மீன் இறால் பிரியாணி

* பாசுமதி அரிசி-அரைக்கிலோ
* மீன் -அரைக்கிலோ
* இறால்-கால் கிலோ
* வெங்காயம்-இரண்டு
* இஞ்சி விழுது-ஒரு தேக்கரண்டி
* பூண்டு -ஆறு
* பச்சை பட்டாணி-அரை கோப்பை
* சோளம்-அரைக்கோப்பை
* எலுமிச்சைரசம்-ஒரு மேசைக்கரண்டி
* மிளகாய்த்தூள்-இரண்டு தேக்கரண்டி
* தனியாத்தூள்-இரண்டு தேக்கரண்டி
* மஞ்சத்தூள்-ஒரு தேக்கரண்டி
* சீரகத்தூள்-அரைதேக்கரண்டி
* மிளகுத்தூள்-அரைத் தேக்கரண்டி
* பட்டை-இரண்டு துண்டு
* கிராம்பு-நான்கு
* கொதமல்லி-ஒரு கட்டு
* புதினா-அரைகட்டு
* உப்புத்தூள்-இரண்டு தேக்கரண்டி
* எண்ணெய்-கால் கோப்பை
* நெய்-ஒரு மேசைக்கரண்டி

* மினை நன்கு கழுவி துண்டுகள் செய்யவும்.சதை பற்றுள்ள மீனாக தேர்ந்தெடுக்கவும்.பிறகு இறாலை நன்கு சுத்தம் செய்து வைக்கவும்.
* வெங்காயத்தை நீளவாக்கில் நறுக்கி வைக்கவும்.பூண்டை தட்டி வைக்கவும்.
* பிரியாணி செய்யும் பாத்திரத்தை அடுப்பில் வைத்து எண்ணெயை ஊற்றி காய்வைக்கவும்.பிறகு பட்டை கிராம்பை போடவும்.
* தொடர்ந்து வெங்காயத்தை போட்டு பூண்டையும் போட்டு நன்கு வதக்கவும்.பின்பு இஞ்சி விழுதைப்போட்டு எல்லாத்தூளயும் போட்டு வதக்கி அரிசியை கழுவி நீரை சொட்ட வடிகட்டி இதில் போடவும்.
* பிறகு அரிசி நன்கு எண்ணெயில் வெந்து கண்ணாடி மாதிரி ஆனவுடன் மீன், இறால்,பச்சைபட்டாணி,சோளம் ஆகியவற்றைச் சேர்த்து கிளறி விடவும்.
* பிறகு நான்கு கோப்பை சுடு தண்ணீரை ஊற்றி கலக்கி கொதிக்கவிடவும்.நன்கு கொதிக்க ஆரம்பிக்கும் பொழுது மூடியை போடயும்.
* பத்து நிமிடம் கழித்து அடுப்பின் அனலை குறைத்து விடவும்.பிறகு மேலும் பத்து நிமிடம் குறைந்த அனலில் வைத்திருந்து மூடியை திறந்து எலுமிச்சைரசத்தை தெளிக்கவும்.
* சிறிது ஆறியவுடன் புதினா கொத்தமல்லியை தூவி முள்ளுக் கரண்டியைக் கொண்டு கிளறி விட்டு நெய்யை ஊற்றி பரிமாறவும்.[

சமையல் குறிப்பு பிரமாதம் இளவரசன்.. உங்கள் காதலி..அப்பறம் வரும் மனைவி கொடுத்து வைத்தவள்.