான் வந்திருந்ததைக் கண்டுகொண்டேன். காளைகளும் வாலைகளும் கலகலவென அலட்டிக் கொண்டு சென்றனர். ஒரு காளை பல வாலைகளுடனும் ஒரு வாலை பல காளைகளுடனும் இரண்டு மணி நேரத்திற்குள் உலாவியதைக் கண்டேன்.

பல வாலைகளுடனும் சுற்றிய ஒரு காளையிடம்
"நீங்க ஒராள் பலரைக் காதலிப்பது சரியா?" எனக் கேள்வி கேட்டேன்.

நேரத்துக்கு ஒராளுடன் உலாவுவது பொழுதுபோக்கு; காதலிப்பது போல் நடிப்பு; பாலியல் விருப்பை அடையவல்ல; செலவின்றி ஒவ்வொருவருடனும் சுற்றி உண்டுகளிக்கலாம்; வயிறு முட்டினால் வீடு திரும்பி விடுவேன்.

எவளாச்சும் உயிருக்கு உயிராக விரும்பினால் நீ என்ன செய்வாய் என்றேன். அதற்கு அவன் "அதிக பொன், பணம், வீடு, காணி என எல்லாவற்றுடனும் வருபவளைக் கட்டுவேன்" என்றான்.

இப்படித்தான், பல காளைகளுடனும் சுற்றிய ஒரு வாலையிடம்
"நீங்க ஒராள் பலரைக் காதலிப்பது சரியா?" எனக் கேள்வி கேட்டேன்.

நேரத்துக்கு ஒராளுடன் உலாவுவது பொழுதுபோக்கு; காதலிப்பது போல் நடிப்பு; பாலியல் விருப்பை அடையவல்ல; செலவின்றி ஒவ்வொருவருடனும் சுற்றி உண்டுகளிக்கலாம்; வயிறு முட்டினால் வீடு திரும்பி விடுவேன்.

எவனாச்சும் உயிருக்கு உயிராக விரும்பினால் நீ என்ன செய்வாய் என்றேன். அதற்கு அவள் "உயர் பதவி, அதிக வருவாய், வீடு, காணி என எல்லாவற்றுடனும் வருபவனைக் கட்டுவேன்" என்றாள்.

அன்புள்ள கடவுளே! கொஞ்சம் இங்க வாருங்க... நம்மாளுகளின் உள்ளக்கிடக்கையை கொஞ்சம் எண்ணிப்பாருங்க... என்றழைத்தாலும் கடவுள் எங்கே இந்தப் பக்கம் வருவார்... நம்மாளுகள் பட்டுக்கெட்டால் தன்னிடம் தானே வருவார்களென கடவுள் நினைத்திருப்பார் போலும்.

இந்தக் காலத்து இளசுகள் பெரும்பாலும் பொழுதுபோக்குக்கு காதல் செய்யிறாங்களா... நாலு பணம் உழைக்க வழி தெரியாமல் தட்டிச்சுத்துற தொழில் பண்றாங்களா... எனக்கு ஒன்றுமே புரியவில்லை.

இருள் முட்டிக்கொண்டு வர, எனக்கும் வயிற்றைக் கலக்கிக் கொண்டு வந்தது. நாடு இப்படித் தான் போகுதெனப் பார்த்தது போதுமென விட்டுக்குப் புறப்பட்டேன்.

 

காதலில் போலிகள்தான் இன்று அதிகம்... அதுவே காதலாகவும் அறியப்படுகிறது... ஒரே பெண்ணையோ ஆணையோ காதலிப்பவனை நகைக்கிறது உலகம்...

இப்படித்தான் போகிறது காதல்... அல்ல இது காமம்...

கவியருவி ம.ரமேஷ் wrote:காதலில் போலிகள்தான் இன்று அதிகம்... அதுவே காதலாகவும் அறியப்படுகிறது... ஒரே பெண்ணையோ ஆணையோ காதலிப்பவனை நகைக்கிறது உலகம்...

இப்படித்தான் போகிறது காதல்... அல்ல இது காமம்...

தங்கள் கருத்தை வரவேற்கிறேன்.