ராஜபக்சேயின் தம்பி பசில் ராஜபக்சே இன்று டில்லி வந்தார்.

இலங்கையில் வாழும் தமிழ் மக்களின் அதிகார பரவல் ( 13 ஏ சட்டத்திருத்தம் ) , இருநாட்டு உறவுகள் மற்றும் இலங்கை மேம்பாட்டுக்கு உதவி கோரல்உள்ளிட்ட விவகாரங்கள் குறித்து பேச்சு நடத்த இலங்கை அதிபர் ராஜபக்சேயின் தம்பி பசில் ராஜபக்சே இன்று டில்லி வந்தார். இவர் தமிழர்களின் கலாச்சாரம் மற்றும் அவர்களின் அரசியல் பங்கு உள்ளிட்ட விவகாரத்தில் முட்டுக்கட்டை போடுவதற்கு இந்திய அரசை சமாதானம் செய்யும் நோக்கில் இவரது பயணம் வகுக்கப்பட்டுள்ளதாக இலங்கை தமிழர் அமைப்புகள் தெரிவித்துள்ளன. அதே நேரத்தில் இந்திய அரசு இந்த விஷயத்தில் விட்டுக்கொடுக்கும் எண்ணம் எதுவுமில்லை என்றும் இதில் தமிழர்கள் நலனில் உறுதியாக இருப்பதாகவும் டில்லி வட்டாரம் தெரிவிக்கிறது.
இலங்கை அரசாங்கம் தமிழ் மக்களின் அதிகாரம் மற்றும் அரசியல் உரிமை தொடர்பாக இந்தியாவுடனான 13 ஏ என்ற கொள்கை குறித்து பேசவுள்ளளார். 1987 ல் இரு நாடுகள் இடையே இன மோதல் தீர்ப்பதற்கான வழியை தரும் ஏற்பட்ட ஒப்பந்தத்தில் இது ஒரு முக்கிய அம்சமாக திகழ்கிறது. இதன் படி தமிழர்களுக்கு அரசியல் அதிகாரம் வழங்க வழி செயயும். இந்த சட்ட திருத்தம் படி வரும் செப்டம்பர் மாதத்தில் தேர்தல் நடத்த வேண்டியது உள்ளது. தேர்தல் நடத்தாமல் காலம் தாழ்த்தவும், இதில் இலங்கை தமிழர்கள் அதிகாரத்தை வழங்காமல் இருக்கவும் இலங்கை அரசு முயற்சிக்கிறது.

இதற்கென இலங்கை பொருளாதார மேம்பாடு துறை அமைச்சரும் , ராஜபக்சேவின் அரசியல் ஆலோசகராகவும் இருப்பவருமான பசில் இன்று டில்லி வந்துள்ளார். தேசிய பாதுகாப்பு ஆலோசகர் சிவசங்கர் மேனன் மற்றும் அதிகாரிகளை சந்தித்து பேசினார். தொடர்ந்து மத்திய வெளியுறவு துறை அமைச்சர் சல்மான் குர்ஷித்தை சந்தித்து பேசுகிறார்.

தமிழக மீனவ பிரதிநிதிகள் சந்திப்பு : இதற்கிடையில் பசில் ராஜபக்சேவை தமிழக மீனவ பிரதிநிதிகள் சந்தித்து பேசினர். இலங்கை கடற்படையினரால் தமிழக மீனவர்கள் தாக்கப்படுவது குறித்து இவர்கள் எடுத்துக்கூறினர். இலங்கை கடற்படையினரின் இந்த நடவடிக்கையை நிறுத்த வேண்டும் என்றும் கோரினர்.

-- தினமலர்

மும்பை போரைங்க , டெல்லி போரைங்க , தமிழ் நாட்டுக்கு வார மாட்றணுகளே .. 

அது என்ன இலங்கை அதிபர் ராசபக்சே , வெறும் ராஜபக்சே நு போடுங்க நண்பா ..

புரட்சி wrote:அது என்ன இலங்கை அதிபர் ராசபக்சே , வெறும் ராஜபக்சே நு போடுங்க நண்பா ..

மாற்றிவிட்டேன் நண்பா