தினமும் ஒழுங்காக பல் தேய்க்கவில்லை என்றாலும், இதய பாதிப்பு வ

தினமும் ஒழுங்காக பல் தேய்க்கவில்லை என்றாலும், இதய பாதிப்பு வருமாம்! பிரான்ஸ் நாட்டு மருத்துவ நிபுணர்கள், இப்படி அதிர்ச்சி தகவலை வெளியிட்டுள்ளனர். பிரான்ஸ் மார்செல்லி மருத்துவ ஆராய்ச்சி மைய நிபுணர்கள் வெளியிட்ட ஆய்வு அறிக்கையில் கூறியிருப்பதாவது: பற்களை துõய்மையாக வைத்திருப்பதன் மூலம், இதய நோய் வராமல் தடுக்க முடியும். பற்களில் உள்ள பாதிப்புகளுக்கும், இதய பாதிப்புககும் தொடர்பு உண்டு. பற்களில் ஈறு பிரச்னை ஏற்பட்டால், அதை உடனே கவனிக்க வேண்டும். பற்களில் தினமும் தேவையற்ற உணவுத்துகள்கள் சேர்ந்து அழுக்கு சேர்ந்து விடும். அதனால், பற்களில் சுத்தம் பாதிக்கப்படும். அதனால், தினமும் காலை, மாலை வேளைகளில் கண்டிப்பாக பற்களை பிரஷ் கொண்டு சுத்தம் செய்ய வேண்டும். அப்படி செய்யாமல் விட்டால், பற்களில் ஈறுகள் பாதிக்கப்பட்டு, தொற்றுக்கிருமிகள் அதன் வழியாக உட்புகுந்துவிடும். பற்களை மட்டும் அந்த கிருகிகள் பாதிக்காமல், இதயம் வரை பாதிப்பை நீட்டித்துவிடும். இதனால் ரத்த நாளங்களில் பாதிப்பு ஏற்படுகிறது. ரத்தக்குழாயில் அடைப்பு ஏற்பட்டு, அதனால், இதய பாதிப்பு ஏற்பட வழிவகுக்கிறது.


எங்களிடம் வந்த 300 நோயாளிகளிடம் பரிசோதனை செய்ததில், அவர்களுக்கு பற்களில் பாதிப்பு இருப்பதுடன், ஸ்கேன் எடுத்துப்பார்த்தபோது, இதய ரத்தக்குழாய்களில் அடைப்பு இருப்பதும் தெரியவந்தது. இதனால், எந்த பாதிப்பும் இல்லாமல், இதய நோய் வந்துள்ளதே என்று குழம்பாமல், பற்களை ஒழுங்காக வைத்திருக்கின்றாரா நோயாளி என்பதை கண்டறிந்தால் உண்மை புரியும். இப்போது பற்களை சுத்தமாக வைக்காமல் வரும் நோயாளிகளுக்கு, ஸ்கேன் எடுத்துப் பார்த்து, இதய பாதிப்பு அறிகுறியையும் நாங்கள் எடுத்துச்சொல்லி வருகிறோம். இவ்வாறு பிரான்ஸ் நிபுணர்கள் கூறியுள்ளனர்.

தோழமையுடன்
கார்த்திக்