கண்ணன் - என் காதலன்

**மதுமிதா** · **மதுமிதா** Sun Jun 16, 2013 3:25 pm

http://2.bp.blogspot.com/-xV7WBpcJ8NY/T9bIvSUBRlI/AAAAAAAAAeY/780VXwMQ-W4/s1600/pen+kulal+oviyam.jpg

தூண்டிற் புழுவினைப்போல் ---வெளியே
சுடர்விளக்கினைப் போல் ,
நீண்ட பொழுதாக-- எனது
நெஞ்சந் துடித்த தடீ!

கூண்டுக் கிளியினைப் போல் --தனிமை
கொண்டு மிகவும் நொந்தேன் ;
வேண்டும் பொருளை யெல்லாம்--மனது
வெறுத்து விட்ட தடீ!

பாயின் மிசை நானும் --தனியே
படுத் திருக்கையிலே,
தாயினைக் கண்டாலும்,--சகியே!
சலிப்பு வந்த தடீ
!
வாயினில் வந்ததெல்லாம் ,--சகியே!
வளர்த்துப் பேசிடுவீர்;
நோயினைப் போலஞ்சினேன் ;--சகியே!
நுங்களுறவையெல்லாம் .

உணவு செல்லவில்லை ;--சகியே!
உறக்கங் கொள்ளவில்லை.
மணம் விரும்பவில்லை;--சகியே!
மலர் பிடிக்கவில்லை;
குணமுறுதி யில்லை ;--எதிலும்
குழப்பம் வந்ததடீ !

கணமும் உள்ளத்திலே --சுகமே
காணக் கிடைத்ததில்லை.

பாலுங் கசந்ததடீ!--சகியே!
படுக்கை நொந்ததடீ!
கோலக்கிளி மொழியும் --செவியில்
குத்த லெடுத்த தடீ !
நாலு வயித்தியரும் --இனிமேல்
நம்புதற் கில்லை என்றார்;
பாலத்துச் சோசியனும் --கிரகம்
படுத்து மென்று விட்டான்

கனவு கண்டதிலே-- ஒருநாள்
கண்ணுக்குத் தோன்றாமல்,
இனம் விளங்கவில்லை --எவனோ
என்னகந் தொட்டு விட்டான் .
வினவக் கண் விழித்தேன் ;--சகியே!
மேனி மறைந்து விட்டான்;
மனதில் மட்டிலுமே --புதிதோர்
மகிழ்ச்சி கண்ட தடீ !

உச்சி குளிர்ந்ததடீ;--சகியே!
உடம்பு நேராச்சு ;
மச்சிலும் வீடுமெல்லாம் --முன்னைப்போல்
மனத்துக் கொத்ததடீ!
இச்சை பிறந்ததடீ!--எதிலும்
இன்பம் விளைந்ததடீ!
அச்சமொழிந்ததடீ!--சகியே!
அழகு வந்ததடீ !

எண்ணும் பொழுதிலெல்லாம் --அவன்கை
இட்ட விடத்தினிலே
தண்ணென் றிருந்ததடீ !--புதிதோர்
சாந்தி பிறந்ததடீ!
எண்ணி எண்ணிப் பார்த்தேன் ;--அவன்தான்
யாரெனச் சிந்தை செய்தேன்;
கண்ணன் திருவுருவம் --அங்கனே
கண்ணின் முன் நின்றதடீ!

- மகாகவி பாரதியார்
.

யினியவன் · யினியவன் Sun Jun 16, 2013 3:43 pm

மகாகவியின் பகிர்வு சூப்பருங்க

**கரூர் கவியன்பன்** · 23/09/2012

தமிழின் தயக்கம்
தாகம் தருதடி
மொழியின் வீரியம்
சீறித்தான் நிக்குதடி............

பாரதியின் கவியும் மொழியும் அருமை.............

சுவைக்க தந்தமைக்கு நன்றிகள் பல

இந்த பதிவைத் துவங்கியவர் நன்றி கூறியுள்ளார் கரூர் கவியன்பன்

**மதுமிதா** · **மதுமிதா** Sun Jun 16, 2013 5:43 pm

@இனியவன் அண்ணா: நன்றி அண்ணா

Sponsored content · Sponsored content

கண்ணன் - என் காதலன்

கண்ணன் - என் காதலன்

Re: கண்ணன் - என் காதலன்

Re: கண்ணன் - என் காதலன்

www.karurkaviyanban.blogspot.in

Re: கண்ணன் - என் காதலன்

Re: கண்ணன் - என் காதலன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக