நான் உயிரோடுதான இருக்கேன் அதுக்குள்ள ஏன் சங்கு ஊதுறீங்க?

ராஜு சரவணன் · ராஜு சரவணன் Mon Jul 15, 2013 3:20 pm

அனுபவம்தான் நாம் எப்படியெல்லாம் வாழ வேண்டும் என்பதை நமக்கு கொஞ்சம் கொஞ்சமாக கற்றுத் தருகிறது. இங்கு வாழ்ந்து சென்ற மனிதர்களும் கூட நாம் எப்படி வாழ வேண்டும் என்பதை தங்கள் வரலாறாக விட்டுச் சென்றுள்ளார்கள். அப்படிப்பட்ட ஒரு பச்சைத் தமிழன் காமராசரின் பிறந்த நாள்தான் இன்று. அவருக்குப் பிறகு அவரைப் போன்ற ஒரு தலைவர்களை எங்களால் தர முடியும் என்று காங்கிரஸ் சொல்லிக் கொண்டே ஒவ்வொரு தடவையும் ஓட்டுக் கேட்டு வந்தாலும், அவர்களால் அப்படி ஒரு தலைவனை தர முடியாது என்பது நாம் எல்லாருக்கும் தெரிந்ததுதான். அது அவர்களுக்கும் தெரியும்தான்.

நான் உயிரோடுதான இருக்கேன் அதுக்குள்ள ஏன் சங்கு ஊதுறீங்க? Browse

பச்சைத் தமிழன் காமராசரின் பிறந்த நாளில் சில தகவல்கள்…

சுற்றுப் பயணத்தின்போது தொண்டர்கள் அன்பளிப்பு கொடுத்தால், ‘கஷ்டப்படுற தியாகிக்குக் கொடுங்க’ என்று வாங்க மறுப்பார்!

மாதம் 30 நாளும் கத்திரிக்காய் சாம்பார் வைத்தாலும் மனம் கோணாமல் சாப்பிடுவார். என்றைக்காவது ஒரு முட்டை வைத்துச் சாப்பிட்டால் அது அவரைப் பொறுத்தவரை மாயா பஜார் விருந்து!

தன்னைப் பாராட்டி யாராவது அதிகம் பேசினால், ‘கொஞ்சம் நிறுத்துன்னேன்’ என்று சட்டையைப் பிடித்து இழுப்பார். அடுத்த கட்சியை மோசமாகப் பேசினால், ‘அதுக்கா இந்தக் கூட்டம்னேன்’ என்றும் தடுப்பார்!

மகன் முதலமைச்சரானதும் அம்மா சிவகாமிக்கு அவருடன் தங்க ஆசை. ‘நீ இங்க வந்துட்டாஉன்னைப் பார்க்கச் சொந்தக்காரங்க வருவாங்க. அவங்களோட கெட்ட பேரும் சேர்ந்து வந்துடும். அதுனால விருது நகர்லயே இரு’ என்று சொல்லிவிட்டார். அந்த வீட்டையாவது பெரிதாக்கி கட்டித் தரக் கேட்டபோதும் மறுத்துவிட்டார்!

இரண்டு முறை பிரதமர் ஆக வாய்ப்பு வந்தபோதும் அதை நிராகரித்து லால் பகதூர் சாஸ்திரி, இந்திரா காந்தி ஆகியோரை பிரதமர் ஆக்கினார். ‘கிங் மேக்கர்’ என்ற பட்டத்தை மட்டும் தக்க வைத்துக்கொண்டார்!

பந்தாக்களை வெறுத்தவர். முதல் தடவை சைரன் ஒலியுடன் அவருக்கான பாதுகாப்பு கார் புறப்பட்டபோது தடுத்தார். ‘நான் உயிரோடுதான இருக்கேன். அதுக்குள்ள ஏன் சங்கு ஊதுறீங்க?’ என்று கமென்ட் அடித்தார்!

- நான் உயிரோடுதான இருக்கேன் அதுக்குள்ள ஏன் சங்கு ஊதுறீங்க? ஆம் அதில்தான் எவ்வளவு பெரிய உண்மை. அவர் இன்றும் என்றும் நம் மனங்களில் உயிரோடுதான் இருக்கிறார்.

நன்றி - தமிழ் நியூஸ்24x7.காம்