இரு வரிக்கவிதைகள்

by **சிவா** on Sun Jul 05, 2009 12:37 am

என்னோடு பேசும்
ஜன்னல் வழி நிலவே...
அவளோடும் பேசுவாயா...?

நெடுநேரமாய் பேசும் நண்பன்
போகும்போது கேட்பானோ...
கடன்.

வந்துவிடாதே... மழையே
பசியுடனே
சாலை ஓவியன்.

இரங்கல் ஊர்வலம்
கதறியபடி...
கடன் கொடுத்தவன் மனசு.

'குழந்தைத் தொழிலாளி ஒழிப்பு...'
போஸ்டர் ஒட்டும்
பிஞ்சுக் கைகள்.

காது குத்தியதிலிருந்து அழுகிறாள்
இன்னும் ஏழைச்சிறுமி
கம்மல் கேட்டு.

ஆலைச்சங்கு அலறுகிறது
இல்லை... இல்லை
ஏப்பமிடுகிறார் முதலாளி.

ஊரெங்கும்
இலவச தண்ணீர்ப்பந்தல்
சிறுநீர் கழிக்க 50 பைசா.

நேரம் சரியில்லை
நஷ்டத்தில் ஓடுகிறது
கடிகாரக் கடை.

by amloo on Sun Jul 05, 2009 12:39 am

உங்க சொந்த கவிதையா???

சரி அண்ணா நான் கிளம்புகிறேன்...நாளை வேலை...

take care..gd nite..swt dream...bye frenzz...

by Guest on Sun Jul 05, 2009 12:39 am

கவிதை சூப்பர் ஆனால் இதை கோப்பி அடிச்சு எழுத எனக்கு காதலி இல்லை

by **சிவா** on Sun Jul 05, 2009 12:42 am

தேன் தேடுதோ...
வண்டு
மலர் வளையத்தினுள்.

சூரபத்மனை வென்ற மகிழ்வில்
ஊர்வலம் வந்தார் முருகன்
எந்திர துப்பாக்கி காவலோடு.

நிலவில் வீடுள்ளவர்
பூமியில் வீசட்டும்...
அணுகுண்டு

என்னிடம் பேசாமல்
குருவியிடம் பேச்சு
நான் நட்ட மரம்.

பெய்துவிட்ட மழையோடு
இன்னுமென்ன வாதம்..?
தவளையின் சத்தம்!

பசித்தழுகிறது குழந்தை.
ரப்பர் மரத்தில் பால் வெட்டியபடி
வற்றிய மார்போடு அம்மா.

நெய்திட்ட நூலைவிட
கைத்திட்ட நூல் அதிகம்
ஏழையின் உடை.

நடுங்கும் குளிரில்
பயன்படாத போர்வையோடு
'கம்பளி'ப்பூச்சி.

யாருக்காகக் குப்பை மேட்டில்
குடையோடு காத்திருக்கிறது..?
காளான்!

முழுசாய் கரைந்துவிடுவேனோ...?
சந்தேகத்துடன்
விநாயகர்.

நெருப்பு மட்டுமல்ல
சிரிப்பும் காயப்படுத்தும்
காதலித்துப்பார்!

கதர் கண்காட்சி
துவக்கி வைத்தார் அமைச்சர்
'ஜீன்ஸ்' உடையில்!

சரளமாக ஆங்கிலம் பேச...
தொடர்ந்து பாருங்கள்
தமிழ் நிகழ்ச்சிகள் டி.வி.யில்.

by **சிவா** on Sun Jul 05, 2009 12:44 am

சொந்தக் கவிதையல்ல...
எழுதியது யாரென்றும் தெரியவில்லை..

Geocities தளம் விரைவில் மூடப்பட இருக்கிறது..
2003 முதல் என் இலவச இணையதளம் செயல்பட்டு வந்தது..
அவைகளை இங்கு மற்றிக்கொண்டு இருக்கிறேன்.

http://www.geocities.com/sivakumarsubburaman

by **சிவா** on Sun Jul 05, 2009 12:45 am

நன்றி சென்றுவாருங்கள் அம்லூ!!!

ஈகரை இணையத்தின்
இனிய இரவு வணக்கங்கள்....

by Manik on Sun Jul 05, 2009 10:55 pm

கவிதை அனைத்தும் அருமை
அதில் உள்ள தகவல் அனைத்தும் அருமை
இந்த தகவலை கொடுத்த சிவா சார் அருமை
சிவா சார் கொடுத்த இந்த ஈகரை அருமையோ அருமை..........

by sudhakaran on Mon Jul 06, 2009 12:24 am

அருமையான கவிதைகள்

by **சிவா** on Mon Jul 06, 2009 5:41 am

manekan2000 wrote:கவிதை அனைத்தும் அருமை
அதில் உள்ள தகவல் அனைத்தும் அருமை
இந்த தகவலை கொடுத்த சிவா சார் அருமை
சிவா சார் கொடுத்த இந்த ஈகரை அருமையோ அருமை..........

சிறு திருத்தம்... சிவாவின் பணி ஈகரை ஆரம்பித்ததுதான், ஆனால் அதன் வளர்ச்சியில் உங்கள் அனைவரின் பங்கும் உள்ளது என்பது தான் உண்மை. மேலும் உங்களின் ஆதரவு ஈகரை இணையத்துக்கு என்றும் தேவை.

by Guest on Mon Jul 06, 2009 10:15 am

படிக்க படிக்க திகட்டாத கவிதைகள் Like a Star @ heaven

இரு வரிக்கவிதைகள்

இரு வரிக்கவிதைகள்

Re: இரு வரிக்கவிதைகள்

Re: இரு வரிக்கவிதைகள்

Re: இரு வரிக்கவிதைகள்

Re: இரு வரிக்கவிதைகள்

Re: இரு வரிக்கவிதைகள்

Re: இரு வரிக்கவிதைகள்

Re: இரு வரிக்கவிதைகள்

Re: இரு வரிக்கவிதைகள்

Re: இரு வரிக்கவிதைகள்