ரசிகர்களின் பிடியில் பிரபுதேவாநயன்தாரா

திருமண சர்ச்சையில் உண்டு, இல்லை என்று எந்த பதிலும் சொல்லாத பிரபுதேவாவும் நயன்தாராவும் துபாய் பயணம் மூலம் காதலை உறுதிப்படுத்தியுள்ளனர்.

பிரபுதேவாநயன்தாரா ரகசிய திருமணம் என்ற தகவல் இரண்டு வாரங்களுக்கு முன் கோடம்பாக்கத்தையே கலக்கி எடுத்தது. "நயன்தாராவுடனான காதல் எனது தனிப்பட்ட விஷயம்" எனபேட்டியில் கொதித்தார் பிரபுதேவா. இன்னொரு பக்கம், "திருமணம் செய்யும்போது அனைவருக்கும் தெரிவிப்பேன்" என நழுவினார் நயன்தாரா.

இந்நிலையில் இருவரும் இணைந்து துபாய் சென்றுள்ளனர். மிஸி ஷாப்பிங் மால் என்ற இடத்துக்கு பிரபுதேவாவுடன் சென்ற நயன்தாராவுக்கு ஆடைகள், அழகு சாதனப்பொருட்கள் என கேட்டதையெல்லாம் வாங்கிக்கொடுத்தாராம் பிரபுதேவா.

தமிழர்கள் நிறைந்த கடை பகுதிக்கு சென்றபோது ஜோடியாக வந்த இருவரையும் பார்த்து இன்ப அதிர்ச்சியில் உறைந்தார்களாம் ரசிகர்கள். தங்கள் அன்புப்பிடியில் அவர்களை சிக்கவைத்தவர்கள் ஆட்டோகிராஃப் வாங்குவதும் போட்டோ எடுப்பதுமாக அன்புத்தொல்லை கொடுத்து விட்டனராம். போட்டோவுக்கு போஸ் கொடுத்தபோது சர்வ ஜாக்கிரதையாக தனி தனியாக நின்று போஸ் கொடுத்தனராம்.

வெறுமனே ஷாப்பிங் போவதற்காக மட்டும் இவர்கள் துபாய் போகவில்லை. அங்கு பணிபுரியும் நயன்தாராவின் அண்ணனுக்கு பிரபுதேவாவை அறிமுகப்படுத்தவே அங்கு சென்றிருக்கின்றனர்.