திருக்குறள் புதிர்...!

by **Tamilzhan** on Thu Aug 06, 2009 11:35 pm

திருக்குறள் புதிர்..!

இன்னிக்கு மேட்டருக்கு வருவோம். வள்ளுவரு ரொம்ப பெரிய மேட்டரு ஒண்ண வளக்கம் போல சும்மா பளீர்னு ரெண்டு வரீல இப்டி சொல்லிட்டாரு:

யாதெனின் யாதெனின் நீங்கியான் நோதல்
அதனின் அதனின் இலன்.

இதுக்கு இன்னா அர்த்தம்னா வாத்யார், நீங்க இன்னா இன்னா மேட்டர்ல இருந்து கொஞ்சம் தள்ளி நின்னுகிறீங்களோ... அட்டாச்மென்ட வுட்டுறீங்களோ... அந்த அந்த மேட்டரால உங்களுக்கு கஷ்டம் வர்றாது! அவ்ளோதான் மேட்டரு! இன்னா? கேக்குறதுக்கு ரொம்ப ஸிம்பிளா கீதா? கொஞ்சம் சைலன்டா உக்காந்து யோசிச்சு பாருங்க இன்னான்னவோ புரியும்!

புதிர்:

இப்போ புதிர் இன்னான்னா, மத்த 1329 திருக்குறள்லயும் இல்லாத ஒரு மேட்டர் இந்த குறள்ல கீது. அது இன்னா?

க்ளூ:

வள்ளுவரு சொன்ன மேட்டருக்கும் இந்த புதிருக்கும் ரொம்ப சம்பந்தம் கீது!

அவ்ளோதான், வர்ட்டா? யோசிச்சு சொல்லுங்க.

இப்படிக்கு
வாத்தியார்:ஜாம்பஜார் ஜக்கு.

by **kirupairajah** on Fri Aug 07, 2009 10:24 am

யாதெனின் யாதெனின் நீங்கியான் நோதல்
அதனின் அதனின் இலன்

‘என்ன இது, என்ன இது என நோக்கி ஒவ்வொன்றாக விட்டு விலகியவன் அந்தஅளவு அந்தஅளவு துயரம் இல்லாதவன்’ என்பது இக்குறளின் பொருள். பரிமேலழகர் ஒரு மேலதிகப் பொருள் அளிக்கிறார். அனைத்தையும் ஒவ்வொன்றாக விட்டு விலகுதலே விடுதலை அளிக்கும், ஆனால் ஒவ்வொன்றாக விடுதலும் அந்தந்த அளவுக்கு விடுதலை அளிப்பதே என்றே வள்ளுவர் சொல்கிறார்

by **சிவா** on Fri Aug 07, 2009 10:42 am

யாதனின் யாதனின் நீங்கியான் நோதல்
அதனின் அதனின் அலன்.

ஒருவன் பல வகையான பற்றுகளில் எந்த ஒன்றை விட்டு விட்டாலும், குறிப்பிட்ட அந்தப் பற்று காரணமாக வரும் துன்பம், அவனை அணுகுவதில்லை.

Whatever thing, a man has renounced, by that thing; he cannot suffer pain.

by **சிவா** on Fri Aug 07, 2009 10:45 am

மு.வ : ஒருவன் எந்தப் பொருளிலிருந்து, எந்தப் பொருளிலிருந்து பற்று நீங்கியவனாக இருக்கின்றானோ, அந்தந்தப் பொருளால் அவன் துன்பம் அடைவதில்லை.

கருணாநிதி :ஒருவன் பல வகையான பற்றுகளில் எந்த ஒன்றை விட்டு விட்டாலும், குறிப்பிட்ட அந்தப் பற்று காரணமாக வரும் துன்பம், அவனை அணுகுவதில்லை.

சாலமன் பாப்பையா :எந்த எந்தப் பொருள்களின் மேல் விருப்பம் இல்லாதவனாய் விலகுகிறானோ அவன் அந்த அந்த பொருள்களால் துன்பப்படமாட்டான்.

by **kirupairajah** on Fri Aug 07, 2009 10:51 am

இரண்டு விழக்கங்களுக்கும் ஒரே கருப்பொருள்தானே.
"துன்பம் அணுகுவதில்லை" "துயரம் இல்லாதவன்"

துன்பம் அணுகாவிட்டால் துயரமில்லை

திருக்குறளுக்கு பலராலும் பல விழக்கம் கொடுத்திருந்தாலும். அனேகமாய் ஒரே கருத்துத்தான் அங்கு வலியுறுத்தப்படுகிறது