பலத்த பாதுகாப்பு வளையத்தை மீறி லிபியா பிரதமர் கடத்தல்

ரேவதி · ரேவதி Fri Oct 11, 2013 3:57 pm

திரிபோலி : லிபியா நாட்டு பிரதமர் அலி ஜிடானை நேற்று அதிகாலை பயங்கர ஆயுத கும்பல் கடத்தியது. அவரை பற்றி தகவல் தெரியாததால் பதற்றம் நிலவுகிறது.
லிபியாவில் சர்வாதிகார ஆட்சி நடத்தி வந்த கடாபிக்கு எதிராக கடந்த 2011ம் ஆண்டு பிப்ரவரி மாதம் உள்நாட்டு புரட்சி ஏற்பட்டது. அதன்பின் தலைமறைவான கடாபியை புரட்சியாளர்கள் கடந்த 2011ம் ஆண்டு அக்டோபர் 20ம் தேதி கண்டுபிடித்து அடித்து கொன்றனர்.

இதனால், சர்வதேச அளவில் பெரும் பரபரப்பு ஏற்பட்டது. அதன் பிறகு இடைக்கால அரசு நிர்வாக பொறுப்பேற்றது. லிபியா பிரதமராக அலி ஜிடான் பொறுப்பேற் றார். அவர் திரிபோலியில் உள்ள கொரிந்தியா என்ற நட்சத்திர விடுதியில் அதிகாரிகளுடன் ஆலோசனையில் ஈடுபட்டிருந்தார். சுற்றி பலத்த பாதுகாப்பும் போடப்பட்டிருந்தது.

இந்த விடுதியில் நேற்று அதிகாலை பயங்கர ஆயுதங்களுடன் ஓட்டலுக்குள் நுழைந்த மர்ம கும்பல், அலி ஜிடானை துப்பாக்கி முனையில் கடத்தி சென்றது. இதனால் பாதுகாப்பு வீரர்கள், அதிகாரிகள் அதிர்ச்சி அடைந்தனர். பிரதமரை கைது செய்து அழைத்து சென்றதாக சிலர் கூறினர். ஆனால், பிரதமரை தீவிரவாதிகள் கடத்தியதாக நீதித் துறை அமை ச்சர் கூறினார். சில நாட்களுக்கு முன்னர் தலைநகர் திரிபோலியில், அல் கய்தா தீவிரவாத அமைப்பின் முக்கிய தலைவரை அமெரிக்க படையினர் கைது செய்தனர். அதற்கு பழிக்கு பழியாக லிபிய பிரதமரை கடத்தியதாக பரபரப்பு தகவல்கள் வெளியாகின.

லிபியாவில் இடைக்கால அரசு அமைந்த பின்னும் இஸ்லாமிய புரட்சியாளர்களுக்கும், பழங்குடியின போராட்டக்காரர்களுக்கும் மத்தியில் தொடர்ந்து உள்நாட்டு போர் நடைபெற்று வருகிறது. இதில் இரு தரப்பினரும் லிபியாவின் ஒவ்வொரு பகுதியை தங்களின் கட்டுப்பாட்டில் வைத்துள்ளனர். அரசியல் ஸ்திரமற்ற நிலையால் பிரதமர் கடத்தப்பட்டிருக்கிறார். அவரை விடுவித்து விட்டதாக மர்ம கும்பல் கூறினாலும் பிரதமர் எங்கிருக்கிறார் என்பது தெரியாததால், அவரை தேடும் பணி முடுக்கி விடப்பட்டுள்ளது என்று பாதுகாப்பு துறை அதிகாரிகள் கூறினர். ஜிடான் கடத்தப்பட்ட சம்பவத்துக்கு இதுவரை எந்த அமைப்பும் பொறுப்பேற்கவில்லை.

dinakaran

**SajeevJino** · **SajeevJino** Fri Oct 11, 2013 9:53 pm

அவரை நேற்றே விடுதலை செய்து விட்டார்கள்

அரசியல் பின்னணி உள்ள சில தீவிரவாதிகள் தான் கடத்தினார்கள்

**டார்வின்** · **டார்வின்** Fri Oct 11, 2013 10:00 pm

லிபியா நாட்டின் கிழக்குப் பகுதியில் உள்ள பெங்காசி நகரில் ஸ்வீடன் நாட்டுத் தூதரகம் உள்ளது. அங்கு பணிபுரியும் எட்டு ஊழியர்களும் அங்கு பின்புறமுள்ள குடியிருப்புகளிலேயே வசித்து வருகின்றனர். இன்று காலை 11.30 மணி அளவில் அந்தக் கட்டிடத்தின் முன்புறக் கதவருகில் நிறுத்தப்பட்டிருந்த கார் ஒன்று திடீரென வெடித்துச் சிதறியது.

இதில் தூதரகக் கட்டிடத்தின் கதவுகள் சிதறின. ஜன்னல் கண்ணாடிகள் பறந்து விழுந்து நொறுங்கின. கட்டிடத்தின் முன்புறம் ஒரே புகைமயமாகக் காட்சியளித்தது. அப்போது அங்கு பணிபுரிபவர்கள் யாரும் இல்லாததால் ஒருவருக்கும் பாதிப்பு ஏற்படவில்லை.

தூதரகத்தின் பின்புறமுள்ள அடுக்குமாடிக் குடியிருப்பில் தலைமை அதிகாரியான ஆண்டர்ஸ் நில்சன் இருந்துள்ளார். மர்ம ஆசாமி ஒருவன் காரைக் கொண்டு வந்து தூதரக அலுவலகத்தின் முன்புறக் கதவருகே நிறுத்திவிட்டுச் சென்றது கண்காணிப்புக் காமிராவில் பதிவாகியிருந்ததாக அவர் தெரிவித்தார். சிதறிய காரின் சக்கரத்தின் மூடி ஒன்றும் தூதரக கட்டிடத்தினுள் காணப்பட்டதாக அவர் கூறினார். ஆயினும், இந்த தாக்குதலுக்கு யாரும் பொறுப்பேற்கவில்லை என்றும் அவர் சொன்னார்.

இந்த சம்பவத்தினால் தூதரகம் தற்காலிகமாக மூடப்பட்டது. அந்தக் குடியிருப்புகளில் இருந்தவர்களும் பெங்காசியின் மற்றொரு பகுதிக்கு இடமாற்றம் செய்யப்பட்டுள்ளனர்.
malaimalar